對於九巴車長60分鐘用膳的討論

原帖由 DGCNYO 於 2012-3-1 11:58 發表

跳飛機同要適認部車有關


最理想當然人跟車，而跳飛機制度也不是有問題，問題巴士公司同時有無體諒司機需要適應車型而安排足夠的安全行車時間

個人覺得工會跟本就信唔過老九，如過行得通，你cut我時間，點知我追時間部車 ...

適應部車？
咁講真如果你渣開架車唔出得街，你都要渣第二架，都係要適應姐，咁係咪果日唔應該返工？

九記買車大路到咁，同長度同型號隨時都三四百甚至五百部
乜真係有咁大分別咩？
而且九記個制度，一個司機本身就係要識渣幾款車型
而就算要跳飛機，都可以固定跳返落果幾架車度
長遠而言根本同而家冇分別

原帖由 ~誰@359~ 於 2012-3-1 12:15 發表
適應部車？
咁講真如果你渣開架車唔出得街，你都要渣第二架，都係要適應姐，咁係咪果日唔應該返工？

九記買車大路到咁，同長度同型號隨時都三四百甚至五百部
乜真係有咁大分別咩？
而且九記個制度，一個司機本身就係要識渣幾款車型
...

所以話,
好多野外人唔理解,係真係唔理解

同一款,同一期既車,
都可以架架唔同既時候,
更何況係其他唔同種既車

三四百五百架,
可以同你講,
每一代車都唔同\

3AV咁多代門制都唔同啦...
吹疏又有分別,
ATE第一代同第二代又唔同

更何況既係,
冇人同你講跳飛機跳同款車

早十年前九龍公司買D車你估架架都一式一樣架咩~

原帖由 3ASV174 於 2012-3-1 03:04 發表

雖然 30 > 45 同 45 > 60 都係多左 15 分鐘，
但頭尾就由 30 > 60。

第一次加 15 分鐘唔需要跳，
但最早開始改既線係夾硬拉疏班次拉出黎，
唔駛跳飛機，代價係食飯時間班次即刻「破底價」。
但變到 60 分鐘食飯時間就變成 ...

問題係收車政策係上面班大大諗出黎既時候,
關下面班卡佬咩事?
我只係渣一架車,
唔係渣全條線既車,
你九龍公司因為攪食飯做唔到應有既班次,
其實已經係公司問題

[ 本帖最後由 da93 於 2012-3-1 12:32 編輯 ]

講句公道話，一間公司想做啲嘢去減少唔好嘅現象，
雖然有副作用，但如果要咁樣被你話，你做啦，咁叻

原帖由 ~誰@359~ 於 2012-3-1 12:15 發表
九記買車大路到咁，同長度同型號隨時都三四百甚至五百部
乜真係有咁大分別咩？
...

車型一樣...唔代表架架車都一樣咁揸....
有d 車油門輕d, brake 重d , 軚盤重d
雖然車款係一樣, 但係架架都唔同

十隻手指有長短, 車都係一樣

車長一接架車, 起碼都要睇下架車有無花,有無痕
之後上車擺低野,較下鏡, 較下seat 位,
起碼都要5 分鐘準備下
如果下下跳飛機, 其實又係好煩下
只不過依家公司唔夠車, 巴士總站又無咁多位泊車
新制度都係要試一試, 希望可以拎返個平衡

車長始終係一個好特別既行業,
工作時就係工作, 成車人命,仲有其他道路使用者
要100 % 專心專注
唔同其他行業, 做做下可以停一停,去一去洗手間
企下又得, 坐下又得
工作期間真正休息就係食飯既時間
所以60 分鐘一d 都唔長...

原帖由 238X 於 2012-3-1 12:38 發表
講句公道話，一間公司想做啲嘢去減少唔好嘅現象，
雖然有副作用，但如果要咁樣被你話，你做啦，咁叻

俾錢我咪做囉心諗

當然,
一個願打一個願捱先得既

要減少唔好既現像?

其實唔好下下將D伙記扯到咁盡已經減少左好多唔好既現象啦

你諗下以前30分鐘飯果陣?
有D線一個鐘十幾分行車連食飯都俾得你,
即係話你點跑你都係比食皇家蕉好少少既時間,
而家45分飯,
又係CUT時補數

根本點解攪到今日D伙記咁?
物極必反丫...有時員工點睇一間公司,
係時間得返來,
唔係一朝一夕,
但當一間公司同伙記要計到分毫不蝕既時候,
員工亦唔會對一間公司有乜野歸屬感,
呢個世界好多係有著必然既關係,
人遺忘左好多,
其實係好容易理解既事,
偏偏要將佢想得係難以解決既事

[ 本帖最後由 da93 於 2012-3-1 13:07 編輯 ]

我反而想知, 有部份路線要私去另一站頭放低架車去食飯的, 加到60分食飯後點計
(以9號為例, 要由坪石私去彩虹擺車食飯, 仲係30分鐘食飯個年代, 一般有大約60分鐘包來回)

原帖由 ~誰@359~ 於 2012-3-1 12:15 發表
適應部車？
咁講真如果你渣開架車唔出得街，你都要渣第二架，都係要適應姐，咁係咪果日唔應該返工？

九記買車大路到咁，同長度同型號隨時都三四百甚至五百部
乜真係有咁大分別咩？
而且九記個制度，一個司機本身就係要識渣幾款車型
...

呀生 你揸過車未呀?
九巴d車就算係同一款車, 同一時期同一規格
架車揸上手都會唔同

有d同款同期車吹梳 brake好靚 好平順
有d車可以近乎冇吹梳 brake一掂就"中"頭
有d車上斜唔俾油都唔溜後
有d車俾少d油都係咁溜
有d車個軑輕到快d都覺飄
有d車就重到入彎快d都攞唔切軑

返早更可以習慣早d攞車
係廠係街行可以了解下架車
夜更冇得咁做都已經唔好啦
冇人講既野唔代表冇問題
大家留意下好多時夜更一接車
如果唔係揸開果架車
頭一轉多數都特別慢

再講丫
換左架車 上車都要較位較鏡
唔熟車型都要睇下d制係邊啦

就算一個揸左成朝舊富豪
d制係晒頭頂睇唔到 咁差既設計
下段俾架trident你
d制係晒錶板係方便呀
不過d制唔知係邊
要搵都要時間啦

車一定大部分都識揸
但識同熟係兩回事
有得揀一定係一日一架車
好過同一日都要跳飛機

原帖由 gordon 於 1/3/2012 13:36 發表
我反而想知, 有部份路線要私去另一站頭放低架車去食飯的, 加到60分食飯後點計
(以9號為例, 要由坪石私去彩虹擺車食飯, 仲係30分鐘食飯個年代, 一般有大約60分鐘包來回) ...

以 265B 為例，有車要私去天恩邨食飯，但係 45 分食飯時係連私牌時間，分分鐘你私完得 35 分

所以有時一講起某D野,
巴士迷係完全不理解,
冇錯係,
係人都知一個有巴士牌既人,
理應好多車種都識楂,
但係佢地只係好似班管理層咁,
坐晌寫字樓估,
架架車咪差唔多,
實際上好多野,
零實戰經驗

講真,係呀,
楂咩車來來去去都係咁,
但有時唔同車種,
雖然唔同既技術配合

呢D人,
有幾多人會明?
而家唔係打機,
乘客係活生生的...