數碼通取消無限上網

原帖由 cn2661_2d32 於 2012-2-4 17:55 發表
我覺得無限plan最後的樂土會係電訊x碼.
72蚊任上.

點解咁講....佢用3g網provide 2g服務. 鎖384k.
理論上有排都唔會飽和
d客比得平預左係用慢速. 偶有驚喜提速100k皆大歡喜.
384k我用開就連mytv/youtube都唔窒. 係上 ...

新世界個計劃基本上係一流，
但衰在佢遲過人仔起步(由$35 880分鐘+同台sms o個下開始已經係咁，永遠慢人仔一步)，
再加上佢門市近呢幾年萎縮得好快，
令到好多人都淨係識人仔而唔識新世界。
直到依家佢個$72終於快人一步，
d人先至開始識佢(如果冇記錯佢以前好似叫做Rabbit)。

原帖由 OTIS401 於 2012-2-5 01:46 發表


舊世界的無限plan，相信係123仍有無限流量計劃的情況下
都仍然會keep住的

不過呢個plan對速度沒有要求的用戶來說，真係出奇地幾好用
最少好過peoples連片都睇唔到之餘仲要貴幾蚊
速度就比較穩定，有時仲會over少少
1 ...

佢應該會同人仔2.75G無限個plan一齊共存，
我諗大致ge原因正如樓上話齋，
分極都分唔晒，仲有大把空間。
最緊要係佢個plan相比起人仔，
係睇到youtube同mytv，而且流暢程度尚可。

原帖由 BusterGMT 於 2012-2-5 05:17 發表
果陣為左上網所以轉SmarTone,見佢個無限plan都叫ok(我用緊$238+12果個)
不過自從有個$72無限之後,已經心思思等合約到期
宜家佢話轉做2GB就真係等轉台都得了 ...

我相信唔只係你，
有好多人依家都好似想轉去新世界
不過如果個個都走晒去，
佢要幾耐先至會搞到個3G network飽和呢?
呢個反而有興趣想知。

原帖由 ATE220 於 2012-2-5 17:46 發表


新世界個計劃基本上係一流，
但衰在佢遲過人仔起步(由$35 880分鐘+同台sms o個下開始已經係咁，永遠慢人仔一步)，
再加上佢門市近呢幾年萎縮得好快，
令到好多人都淨係識人仔而唔識新世界。
直到依家佢個$72終於快人一步，
d ...

電訊數碼的流動網絡以前係叫Rabbit, 但最初推出服務時是採用電訊數碼本身的品牌的, 至於Rabbit品牌源於電訊數碼本身的Logo似一隻耷耳的兔仔, 有雜誌以「兔仔台」來暗示電訊數碼推出的流動電話服務, 因而得名.

初推出時是租用數碼通的GSM1800網絡(即PCS)提供服務, 後來改為租用新世界傳動網, 直至澳洲電訊Telstra旗下的CSL收購新世界傳動網後將原本新世界的客戶整合到One2Free, 整合後, 原本Rabbit的品牌因採用新世界傳動網的網絡, 因而宣佈正名為新世界傳動網.

但至今仍然有人以「兔仔台」形容現在的新世界傳動網的, 去新世界交電話費就叫「餵兔仔」.
至於它幾時飽和, 其實想像下CSL(1010/One2Free)果邊的負荷, 加上早幾年CSL的「提升」網絡工程(轉用中興提供的網絡, 將2G及3G整合, 新世界都係呢個原因而由2G變為3G鎖速), 雖然上客數不及數碼通, 但情況不容樂觀.

講開電訊數碼, 反而想知, 話說它是香港僅存至今的可單獨使用的傳呼業務(事實上全港流動電話網絡的秘書服務都是外判給它的), 現時客戶都只是醫生或者巴士車長佔多數, 不知何時會成為香港人的集體回憶呢......

[ 本帖最後由 gordon 於 2012-2-6 11:36 編輯 ]

原帖由 gordon 於 2012-2-6 10:54 AM 發表
電訊數碼的流動網絡以前係叫Rabbit, 但最初推出服務時是採用電訊數碼本身的品牌的, 至於Rabbit品牌源於電訊數碼本身的Logo似一隻耷耳的兔仔, 有雜誌以「兔仔台」來暗示電訊數碼推出的流動電話服務, 因而得名.

初推出時是租用數碼通的網絡提供服務, 後來改為租用新世界傳動網, 直至澳洲電訊Telstra旗下的CSL收購新世界傳動網後將原本新世界的客戶整合到One2Free, 整合後, 原本Rabbit的品牌因採用新世界傳動網的網絡, 因而宣佈正名為新世界傳動網.

但至今仍然有人以「兔仔台」形容現在的新世界傳動網的, 去新世界交電話費就叫「餵兔仔」.

