74A 在2月18號遷往啟業

原帖由 on11358 於 2012-2-19 23:19 發表
今日路面暢通，平均5~8分鐘就兜完九龍灣，呢個時間應該返唔到觀塘碼頭吧，
繁忙時間真係有待觀察，塞起上黎觀塘市中心排隊落客都可以搞好耐。

不過九龍灣企業廣場有$2特惠站，如果拍一拍搭港鐵只需$8.1。 ...

去唔到觀碼唔係問題
但係應該可以到觀塘放低班轉乘客掛?

原帖由 ~誰@359~ 於 20/2/2012 02:22 發表
如果一個唔該238X加到十七蚊，我唔信你唔揭桿起義…
重組前後車錢有差異都叫正常，但貴左十蚊仲叫唔叫正常
你可以質疑需唔需要搏命，但同一時間，走去搏命又真係值得理解啵

我唔係想話事不關己、己不勞心，不過就算你講到咁，如果鄒生唔嘈，我同屋企人最多咪搭鐵或者諗辦法變有車族囉。問題係，我相信在座各位都係討論多過真正有用到個服務，其實係咪應該學蔡子強話齋，超越義憤填膺嘅層次去探討睇下呢個改動嘅利弊，同埋有咩更好嘅辦法？

[ 本帖最後由 238X 於 2012-2-20 09:14 編輯 ]

今日試坐74A, 路面情況尚可, 獅隧龍尾喺仁安, 巴士更可去到收費亭,
彩虹交匯處龍尾喺坪石邨

時間方面, 0759曾大屋, 0825到輔警總部, 單層車(PB牌)

客量方面, 上車時已有16人, 仍有窗口位, 新田圍上了16人, 幾個要企,
黃大仙兩站落了20人左右, 報輔警站後有人開始睇通告, 問司機, 似乎
無留意改道安排

原帖由 S3BL100 於 2012-2-20 01:14 發表


如果係有連環轉乘的話，唯一可能係車長set錯八仔方向。但係74A本身四美街無分段收費，理論上邊個站轉都唔影響。

P.S. " target="_blank">http://tel.directory.gov.hk/0245000008_CHI.html ...

我星期六試過，司機set錯方向，連價錢都錯埋，但一樣食到兩次轉乘優惠
邊條線我就唔講，只係知好抵答 ，我拍完卡都唔知佢錯，係我坐近尾閘位見到司機轉八達通機先留意到佢未轉返o岩分段

原帖由 pch_yeung 於 2012-2-20 09:16 發表
客量方面, 上車時已有16人, 仍有窗口位, 新田圍上了16人, 幾個要企,
黃大仙兩站落了20人左右, 報輔警站後有人開始睇通告, 問司機, 似乎
無留意改道安排

最唔想發生以及最容易估到會發生的就係呢樣。
無人話唔畀佢改，不過佢改得好肉酸。

我唔知架車過獅隧有幾多人，計載客量我估大約40，
即係話架車去到九龍灣都有20人左右。
係呀，唔多。
係呀，佢地過一兩日會自己搵到辦法。
係呀，就算佢地淆淆聲，只要唔通知區議會、運吉同傳媒，就唔會有跟進。

講轉乘，九記唔畀又真係奈佢唔何，幾隻雞仔佢唔執就唔執。
我亦知道及接受巴士改路線的補償轉乘只會照顧該線本線乘客，
一條少客到要改道或取消的路線，本身孭住的轉乘客不足以支持九巴改程式做一籃子補償轉乘。
正如70取消後的各項轉乘都只係跟返原有70路線，唔會無啦啦整個過海或者尖沙咀轉乘。
我只係介意佢今次通知實在太倉促。

用腳投票我就一早已投，我自己都大約一年無搭74A，實際上我真係冇乜牙力去爭拗甚麼。
這是巴士討論區而已，我前面講的係主觀意見，
係覺得可惜，係咪不平則鳴都唔應該？
戥三數個可能受影響的乘客唔抵係自作多情？
讀完書唔該努力賺錢買車供樓娶妻生仔乜都唔好理？現實Ｄ？
我都講過，我唔想身為受害者還要為它找理由開脫。

其實在這個巴士貼文所見到的取態，各位站友包括我自己的一貫立場係一樣的，
我點解咁多聲氣，只係因為我在乎，九巴（由乘客身上取得的錢）供我讀書架。

[ 本帖最後由 DIH 於 2012-2-20 10:09 編輯 ]

原帖由 rickywk 於 2012-2-20 09:29 發表

我星期六試過，司機set錯方向，連價錢都錯埋，但一樣食到兩次轉乘優惠
邊條線我就唔講，只係知好抵答 ，我拍完卡都唔知佢錯，係我坐近尾閘位見到司機轉八達通機先留意到佢未轉返o岩分段 ...

