孔慶東: 香港人很多是狗，不講普通話都是王八蛋

大陸有好多人係洗咗腦，只知香港回歸，跟著就認為香港應該國內化，因為上面只識宣傳回歸，強調一國，將兩際隱藏。

回#59、#62

係呀，尤其是二三線城市的地方，唔好話香港喇，
連自己個城的事都周不時被「潤飾」，分分鐘隔籬村大暴動佢地都可以一無所知。

好似我近日工作上要帶來自內地及台灣不同大學的學生到香港市區內的機構參觀，
由第一步過馬路開始已經同佢地一般認知好唔同，
單單一個旅遊巴車程，觀察力強心水清的人已經可以明白到好多野。
如香港人的處事態度（勁塞車都左一架右一架輪流入線、條路勁窄都風馳電掣但又冇出事）、
香港的英國影響（街名路名路牌路制交通燈路面劃線路面闊度）、
香港日常生活中的懷舊中國文化（老人家會在日常生活使用農曆）等等。

又例如，佢地耳熟能詳的中國旅行社，係人肉地圖王（我）都話唔到畀佢地知點去，
或者為何康復中心只靠捐款都可以自負盈虧、為何政府不增加資助等等，
可以話如劉姥姥入大觀園，讀萬卷書不如行萬里路。

香港唔單止係人心，而係社會制度、日常運作、潛規則潛台詞等等都同內地極之不同，
而佢地如果無做足心理準備的話，係一無所知亦無預料到cultural shock如此大，
水平高的來到香港會覺得詫異然後探究，水平低的就闊佬懶理大出洋相。

又例如，港大高呼平反六四的內地生。
又例如，我向三十出頭的黨員太太簡介甚麼是六四，
我說一句「中國人民解放軍用真槍實彈對付手無寸鐵的中國人民」，她的眼即時紅了。

主要都是這些身心都被綁架的人，有沒有走出去的機會和走出去的心態。

[ 本帖最後由 DIH 於 2012-2-2 22:58 編輯 ]

原帖由 DIH 於 2012-2-2 22:37 發表

香港唔單止係人心，而係社會制度、日常運作、潛規則潛台詞等等都同內地極之不同，
而佢地如果無做足心理準備的話，係一無所知亦無預料到cultural shock如此大，
水平高的來到香港會覺得詫異然後探究，水平低的就闊佬懶理大出洋相。

又例如，港大高呼平反六四的內地生。
又例如，我向三十出頭的黨員太太簡介甚麼是六四，
我說一句「中國人民解放軍用真槍實彈對付手無寸鐵的中國人民」，她的眼即時紅了。

主要都是這些身心都被綁架的人，有沒有走出去的機會和走出去的心態。

呢樣野未必個個內地人適用……

記得year 3果陣去美國某排名甚高的公立大學exchange時，
有一次同一個內地生、一個美國本土學生同一個韓國學生食飯，
席間討論時事問題，果內地女生竟然話
「你地西方社會成日批評中國，好傷害我地人民感情，我地覺得唔愉快、好心痛」
之後我地三個係咁好佢解釋政府同國民的分別，佢都聽唔入耳。

原帖由 DIH 於 2012-2-2 22:37 發表
主要都是這些身心都被綁架的人，有沒有走出去的機會和走出去的心態

走出去 o既機會係肯定有, 而家全球各地都有中國人,
問題係佢地係唔會接受現實, 自我中心得緊要, 自己永遠是對的 ~

過多個月就話自駕遊, 真係想睇下到時點收科 ~

原帖由 AVD1 於 2012-2-3 03:48 發表

走出去 o既機會係肯定有, 而家全球各地都有中國人,
問題係佢地係唔會接受現實, 自我中心得緊要, 自己永遠是對的 ~

過多個月就話自駕遊, 真係想睇下到時點收科 ~ ...

講真思想狹隘的人唔少，而我之所以同佢地溝通到，
都係事前在其他方面顯示出我唔係要凌駕佢地，而係大家生活經驗不同，
我亦都唔係心中有一個agenda要同佢地提起呢類問題，只係姜太公釣魚。

自駕遊我一直只聽聞香港北上，唔知搞乜鬼近幾日先突然爆出話廣東省南下都有。
都未自駕遊呀，我都見過有中港牌左軚車在沙田市中心轉彎叉錯位、踩線、切錯線，
政府話會批得好少，姑且聽之，得閒整封信佢嘆下。

#64
S3BL100兄我唔知你真人係點樣，但由我同你第一次接觸的貼文開始，
似乎你同內地人接觸的經驗都唔係太好。

第一次係你想同佢地做有紀錄的訪問而不得要領；
呢次就在外國人面前提起這些問題，我假設唔係故意的，只係一時興起想討論，
但在內地生的心態，就可能會覺得「這是我們的家事，我唔想同外國人講，
就算我內心有其他想法我都唔可以透露，你地三個圍我一個這是甚麼態度」。
如果佢自己真係覺得自己國家無問題，根本唔需要理會人地係咪批評佢，
佢係同整個中國政府的取態一樣，「老羞成怒」也。
知道羞恥則這個國家還可以等多二三十年。

