廣深高速公路設計

1.
看看這個：http://g.co/maps/ytjvq
這種類型的交匯處，在廣深高速公路至少有十個。
佔地很大，車輛要轉來轉去才能出入公路，
有時亦會有往不同方向的走線打交叉的情況，
不知是哪個門派的設計？
就算係要加收費站都唔使搞成咁呀話？
國內及世上有沒有其他公路採用類似的交匯處？
至少我在廣東省內其他公路唔多覺。

2.
http://g.co/maps/hnbmm
同樂這個又是一絕，我不知道最初設計如何，
為什麼北上方向會跨線到左方，然後又經天橋過返對面？
右邊為什麼空空如也？
我十幾年前搭巴士經過這裡已經覺得好奇怪。

歡迎討論。

先講「同樂」﹐這是深圳一線及二線的分界檢查站﹐國內同胞一般不可輕易進入一線特區的。
不過﹐早幾年已經取消一線特區。

那時﹐當車進入一線特區時﹐所有人都要檢查証件。外地人(包港澳人)要出示旅遊証件/回鄉証﹐內地人要出示深圳身份証/通行証﹐司機及長途客車的服務員(每車1位)不受限制。

而且﹐當時出入一,二線﹐都有部份物品要打稅﹐所以此地設有海關檢查站。道路只是配合檢查站的安排。

除了同樂之外﹐深圳其他接外地地區的道路﹐都有相類似設施。


至於你第1條link﹐其實好主要係做一個收費站的綬沖區。有時真係排隊支付路費﹐這個緩沖區都唔夠用﹐塞番上公路。

而家廣深高速公路同樂檢查站已經變成安檢站。

另外深圳經濟特區檢查站除左設o係同樂之外，最少仲有梅林(即係梅(林)觀(瀾)高速公路)梅林起點)同埋布吉。

原帖由 3AD172004 於 2012-2-4 00:21 發表
而家廣深高速公路同樂檢查站已經變成安檢站。

另外深圳經濟特區檢查站除左設o係同樂之外，最少仲有梅林(即係梅(林)觀(瀾)高速公路)梅林起點)同埋布吉。 ...

深圳特區檢查站,而家大部分時間都冇人把守,不過偶爾在大節日時,會有公安在場檢查車輛和車上乘客,有時需要提供証件,但不用像以前那樣要下車檢查.

原帖由 DIH 於 2012-2-3 12:01 發表
1.
看看這個：http://g.co/maps/ytjvq
這種類型的交匯處，在廣深高速公路至少有十個。
佔地很大，車輛要轉來轉去才能出入公路，
有時亦會有往不同方向的走線打交叉的情況，
不知是哪個門派的設計？
就算係要加收費站都唔使搞成 ...

其實呢個係舊式內地高速的設計,就算是新建的高速仍然有那些走幾個圈先上到高速,仲要隨時走錯方向既出入口.

像長安和虎門出入口為例,真係走錯方向都唔知,要自己睇清楚路牌(不過,有路牌先算),以及憑直覺.

原帖由 FBI2 於 2012-2-4 10:11 AM 發表


深圳特區檢查站,而家大部分時間都冇人把守,不過偶爾在大節日時,會有公安在場檢查車輛和車上乘客,有時需要提供証件,但不用像以前那樣要下車檢查. ...

這是因為已經取消了一二線﹐所以不再需要查証﹐基本上已經可以直行直過﹐所以派人駐守數目都減少了。


我記得以前﹐大車要全部落車﹐人去檢查廳過關。細車不用去檢查廳﹐由公安上車檢查。而直通巴及旅行團車﹐一律上車查証。

以前80/90年代﹐如果有番過大陸﹐真係好認真的檢查。直到宣布取消一二線前的數年﹐才開始手鬆﹐現在直情取消查証。

原帖由 3AD172004 於 2012-2-4 12:21 AM 發表
而家廣深高速公路同樂檢查站已經變成安檢站。

另外深圳經濟特區檢查站除左設o係同樂之外，最少仲有梅林(即係梅(林)觀(瀾)高速公路)梅林起點)同埋布吉。 ...

講起梅林﹐現時最大用途﹐莫過於所有中港車的海關驗車場。

每一年都要開車到此﹐被海關檢查部中港車有沒有被「換包」﹐即係新車入大陸﹐舊車離開大陸。
同埋所有出意外的車﹐如未能自己開回香港﹐都要在此做查証﹐才可拖回香港處理。


除了高速公路外﹐所有細少的道路都有檢查站的。
90年代初曾回國內旅行﹐都要出入一兩線幾次﹐任何出入路都是有檢查站的。
例如此處 : 大鵬灣去大亞灣途中﹐不是高速公路
http://maps.google.com.hk/?ll=22.600917,114.344866&spn=0.002833,0.005284&t=h&z=18&brcurrent=3,0x0:0x0,1

當然﹐今次這個檢查站早已廢了功能﹐只是留在此處備用/改作其他用途。某年曾經經過﹐好似做了海關部門辦公室之用。

[ 本帖最後由 kei_hk 於 2012-2-4 12:38 編輯 ]

原帖由 kei_hk 於 2012-2-3 12:29 發表
先講「同樂」﹐這是深圳一線及二線的分界檢查站﹐國內同胞一般不可輕易進入一線特區的。
不過﹐早幾年已經取消一線特區。

那時﹐當車進入一線特區時﹐所有人都要檢查証件。外地人(包港澳人)要出示旅遊証件/回鄉証﹐內地人要出示 ...

樓主意思係點解同樂檢查站是左上右落，搞到公路的南北出入口都要建造crossover

原帖由 barking 於 2012-2-4 03:27 PM 發表


樓主意思係點解同樂檢查站是左上右落，搞到公路的南北出入口都要建造crossover

如果不把左右2邊行車方向倒轉﹐便要把中間檢查廳一分為2﹐分成2幢樓在公路的2邊﹐每邊一幢。

如果把2邊行車線倒轉﹐便可做到中間一幢樓﹐可配合到正確的下車方向﹐減少乘客要過馬路的情況。


簡單一點﹐參考一下停車場的收費亭﹐便會明白點解要安排先倒轉行車方向﹐可以方法乘客進入中間的檢查廳。

一般的收費亭會設在2個方向行車線中間的﹐這是方便了司機的。
但檢查站是要乘客下車進入﹐所以這個安排便不方便乘客﹐乘客要下車後﹐要在車輛之間穿過去中間的檢查廳﹐製造危險。
如果先把行車方向倒轉﹐乘客便會對正方向﹐一落車便是檢討廳前面的行人路﹐直入檢查廳。

原帖由 kei_hk 於 2012-2-5 12:33 發表


如果不把左右2邊行車方向倒轉﹐便要把中間檢查廳一分為2﹐分成2幢樓在公路的2邊﹐每邊一幢。

如果把2邊行車線倒轉﹐便可做到中間一幢樓﹐可配合到正確的下車方向﹐減少乘客要過馬路的情況。


簡單一點﹐參考一下停車場的收費亭 ...

這個(客車only)我可以理解，而現時東北面的空地相信當年係查貨用？
而家該處有沒有硬性規定甚麼車要用甚麼通道離開呢？
我上次搭直通巴經過（2010年），不用停車，但巴士好似仍然要跨線兩次。
睇路面劃線就似乎由皇崗過來已經在公路的車都係要行跨線橋兩次。