澳門遊小貼

原帖由 DIH 於 2012-2-14 10:13 發表

50唔到黑沙、要繞經澳門蛋、只到葡京不到新馬路，我當日的行程都只係得26A同21A兩條線揀。
而21A在氹仔島直穿而過，所以我係buy FBI2揀21A的選擇。 ...

50其實唔算慢,只是要繞經新濠後面,去葡京比21A慢.
不過,如果去市區,我唔太鐘意去葡京轉車,再加上葡京附近冇正常價錢既餐廳(姐姐就大把,有次我入葡京去小解都俾D姐姐問我做唔做生意!)!
因此,我寧願搭去媽閣食野,至少有間價錢合理既緬甸餐廳.也是因為這樣,我好少會選搭50.

[ 本帖最後由 FBI2 於 2012-2-16 16:28 編輯 ]

原帖由 FBI2 於 2012-2-14 16:30 發表
不過,遲下21A會不經路環市區兼轉為澳巴做.第時真係逼我搭50!

係幾時嘅事？維澳放棄21A定係政府轉經營公司？

原帖由 Adams 於 2012-2-14 06:17 發表


澳門巴士唔會開到80km，即使過橋嘅新福利，測速器70km就會咇，而澳巴係65km，新福利唔過橋嘅線更加50km就咇，維澳蓮運都係咁上下。  

Adams 兄唔好咁講先，有似坐 26 @ R261 喺西灣橋開到 80KM/H，新福利的測速行離島線個話就 80KM/H 先叫、市區就 50KM/H；澳巴最近好似調整過，60KM / H 就叫；維澳就 72 KM / H

新福利批金龍仲衰過宇通好似隻船咁又打冷震
搭到想暈...

原帖由 Adams 於 2012-2-14 06:21 發表


路環出澳門搭50好過啦。至於維澳蓮運用村村通行，喱個係政府要求，而且客多客少同佢無關，仲有唔知你幾耐無搭過N3，我幾次搭人多到係可以打爆一車。 ...

政府只係要求用小巴，無要求用村村通，只係綠色公司自己縮骨類似，同埋如果用比政府要求大嘅車，有時可以加服務費

我前2日去左澳門坐下巴士，坐3 號維澳，D 宇通大巴又冇想像中咁差喎，張國產椅我覺得係3 間中最好既一間
係上山位果2 級樓梯幾高下....同埋澳門人唔鐘意企上山，就算上山有位都唔係好願去坐

之後去黑沙食雞翼，出入都係坐25....入去果架海格大巴好定....個司機開得好，就算過橋都唔過55km/h....不過佢張薄椅真係唔多舒服，轉彎好似個人會飛出去咁.....過左路環之後有段小直路架車前後拋下拋下咁..好似坐緊海盜船...出番黎先勁，果個車長開得超級快.....唔楂住條柱我覺得好危險，仲有....係咪澳門司機有個習慣埋車最後個腳一定要好好好大力.....真係訓緊都嚇番醒

之後行番出市區....最後係高士德附近坐26A 番威尼斯人....呢個車長連站都唔報....車廂燈又唔開，靠左右各2個既廣告牌D 光.....~今次冇機會坐澳門....不過見到7 號澳巴D 五洲虫7 米巴士關唔到前門...要用手大大力咁拍埋佢~

原帖由 peterK321 於 2012-2-20 14:23 發表
仲有....係咪澳門司機有個習慣埋車最後個腳一定要好好好大力.....真係訓緊都嚇番醒

我估係國產車個迫力的問題，旅遊巴定城市巴士都好似唔大腳唔停咁。
同埋澳門揸車交通情況變幻莫測，偏離行車線、突然切線、
突然停車都時有發生，巴士都要用返同一種態度。
我由2010年至今去了7次澳門，私家車、巴士同發財車都搭過，觀察應該都算valid吧。

講開駕駛態度，我試過有次搭發財車，西灣橋一直飛，上次搭新福利唔覺好快都80km/h，
比較之下我諗架發財車當時行緊90-100，到氹仔東亞運街個微右彎以這個速度刮右壆，
我自己有車牌好清楚唔係離心力，真係刮壆，左線又有車無位走盞，
好彩無反車咋，我全程緊握扶手，捏一把冷汗。

[ 本帖最後由 DIH 於 2012-2-20 22:27 編輯 ]

原帖由 peterK321 於 2012-2-20 14:23 發表
我前2日去左澳門坐下巴士，坐3 號維澳，D 宇通大巴又冇想像中咁差喎，張國產椅我覺得係3 間中最好既一間
係上山位果2 級樓梯幾高下....同埋澳門人唔鐘意企上山，就算上山有位都唔係好願去坐

之後去黑沙食雞翼，出入都係坐25.. ...

張國產椅我覺得係3 間中最好既一間：新福利唔係用國產座椅，系正版快餐椅

車廂燈又唔開，靠左右各2個既廣告牌D 光：之前有人話車廂燈無規定要開，但廣告等有，所以就咁啦！

原帖由 PKD32 於 2012-2-18 11:48 發表

政府只係要求用小巴，無要求用村村通，只係綠色公司自己縮骨類似，同埋如果用比政府要求大嘅車，有時可以加服務費

政府只係要求用一部8.9米或以下的小型巴士行駛，村村通的確合乎要求！

懷念澳巴派Civilian行25號車，在蓮花大橋飛過一百的日子……