74A 在2月18號遷往啟業

其實咁多位討論得咁"理直氣壯"既朋友, 有幾多個真係74A既常客? 有幾多個會日日接觸74A? 有幾多真係受影響人士? 你地一個月搭幾多次74A?
你地係係"以數字下定論", 或者係以人地既觀點作出自己既理論?  
我希望大家討論時, 先申報下自己係咩情況先, 唔好下下亂咁評論

----------------

而我自己係住大埔, 我既角度係佢無論係去觀塘定去啟業, 佢咁既班次係一定唔值得我去等車
比廿幾分鐘等一班唔知會唔會到既車, 倒不如火車+地鐵再轉車

原帖由 HU6455 於 2012-2-21 05:22 發表
其實咁多位討論得咁"理直氣壯"既朋友, 有幾多個真係74A既常客? 有幾多個會日日接觸74A? 有幾多真係受影響人士? 你地一個月搭幾多次74A?
你地係係"以數字下定論", 或者係以人地既觀點作出自己既理論?  
我希望大家討 ...

有幾多受影響人士唔係重點
重點係，就算得一個受影響人士

點都要有合理善後安排

(亦都難怪香港成日都有人被忽視，包括部份有需要人士、言論
搭開車既乘客受害，換黎既係唔搭既人、對路線唔熟悉既人指指點點，但又比唔出實質理據)

支持縮線既版友，的確到依家駁唔到任何觀點bo

你亦都犯左個毛病，駁唔到，就拋出一D類似某某不代代我的理論

咁樣已經唔係討論啦

討論區係咪理論都會存在，你覺得有問題，應該係去駁，而唔係話對方理論不代表全部理論
咁我倒返轉可以將呢樣野套係反方身上，其實對雙方無益處

[ 本帖最後由 kay 於 2012-2-21 07:23 編輯 ]

原帖由 teddybus 於 2012-2-20 23:49 發表


真係奇喇, 既然有比74A更方便既alternative
點解樓上咁多板友會話無alternative?
定係一牽涉轉車就唔當係alternative?

方便?九巴倒人米播?

原帖由 teddybus 於 2012-2-21 00:05 發表
仲有, 你話人地唔了解你地搭客既需要,
又有無諗過其實成件事只係部份人當局者迷, 因為影響既得利益而被怒氣掩蓋理智
睇唔到成個計劃到底有何可取, 甚至就算真係唔能夠接受下既其他替代方法...
我只係以旁觀者角度睇件事, 分析件事
如果你認為咁樣係無資格評論, okay fine,
我無權無能力亦無意欲再花時間同精力去將呢d 人從佢地自我沉醉於一片滿佈怒火憤慨既思想拉出黎...

你唔比當局者迷係你，點解一定係我地?
呢D就係拋唔到實質理據，但又要充撐場面既手法啦

仲要講到好似好偉大咁

我夠可以話旁觀者根本唔了解當中既背後都得啦

小弟是今次74A改變的受害者
小弟今個學期需要於星期三四晚由尚德前往中大返學
原本只需要$10.3(296A $0.8 + 74A $9.5)及轉一次便可以返學
但現在74A縮短至啟業及沒有連續轉乘優惠後
若本人繼續搭巴士返學的話
最便宜也需要$14.1(296A $4.6 +  74X + 74A $9.5)及轉兩次車
見到有板友話有其他選擇
但為甚麼這次改動後
在不能有三次轉乘下要增加車費開支呢?
我相信三次轉乘是今次改變下的最低要求

其實九巴真係應該體貼多一d
除左第三程轉乘
可以加埋轉乘80
起碼飛左新蒲崗
對原有乘客都叫有少少好處

原帖由 dennisung 於 2012-2-21 10:46 發表
小弟是今次74A改變的受害者
小弟今個學期需要於星期三四晚由尚德前往中大返學
原本只需要$10.3(296A $0.8 + 74A $9.5)及轉一次便可以返學
但現在74A縮短至啟業及沒有連續轉乘優惠後
若本人繼續搭巴士返學的話
最便宜 ...

