2014 年 年 底 前 要 淘 汰 數 千 輛 歐 盟 一 期 和 二 期 巴 士

原帖由 da93 於 2012-1-20 00:02 發表

最實際?
一條街擺多幾個差佬,
專做違泊,再擺幾多隻馬晌度,
違法上落客,抄,
CUT雙白,抄,
衝燈,抄,
踩黃格,抄
一有咩違例既又郁佢...

果邊D燈攪唔惦堆車既,
擺個差佬晌度指揮交通,

電腦做唔惦既野,
搵番人手去做,
...

唔係次次塞車都係因為有人違泊做成...

原帖由 Snoopy@FB8617 於 2012-1-20 00:13 發表
唔係次次塞車都係因為有人違泊做成...

冇人話次次係,
但係,'
至起碼某D區黎講係咁

原帖由 da93 於 2012-1-20 00:06 發表

咁你要明白,
塞車責任嚴格黎講唔晌渣車果個度

如果你咁講,
政府又駛咩花心機研究點樣解決塞車問題?
一句叫你班人一個二個唔好渣車出街唔係解決問題嗎?
咁點解政府要將呢個責任攬上身然後自己走去研究? ...

塞車係因為條路太多車，你可以話每一架車都有責任
但你要留意，要解決塞車，唯一方法係減少車流（起更多路只會引更多車流）
成條路，得公交、搵食車、私家車
公共交通本身已經有規範，而且過往12年限制專利巴士既結果係塞車仲嚴重左
搵食車，學你咁講，郁親都夠大穫
最尾得返私家車，呢隻係最冇必要、亦有公共交通做同樣功能，咁點解要畀佢繼續存在？
講真，如果條路唔塞車，渣私家車真係冇問題
但既然條路已經太多車，咁樣最冇價值既私家車，明顯係應該成為開刀對象
係唔公平嫁啦，但對私家車車主公平，就係對其他道路使用者唔公平

同埋，根本「鼓勵使用公共交通」就係全世界大部分地方既做法，香港其實唔係冇咁講過
但當鼓勵唔得，就要行政手段嫁啦
況且「叫人唔好渣車」同「令人唔好渣車」可以同時做
就好似食煙同吸毒咁，鼓勵你戒煙、幫你戒毒，但同一時間又捉你禁煙區煲煙、犯毒藏毒咁之嘛

原帖由 da93 於 2012-1-20 00:14 發表

冇人話次次係,
但係,'
至起碼某D區黎講係咁

咁俾你解決到部分地區既問題
之後呢?

唔好話而家連大圍都開始塞la~

原帖由 da93 於 2012-1-20 00:11 發表

哦~
咁即係紅隧果條車龍我可以無視了...

隧道要收費，最基本因為要收回建造成本。回本後則收取維修成本。
電子道路收費另一回事。之前我用東涌來比喻也不正確，只不過是在本港找一個較接近的比喻。

原帖由 ~誰@359~ 於 2012-1-20 00:15 發表
塞車係因為條路太多車，你可以話每一架車都有責任
但你要留意，要解決塞車，唯一方法係減少車流（起更多路只會引更多車流）
成條路，得公交、搵食車、私家車
公共交通本身已經有規範，而且過往12年限制專利巴士既結果係塞車仲嚴重 ...

都係果句,
人地俾得起錢,
買得起架車,入既係稅油既時候,
人地渣車出街就已經係人地既權利,
你話佢冇意義咩?
我又會話,
人地有錢你冇得話唔俾人咁做架喎,
即係話維港夠窄,
D富豪買隻遊艇返黎載下明星出維港你有權話佢冇意義但你冇權唔俾佢咁做
我講既係難聽,
但現實如此,
香港地,
有錢又花得起,
咁你點解係都要睇人地唔過眼先,

塞車就唔係每架車既責任,
我一早話過,
如果真係咁,
你政府直頭叫人唔好渣車出街咪攪惦囉~
駛咩諗咁多野解決問題,

原帖由 da93 於 2012-1-20 00:10 發表

咁你似乎對權利與義務,合法與違法既思維好唔清楚

咁你似乎不清楚才有此則問。
依家唔係去界定合法與違法
而係點解有「違泊」？
或者我咁問你啦你會明白：
現在鄉郊道路任泊唔嬲，為了交通管制，政府則在繁忙道路設置停車禁區並實行抄牌，你是否讚成抄牌罰款？

原帖由 Snoopy@FB8617 於 2012-1-20 00:16 發表
咁俾你解決到部分地區既問題
之後呢?

唔好話而家連大圍都開始塞la~

大圍?
本身八幹唔駛攪成咁,
但俾區議會攪惦左,
呢D仲好提

當俾你解決到部份地區問題,
你會唔會去諗,
條路少左車,
D人去左邊?

原帖由 barking 於 2012-1-20 00:22 發表


咁你似乎不清楚才有此則問。
依家唔係去界定合法與違法
而係點解有「違泊」？
或者我咁問你啦你會明白：
現在鄉郊道路任泊唔嬲，為了交通管制，政府則在繁忙道路設置停車禁區並實行抄牌，你是否讚成抄牌罰款？ ...

誰說鄉郊道路係任泊唔嬲??

即係獅子石道都冇劃禁區線,
但差佬一樣可以照抄你牌一樣

原帖由 da93 於 2012-1-20 00:21 發表

都係果句,
人地俾得起錢,
買得起架車,入既係稅油既時候,
人地渣車出街就已經係人地既權利,
你話佢冇意義咩?
我又會話,
人地有錢你冇得話唔俾人咁做架喎,
即係話維港夠窄,
D富豪買隻遊艇返黎載下明星出維港你有權話 ...

How about提高有關私家車既稅項?