咁其實究竟真係有兩次定係得一次? 我琴晚試過就係得一次

原帖由 pch_yeung 於 2012-2-20 09:16 發表
今日試坐74A, 路面情況尚可, 獅隧龍尾喺仁安, 巴士更可去到收費亭,
彩虹交匯處龍尾喺坪石邨

時間方面, 0759曾大屋, 0825到輔警總部, 單層車(PB牌)

客量方面, 上車時已有16人, 仍有窗口位, 新田圍上了16人, 幾個要 ...

我又講下我所見, 岩岩搭約0820 到廣福果班車, 用車係HA9706, 覺得架車唔係好去, 力水差過AVC 同ASC. 乘客情況方面, 沿途見唔少人拎住錢箱張過膠notice 睇, 又問司機路線情況, 崇基有個客上車, 問左司機一大輪野, 個客應該係要去觀塘, 最後都係冇拍卡就落左車, 咁就趕左一個客走. 乘客人數方面,過左獅隧坐滿八成位, 當然唔排除當中係有人中伏. 而後車JA1192, 上層全吉, 下層得兩人左右, 情況慘不忍睹...

大部份office 都係0830 - 0900 左右開工, 我搭果班車九點前去唔到九龍灣, 所以未必反映到實際情況, 要睇前一兩班車先知. 暫時在我所見, 呢次改線似乎弊多於利

原帖由 DIH 於 2012-2-20 09:46 發表
戥三數個可能受影響的乘客唔抵係自作多情？
讀完書唔該努力賺錢買車供樓娶妻生仔乜都唔好理？現實Ｄ？
我都講過，我唔想身為受害者還要為它找理由開脫。

有d 人就係咁, 缺乏同理心, 事不關己, 己不勞心, 各家自掃門前雪, 針唔拮到肉唔知痛, 呢d 人真係同佢講多都徙氣

原帖由 DIH 於 20/2/2012 09:46 發表

最唔想發生以及最容易估到會發生的就係呢樣。
無人話唔畀佢改，不過佢改得好肉酸。

我唔知架車過獅隧有幾多人，計載客量我估大約40，
即係話架車去到九龍灣都有20人左右。
係呀，唔多。
係呀，佢地過一兩日會自己搵到辦法。
...

對唔住，我唔理解。我基本上已經覺得有奶便是娘，頂多係有啲奶我唔去飲。
邊個對我唔好，我同佢恩斷義絕 (至少嗰一日)，任佢自生自滅。

補多一句：
359 站友話「238X 加到 17 蚊睇死我會揭竿起義」。
其實根本唔使等到嗰陣時。淨係而家 238X 脫班嚴重咗，
同埋用車嚴重追唔上 30X，我已經可以作反。

而家我同九巴個關係就只係咁：
你有車俾我，我就上。
無車的話，反正大把嘢俾我揀、而我屋企人都仲覺得行去搭西鐵係方便。
如果我有朝一日賺到錢，我開過間公司接收我覺得你做得唔好嘅線做。
如果我有朝一日做運輸及房屋局官員，我就將我覺得你做唔好嘅線收番招標。

其他嘢，唔使理咁多。

[ 本帖最後由 238X 於 2012-2-20 10:10 編輯 ]

原帖由 deep3@italk 於 2012-2-20 09:48 發表

咁其實究竟真係有兩次定係得一次? 我琴晚試過就係得一次

我估rickywk站友係講緊第二d線的轉乘組合，唔關74A事，
有d線應該仲有第三程轉乘的。

anyway，直接打去運吉的電話條link，我已經#237貼左喇。大家既然覺得74A改線有問題的話，
不妨打上去嘈下。