直接打去運吉投訴啦

可能會有人覺得幾個嘈嘈閉的板友講來講去都係中大中大中大，好自私好夜郎。
但其實，大埔公路沿線，如鹿茵山莊、樟樹灘、赤坭坪等等，
係有一班一係住在這裡而去東九龍／將軍澳、
或者住在東九龍／將軍澳而去這些地方的人，
未必只係返工，可能還有探親、返學等的需求，另外還有運頭塘邨。
這班人才是74A一直搣唔甩的獨市客，無論幾惡等都要等，
因為係最方便及最平（計埋轉乘）的方法。
這些人有些已經上年紀，未必會上網，或者會上網但唔會睇italk，
任何改動只係得個知字，逆來順受。

甚至，這些人可能只係過客，如中大人只係讀幾年書、
建築工人只係起幾年樓、老人家可能有朝一日行唔郁，
每一個個別的人真係唔會太大影響，每一個個別的人總會有其他方法去返目的地，
但好明顯這些年來一直都有這個需求存在，否則埔公各線早就飛晒出吐公。

簡單比喻，假設埔公有十個客，有十個終極目的地，
如果佢地各自修行，有人搭28K有人搭紅小有人搭的士有人搭港鐵，可能永不相遇，
但如果佢地搭巴士，佢地個個都要搭同一班74A，出到九龍再各行各路。
這些就係74A的客源。

在這裡見到好多中大人出聲，只係因為沿線受影響人士只有中大人最有機會上italk，
其他受影響乘客在這個板上係underrepresented，不代表他們不存在，
及不代表出聲的中大人只係攬住自己利益而呱呱嘈。

呱呱嘈的人至少曾經有慣性搭過74A，先會講得出片言隻語，
話74A生存之道係執74X死雞同埋黃大仙入大埔客真係嚇親我。

觀塘去大埔首選74X，黃大仙去大埔首選75X連上客位都唔同，
唔好引我笑啦，邊個咁神心搭74A？
用大埔客源做指標／藉口，只係補償全程客，
無理會中途客及74A附帶轉乘，正正是九巴今次的錯誤，或詭計。

我的提議唔複雜，任擇其一：
A. 繁時開幾班特車行返以前路線，提供同以前一樣的轉乘
B. 利用74X提供連續轉乘：這是特例，74X係車海先可以咁做，
　如果要我等兩次轉乘每次20分鐘真係拜拜
C. 提供轉乘補償給原有轉乘客，如
　秀茂坪：11C
　藍田：38/258D
　油塘：62X/259D
　寶達翠林：95
　寶林坑口：297
　將南：我真係諗唔到

我暫時未諗住投訴，因為我自己不是直接受害，
投訴很難成立，但可以給有意者作參考。

我唔會話係轉乘「優惠」，
話優惠只係商業上明明你有所失但令你覺得有著數的心理手段，
實際上畀個轉乘你即係話你有一些需求我係做唔到。

[ 本帖最後由 DIH 於 2012-2-21 12:04 編輯 ]

原帖由 LM1933@641 於 2012-2-21 02:16 發表

另外，上面有版友提出秀茂坪/寶達/翠林/康盛/興田的乘客要轉兩次車，又係唔係真既呢？
講番中大，請善用港鐵，學生更加有半價，駁多程車落港鐵站亦相信唔會貴過搭74A 好多，崇基既更加快過74A
其他埔公沿途，如要搭74A，亦可搭95/13D/1A/16 去轉
鐘意快既相信唔介意俾多D，鐘意慢既我亦支持繼續爭取3重轉乘 (唔係喎，係4重轉乘呀， 你地全部計漏左73呀 )

13D/1A/16同74A有咩相遇/就近車站？

本來駁腳果程只需要$0.1（搭13M/16M的話），而家變成要$6.1，係咪合理？

原帖由 dippy 於 2012-2-21 11:39 發表
尚德-中大
坐798轉28K一樣係轉一次, 仲唔駛等咁耐潻

搭港鐵學生$5.3／成人$11.5，中大校巴免費，
夾埋都平過798轉28K，重唔使等咁耐添～