[Boston,MA,US]MBTA地鐵一日遊（多圖多水份）[已於#5,15,23,34加相]

原帖由 AV115 於 2012-2-29 12:23 發表
引象中2010年夏去過 Boston 坐 Red Line，係涼浸浸的，唔知會唔會係 d 細功率既冷氣？

可能係……唔知會唔會係下面呢張相車頂側，細細個的出風口？



等我今日傍晚再搭返酒店果陣，再留意下車內有冇出風口先（感覺上係無）
但係Green Line的輕鐵就應該係有冷氣的。

原帖由 DIH 於 2012-2-29 21:10 發表
#15
S3BL100兄你去唐人餐館的一幕，畀著我都會唔知，
我都係早排睇報紙先知道外國部分地方會expect食客一定畀tips。
$6.45畀$1 tips，即係+15.5%喇喎～

其實一般人去一d高檔少少的餐廳食飯，都會俾$1到$2小費，
例如連稅$8.5的野，d人一般都會俾$9到$10。
不過當然我收入低、無咁多錢，所以除非服務態度好好，否則一般都唔會俾。

但係要求食客俾小費的，我都係第一次見。
講真，呢間叫做「香港小食」既野，服務態度又唔係好好，
反正唐人街大把食肆我未試過，剩返呢幾日應該都未必再幫襯佢。

美國都算係「奇怪」的地方，可能由於「自由」的關係，
各種科技都能小試牛刀，20世紀初的東岸相信更為熱鬧。
將條巴士綫incorporate入去地鐵系統，真係why not?
我覺得這比BRT更為靈活。

Silver Line其實歷史唔係好耐，相信亦係唔想花太多成本建輕鐵的產物。
不過講真，美國的大城巿，公共交通服務水平雖然唔及香港，
但係絕對比香港多姿多采多創意。例如紐約地鐵有好多唔同行法，
有不停站列車；三藩巿MUNI巿內巴士又有Limited Stop Service，
BART更加係唔同線路share同一個月台、唔同時間車卡數目唔同。
呢d野老實講我都覺得有少少混亂，搬到香港肯定唔work，
有少少削足適履的感覺，但係人地又能夠make it work囉……

講返Silver Line，其實因為有段路同路面交通share（例如SL1由WTC到機場之間的一段）
因此都會受到路面交通的影響，總站都可以一時無車、一時拖兩三架。
香港現有基建亦未必允許呢種underground busway大量建造。
不過講返轉頭，旺角 - 大角咀之間，even啟德，整條underground busway，
用混能車行，地底用電驅動，似乎又未嘗不可。

加多張今朝企車頭影的隧道炒相：

再講返我晌某有「香港」兩字餐廳食飯俾屈$1小費一事：

睇返我自己的facebook，原來出發前一星期，自己已經有個status update
提到用緊google map/黃頁搵當地餐廳，問朋友有咩平靚正介紹。
之後有位舊年去過波士頓的朋友就話，去過呢間有「香港」兩字的餐廳食飯，
同樣係無俾小費，之後老闆同佢講「唔岩數喎, 呢度係波士頓, 要俾tips架麻」
而據佢了解，波士頓食野唔一定要俾小費，
所以「被同胞騙了. still have bad feelings」

估唔到我竟然唔記得左呢位朋友的忠告，中左招
下次有識得既人要路過波士頓，我肯定會同佢講，我blacklist左呢間野

===

再次補相：


因為會場一眾餐廳質素有待改善，趁中段有空，午餐專程走到唐人街的一間馬來西亞餐廳，
吃了個椰漿飯。從會場到唐人街，倘使用公共交通，要搭silver line到South Station，
轉一個站Red Line，再轉一個站Orange Line；但會場步行到South Station不過是十餘分鐘時間，
再步行到Chinatown也不過八、九分鐘，證明步行隨時比起搭地鐵還要快。


晚餐專程走到Quincy Market，吃了個「新英格蘭周打蜆湯」，據說是這裏聞名的。
昨午開始下雪，但我素來是一個為了美食可以go out of my way的人
（也許是因為住的加州小鎮欠缺價廉物美的餐廳的緣故），因此堅持一試。