叫兔仔台還有一個重要原因﹐便是兔年正式提供服務。

最初的確是同數記合作。

不過﹐其後不是同新世界合作﹐而是直接向csl租用網絡﹐在門市直情用「one2free網」作推銷。
當時所有原有客戶﹐全部要換sim卡﹐原因係網絡供應商改變。(當攜號轉台方式處理)

其後﹐csl 收購當時的新世界。所有沿本新世界的客戶﹐全部被安排轉去one2free﹐同樣地全部都係用攜號轉台方式處理﹐全部客要更換sim卡。完成後﹐新世界便在香港流通通訊入面暫時消失。
而新世界所有營運資源﹐全部由csl接手使用。

大約半年前﹐csl 與電訊數碼達成協議﹐重新使用新世界這個品牌﹐應用在電訊數碼的電話服務品牌。是次只屬改名﹐所有客戶不用更換sim卡。而這批客戶﹐其實所有都是原兔仔台的客戶。



至於$60+12 月費﹐任上網是否抵用。
我個人有些少保留﹐以384k (雖然很多時間提供近400k)﹐仍然與主流的3g速度慢。
應用在手機上網﹐應該都幾吃力。不過﹐check e-mail﹐whatsapp﹐google map﹐一些手機版的網頁都可以的。不過google map 會有如上網﹐都會相當慢。
有人講﹐睇影片都可以﹐我估都要看時間同有關影片質素而定。不過﹐手機來說﹐低質素都已經足夠﹐反正螢光幕細。

有人講應用在本版電腦﹐甚至接上電腦用。我看真係唔好太大期望﹐期望大﹐失望大。

原帖由 kei_hk 於 2012-2-6 11:33 發表


叫兔仔台還有一個重要原因﹐便是兔年正式提供服務。

最初的確是同數記合作。

不過﹐其後不是同新世界合作﹐而是直接向csl租用網絡﹐在門市直情用「one2free網」作推銷。
當時所有原有客戶﹐全部要換sim卡﹐原因係網絡供應商 ...

講開呢樣又記番起, 當年兔仔台的宣傳單張用One2Free品牌的色調寫上「優質網絡」四字

原帖由 kei_hk 於 2012-2-6 11:33 發表
其後﹐csl 收購當時的新世界。所有沿本新世界的客戶﹐全部被安排轉去one2free﹐同樣地全部都係用攜號轉台方式處理﹐全部客要更換sim卡。完成後﹐新世界便在香港流通通訊入面暫時消失。
而新世界所有營運資源﹐全部由csl接手使用。

我一家人都由新世界傳動網過渡至 CSL (儲值卡)，從未換過 Sim 卡。

原帖由 ccicoltd 於 2012-2-6 01:24 PM 發表

我一家人都由新世界傳動網過渡至 CSL (儲值卡)，從未換過 Sim 卡。

sim 卡最頭的5位數字 (即地區及台號)﹐是不是 454 00 ? 定係 454 10 ?

[ 本帖最後由 kei_hk 於 2012-2-6 14:19 編輯 ]

原帖由 kei_hk 於 2012-2-6 14:16 發表


sim 卡最頭的5位數字 (即地區及台號)﹐是不是 454 00 ? 定係 454 10 ?

89852

原帖由 ccicoltd 於 2012-2-6 22:27 發表

89852

應該唔係最頭係最尾
頭五個應該全部在香港發出的sim卡都係呢個

我記得當年我用學生plan 33蚊 (講緊係2001年),用左兩年因唔見左sim card,
做左第一批由租新世x換sim過檔csl的兔仔客.
個sales話為左答謝,送左100蚊idd 電話卡(即係轉駁再入密碼果隻)
當年講緊Sunday/orange儲值卡仲係1蚊一分鐘的年代.兔仔個價真係嚇死人咁平.
是次換sim,由全港最垃圾台之一的新世x,變左收得最好的CSL.....

不過可惜<礙於未有whatsapp的年代, social始終靠sms
小弟玩左幾年就跳左去首富台,為左同friend玩同台.....盛惠51蚊
呢個年代, 兔仔已做到19蚊個月......走去同d親戚講冇人信
個個仲係比人坤用緊首富台第一批3g機, 用緊NEC 616/LG果堆垃圾機.兩舊水個月
仲寸我: 19蚊邊有可能架. 一係假,一係收得好差. 你同佢講係明碼實價仲用csl台,
冇人會信....結果好多人白交左好多年月費

原帖由 cn2661_2d32 於 2012-2-6 23:35 發表
我記得當年我用學生plan 33蚊 (講緊係2001年),用左兩年因唔見左sim card,
做左第一批由租新世x換sim過檔csl的兔仔客.
個sales話為左答謝,送左100蚊idd 電話卡(即係轉駁再入密碼果隻)
當年講緊Sunday/orange儲值卡仲 ...

兔仔最平的Plan係$8/300分鐘, 加埋隧道費即係$20, 用來養D靚號碼一流.

其實兔仔同人仔台的價錢差無幾, 兔仔宣傳的價格不包隧道費($23/1200分鐘), 但人仔宣傳的價格是包括隧道費的($35/1200分鐘).

有時覺得兔仔上台送的超市券, 七仔券同租碟卡, 比起其他台的上台贈品更為實際(其他台甚至沒有贈品)