又或者可能你本身生活同思想都比較西化，喜歡有碗話碗，
但內地人在那種氛圍下生活慣，每講一句說話就好似太陽熱力由中心向外傳送咁，
唔係直接的，而係兜了十萬八千里過濾再過濾考慮晒所有circumstances先會講，
簡單如香港記者訪問內地普通民眾佢地都唔會即時將所想講出來。
我唔係話你做錯，亦唔係要同該位內地人辯護，
但其實情況就好似，出到街你會唔會畀阿媽在街坊面前說你的不是？

正如我去到德國，我同內地同學之間可以暢所欲言，
大陸有甚麼問題、香港有甚麼不足大家都可以平和討論，
但當德國的英藉教授提起達賴喇嘛，佢係用緊佢的British humour講笑，
我見同學面有難色，我就一笑置之拉開話題，
在這些情況我唔會take sides亦無謂介入太多。

原帖由 DIH 於 2012-2-3 09:52 發表

講真思想狹隘的人唔少，而我之所以同佢地溝通到，
都係事前在其他方面顯示出我唔係要凌駕佢地，而係大家生活經驗不同，
我亦都唔係心中有一個agenda要同佢地提起呢類問題，只係姜太公釣魚。

自駕遊我一直只聽聞香港北上，唔知 ...

岩岩起面書上見到段片, 相信各位板友入去面書都應該見到, 因為已經有萬五人轉發左出去,
至於段片內情係乜, 留比大家自己睇下啦 ~

我只係想講, 究竟起大陸佢地做埋 D 咁 o既事係唔係真係咁常見 ?
因為已經唔係個別人士架啦,
定係還是係大陸人有心玩野 ? (有心同習慣係兩件事) ~

原帖由 DIH 於 3/2/2012 09:52 發表

都未自駕遊呀，我都見過有中港牌左軚車在沙田市中心轉彎叉錯位、踩線、切錯線，...

講到呢樣，都未必完全係大陸司機責任。
實情香港道路設計的確係差。
我去過其他城市 (包括北京、廣州)，
人哋啲路設計上比較闊，啲車比較唔需要亂嚟。

原帖由 DIH 於 2012-2-3 09:52 發表

自駕遊我一直只聽聞香港北上，唔知搞乜鬼近幾日先突然爆出話廣東省南下都有。
都未自駕遊呀，我都見過有中港牌左軚車在沙田市中心轉彎叉錯位、踩線、切錯線，
政府話會批得好少，姑且聽之，得閒整封信佢嘆下。

上次粵港聯席會議時同意的，不過當時香港傳媒主要講香港人可以自駕上大陸，將第二階段大陸車來港淡化。如果每日配額唔多的話，問題應該有限。

原帖由 DIH 於 2012-2-3 09:52 發表

S3BL100兄我唔知你真人係點樣，但由我同你第一次接觸的貼文開始，
似乎你同內地人接觸的經驗都唔係太好。

第一次係你想同佢地做有紀錄的訪問而不得要領；
呢次就在外國人面前提起這些問題，我假設唔係故意的，只係一時興起想討論，
但在內地生的心態，就可能會覺得「這是我們的家事，我唔想同外國人講，
就算我內心有其他想法我都唔可以透露，你地三個圍我一個這是甚麼態度」。
如果佢自己真係覺得自己國家無問題，根本唔需要理會人地係咪批評佢，
佢係同整個中國政府的取態一樣，「老羞成怒」也。
知道羞恥則這個國家還可以等多二三十年。

又或者可能你本身生活同思想都比較西化，喜歡有碗話碗，
但內地人在那種氛圍下生活慣，每講一句說話就好似太陽熱力由中心向外傳送咁，
唔係直接的，而係兜了十萬八千里過濾再過濾考慮晒所有circumstances先會講，
簡單如香港記者訪問內地普通民眾佢地都唔會即時將所想講出來。
我唔係話你做錯，亦唔係要同該位內地人辯護，
但其實情況就好似，出到街你會唔會畀阿媽在街坊面前說你的不是？

大OT：又唔係咁講……

我已經唔係太記得果次飯局係因咩事會傾到呢D問題
（唔記得係咪因為果陣達賴喇嘛到訪我去exchange果間大學演講，定係其他原因），
但係總之第一個提出呢d問題既唔係我，
我都唔會主動提出呢d問題，反正我相信好多內地去美國留學的學生都同情報機關有關連。
只係呢位內地女生果句「批評中國政府好傷害人民感情」的self-defense，我實在印象好深。