之後到State Station搭Orange Line回酒店。
波士頓的地鐵轉車站的特色，是沒法做到同層轉乘，
因為在轉車站，兩條地鐵線往往十字形相交。
從最接近Quincy Market的入口進站，是Blue Line的月台，
之後要從月台前端經斜道（相片在#5）步行到Orange Line往Oak Grove方向的月台，
再從該月台末端上樓梯，經過一條長長的通道（上圖是在通道上，
隔著玻璃，拍攝車站另一大堂的情形），前往Orange Line往Forest Hills方向的月台。




繼續沿通道走，畫面右手邊的牆壁，正好分隔行人通道和列車隧道。
列車經過之時，隔著牆壁傳來的噪音，簡直令人震耳欲聾




終於到達Forest Hills方向的月台。在這個站下車，要換乘Blue Line的乘客，
就要經過剛才的通道，反方向前往車站另一部分，Blue Line的月台






月台前端，已經可以看到下一個站Downtown Crossing的月台。
手錶計算，從出站到入站只需15秒時間，列車從State關門到Downtown Crossing開門亦不過40秒
我相信剛才走過的通道的距離，已經比起兩個車站之間的距離還要長。:lol

同一條線，兩個方向的月台前後不一，彷如兩個車站，
恕我孤陋寡聞，還真是第一次見。

吃罷到櫃枱付鈔，連稅$6.45，沒有付小費，我著收銀給我發票，因為「公幹過公數」，
怎料那個中年婦女收銀跟我說了一些不知甚麼話，我聽不懂，到後來我才聽得明白
「呢度食野要俾小費架」，接著另一位侍應說「俾一蚊就可以啦」，
於是只好再從錢包掏出一張一元紙幣，再著收銀手寫一張$7.45的收據，就此了事。
反正過公數。

美國食飯一向要俾貼士架喎，既然S3BL100兄喺美國生存左咁耐
點解都唔知呢樣嘢？

原帖由 sea1986 於 2012-3-2 07:52 發表


美國食飯一向要俾貼士架喎，既然S3BL100兄喺美國生存左咁耐
點解都唔知呢樣嘢？

正是。不過唐餐館係零舍麻煩。我果時o係美國，一向都係 tip to the nearest dollar 算，最後有一次食紐約華埠既唐餐館，大既因為埋單條數太齊頭，諗住好型咁放低錢就走，竟然俾人截住我…我當時既感覺就同樓主所寫既一樣。當然，後來知道其他餐館其實一樣會 expect 10-15% tips，甚至有 d 會寫到明 expect 你 tip 幾多。呢樣野同唔將銷售稅寫落價錢牌一樣，係美國最唔 make sense 同乞人憎既野。

講返正題，我反而唔太喜歡美國公交的「多樣化」，好像 Boston 既 green line, silver line, 費城既 street car，呢類怪獸，不見得令整個公交系統更 effective 同 efficient，反而有佔用路面，或甚至好像 silver line 般，臨落隧道竟然要司機落車，成車人等佢掛集電弓等等既情況。論公交成效，北美城市我都係喜歡 Washington DC 同埋 New York City，不論 network 還是 efficiency 都比較好。

原帖由 sea1986 於 2012-3-2 07:52 發表

美國食飯一向要俾貼士架喎，既然S3BL100兄喺美國生存左咁耐
點解都唔知呢樣嘢？

唔係唔知，而係因為我之前從來無撞過板，而且我自己收入都唔多，
除非同人一齊食飯，否則真係慳得就慳。
你可以話我好離譜、好過分，但係向食客討錢的，我真係第一次見。

但係今日又再撞多次板，又係唐人街（不過係另一間餐廳，我成功扮唔識中文），
連稅$7.45，我擺$8，侍應即刻面露不悅，
指住張單話，normally we charge 15% tips，
擺明要收我起碼$8.45先安樂。
咁岩我銀包又得$0.3散銀，於是就拎埋出黎，
同佢講，unless you want to give me change for a $20 bill, this is all that I have，
佢先勉強算數。

我平時如果自己一個人，唔連稅的upper limit係$8，同人一齊先會食貴d，
最貴試過食$18。今次雖然係公費旅行，但係我都無理由做D太過份既野，亂使老細錢。

原帖由 AV115 於 2012-3-2 10:15 發表
好像 Boston 既 green line, silver line, 費城既 street car，呢類怪獸，不見得令整個公交系統更 effective 同 efficient，反而有佔用路面，或甚至好像 silver line 般，臨落隧道竟然要司機落車，成車人等佢掛集電弓等等既情況。

無錯……不過佢地會好proud of自己識得變通，能夠adapt to real environment
正如我之前所講，我的觀感就係佢地有少少削足削履。

當然原因之一都係堆線歷史太耐，又唔係同時發展，發展期間又間唔中會遇到財政問題而停滯或者分期做。
分得期就之後果幾期隨時爛尾架喇。

反而上星期六搭Silver Line由機場落South Station果次，唔覺司機有落車，
似係自動掛集電弓，不過掛集電弓都要先熄引擎，之後再等多一分鐘，
掛好再restart架車先郁得。

話時話，今日地鐵拎左呢邊份都巿日報（MBTA係有免費都巿日報派架），
有提到話MBTA因為出價太低，年薪得14萬美金多少少，
所以請唔到人做老細。仲比較埋美國其他大城巿的public transit，
CEO年薪都有廿幾萬以上咁喎。

原帖由 S3BL100 於 2012-3-2 10:40 發表


唔係唔知，而係因為我之前從來無撞過板，而且我自己收入都唔多，
除非同人一齊食飯，否則真係慳得就慳。
你可以話我好離譜、好過分，但係向食客討錢的，我真係第一次見。

但係今日又再撞多次板，又係唐人街（不過係另一間餐廳，我成 ...

北美一個人食飯，首選都係 food court，入面一定有中國人開既日式快餐 teriyaki chicken，又好味又平，例送汽水

你所在地近唔近 Copley?  Copley Place 入面有 food court 的。

講起 Copley，記得有條巴士線 (唔記得 38 定乜)，睇地圖定線同 green line 幾乎完全重疊。呢種情況紐約都有。大概係因為巴士可以方便傷健人士，而地鐵因歷史原因唔係全部有無障礙設施的。有別於香港各有各市場、各有各做既情況。呢 d 擺明用納稅人金錢塞住 politicians 把口既做法，o係美國真係多到數之不盡。

一般黎講,除非去M記個D,如果唔係只要人地有提供一個服務比你,基本上就係要比TIPS
一般就10%,6個人或以上,通常會比15%
部份既貴價餐廳會向張單到分別標清楚15%/18%/20%TIPS係幾多錢(通常呢D餐廳係唔會預你出手咁低,唔標10%)
有D甚至係會直接向張單到收埋TIPS
如果係比CREDIT CARD埋單,通常張單上面係有一行叫你填比幾多TIPS
好多人會因為咁而比左兩份TIPS,所以去唔係自己食開既餐廳要習慣睇一睇單,睇下佢有冇收左你TIPS

我自己既習慣係如果個間野係平時食開或者成日去食都會比多D TIPS,
因為D待應真係認得你,服務都差好遠,但我真係未試過有一餐係唔比

其實向美國地好多既待應既收入TIPS個一份係佔左佢地整體收入既三至五成,
如果冇TIPS個一份,D待應真係好低人工嫁咋...

另外.我唔知人地會點做,但通常開工數食飯,TIPS都係我自己比就算,唔會計返落張單...

離左題咁耐,點都要講返岩題目既野
其實BART既Embarcadero & Montgomery St.站都係就咁就望到

在美國，除非你去食麥記這些快餐，否則就一定15% 或者1美金貼士六人以上就基本上18%貼士(包在單上)，再加銷售稅

在美國，有得買 day pass 就買day pass，這樣會很抵搭