我呢幾年其實都同內地生有好多interaction。

我對內地學生的印象，整體的確麻麻，但又唔係完全負面。
當年undergrad頭兩年有住hall，roommate正是內地學生，
無記錯佢係重慶高考狀元，考得入中大殊不簡單。
佢可能係exception，但係佢地好多問題都有好透徹的了解。
試過兩次屋企人專登走入來中大，請佢食飯，事後都話佢好成熟、好老練。
亦事實上，以住hall來講，內地生無港生咁多古靈精怪野，無咁多麻煩野，
所以我第二年都選擇同佢做roommate。
係year 3過後，大家都先後去exchange，但係之後都有見面、保持聯絡，
我對佢印象其實唔差。當然我就無晌佢面前提過任何政治問題。

跟住大約年半前正式去美國留學，同另外幾個學生一齊share學校的apartment。
抽籤抽到我隔離房的係來自北京的內地學生。
我自己如果無人問起，係專登唔會講自己來自邊度，扮聽唔明/唔識講普通話，
亦慶幸自己英文有返少少底子，even本地人都以為我係美國長大，
於是舊年就呃到呢位內地生一段頗長的時間，直到有一次有親戚渣車來探我，
先俾佢地揭發原來我來自香港，識講普通話
之後我都一直堅持，除非成間屋入面得我地兩個，否則一定用英語溝通，
我實在唔係好睇過眼，內地生只要在一齊的時候，一定用普通話大聲談話，
唔理周圍有咩人、唔肯融入當地社會。

呢位內地生人品其實唔差，冬至的時候，佢同佢女朋友都有專登整湯圓，仲請我食。
不過有一樣野我就唔係好頂得順，就係唔知係咪因為佢來自內地，
無香港咁富裕，用慣左squat toilet（我已經諗唔到中文點叫）而唔係坐廁，
（按：五年半前參加過北京、河北交流團，造訪民居，又睇過公廁，的確係用squat toilet的），
於是永遠解決完之後就唔識得搬返起塊廁板，永遠要我執手尾。
呢個問題好難handle，屋企人叫我唔好理，但係最後臨到佢地（嫌租貴）搬走前兩星期我先提出
（講到呢度，又要加返句：當年undergrad住hall果陣，
工友晌我面前話好睇唔慣內地生，就係因為佢地慣左squat toilet，
於是直情成個人解決的時候，鞋踏在廁板上踎上去，搞到污糟晒）
點都好，果一年之間，我地相處都好融洽，好多野我都無講，
更加無討論任何政治問題，甚至有次我咁岩返到apartment
而佢同佢女朋友晌浴室入面鴛鴦戲水，我都費事出聲。

我而家呢間學校，同其他主要research university一樣，研究生入面內地生佔比例唔少，
學校都有個「中國留學生組織」之類，但係我知道呢d組織好多都同中國大使館有關係，
所以都可避則避，無參加。校園入面間中都有學生搞招募定唔知咩，問「你會國語嗎？」
我扮聽唔明。

反而我同我老細，學術以外就傾多好多政治問題囉，中、美、港的政治問題，無所不談，
一來我老細都係個政治活躍的人。

原帖由 S3BL100 於 2012-2-3 13:06 發表
不過有一樣野我就唔係好頂得順，就係唔知係咪因為佢來自內地，
無香港咁富裕，用慣左squat toilet（我已經諗唔到中文點叫）而唔係坐廁，
（按：五年半前參加過北京、河北交流團，造訪民居，又睇過公廁，的確係用squat toilet的），
於是永遠解決完之後就唔識得搬返起塊廁板，永遠要我執手尾。

應該唔係富唔富裕的問題，中國經濟發展快到無人有，有些習慣改唔到都好正常。
Squat toilet係踎廁(粵)/蹲廁(普)，就算日本都仍然有好多踎廁，
一來老人習慣用，二來有人話踎住去可以減少患直腸癌的機會
（如http://naturesplatform.com/health_benefits.html），
所以即使富裕、發達、文明如日本都仍然主動保留踎廁。

分別就係日本人見到坐廁會識得拉低塊板然後坐在板上，
某些人－包括香港一些中年以上人士－就會踩住塊廁板去囉。

如果畀著我我就唔會扮唔識普通話既（我唔係話你有問題，只係我的選擇），
不過有外人當然講返英文啦，而假如要長期相處，
我一定會教佢講少少廣府話、聽canto-pop、甚至聽粵曲。

當年我在德國有另一個香港學生，我地兩個在內地同學面前都係講白話。
我都要慶幸我遇到的內地生都係放開心懷學習新事物的（否則都唔會落香港讀）。

講到尾，一個人生在何處無得揀，
但思想是否開放、行為是否合禮，係有得揀同有得教的。

[ 本帖最後由 DIH 於 2012-2-3 14:33 編輯 ]