又多款A貨COASTER來港-江淮HK6700K

原帖由 kei_hk 於 2012-3-5 15:53 發表

1. 皇冠車行﹐只是香港的代理﹐無權也無能力做任何事。

2. 運輸處只負責車輛安全及發牌問題﹐唔會跟進的。除非﹐部車有唔安全或不符法例要求。

3. 海關只會收到版權持有人(即係豐田車廠)的投訴﹐才會作出跟進處理。但車廠是 ...

點解代理會對侵權行為會無權無能力做任何事呢?
人地授權得香港個代理權比你,又點會無授權你維權的能力?
根據 Agency law,版權持有人唔係正正就是香港豐田代理嗎?

原帖由 頭文字TRIDENT 於 2012-3-5 05:10 PM 發表
點解代理會對侵權行為會無權無能力做任何事呢?
人地授權得香港個代理權比你,又點會無授權你維權的能力?
根據 Agency law,版權持有人唔係正正就是香港豐田代理嗎? ...

代理﹐只是代表車廠賣出產品﹐以及提供雙方協議的服務給用家。

設計註冊是車廠的事﹐擁有權是車廠本身﹐不是在代理商。

所以﹐代理商要因版權設計問題﹐便要先同車廠反映﹐車廠才決定自己操刀跟進﹐還是授權代表跟進。


另一方面﹐這部車是國內車廠生產的﹐不是香港製造﹐要處理懷疑侵權行為﹐便要在國內著手。如果要在香港入手﹐先要有香港本身的註冊﹐而註冊人才可以做相關行動。


正如我上面都有講﹐車廠本身都有賣車身設計給其他國內車廠﹐代理也無法得知是否有授權。
因此﹐代理除了同車廠反映問題﹐真係無野可做。

仲哀過村村通

原帖由 頭文字TRIDENT 於 2012-3-5 17:10 發表
點解代理會對侵權行為會無權無能力做任何事呢?
人地授權得香港個代理權比你,又點會無授權你維權的能力?
根據 Agency law,版權持有人唔係正正就是香港豐田代理嗎? ...

知識產權署沒有豐田COASTER 的外觀註冊紀錄
日本的有無, 同能否延伸至香港, 不得而知
就算有, 豐田廠 (正確講法係 ARACO 呢間負責生產車殼嘅廠商) 唔出聲, 無人可以行動
再者, 承樓上, 豐田廠隨時係响大陸授權咗呢啲廠生產個A貨B貨殼出嚟, 咁就更加無得告

而且呢個殼已經唔止賣嚟香港, 新加坡同澳洲都有了

其實日本老豐當年先reg左個外觀再同香港老皇簽份最常見的$1USD Licence Agreement再去IPD 入recordal交幾千銀已經可以由老皇全權代理晒個外觀設計權的法律行動能力了.

唔知係老皇定老豐坐視不理,定係佢地咁有信心呢d鐵皮山寨唔會鬥得贏佢地架正牌柯屎達,咁我就唔知喇

不過如果樓上提出的可能: IPD 沒有柯屎達個外觀設計reg, 咁都幾難再補入.因為好難再過"外觀新穎性"呢關
再唔係注得但又唔注,一陣比金蟲洗橫手搶注咁就喊都無謂.即刻香港境內唔賣得正貨柯屎達

*非常唔好采.根據IPD online search, 老豐(TOYOTA JIDOSHA KABUSHIKI KAISHA)只注左部份新款的房車/7人車及其配件.
例如Alphard Vellfire, Camry, Prius等等同呢d車的鬼面罩

Crown Motors並未持有任何design
有興趣的朋友可去以下網站玩下:

http://ipsearch.ipd.gov.hk/design/main.jsp?LANG=en

[ 本帖最後由 cn2661_2d32 於 2012-3-5 19:36 編輯 ]

老實講﹐以前根本無人想過車身都會被人照抄﹐所以車身設計都唔會太在意。

至於車身組件﹐會同維修有關﹐所以才註冊這些組件。
為何點解只有少部份組件註冊﹐一陣再講。


國內車廠很多時都會「抄巧」外地車廠的車身設計﹐有上是取授權的﹐有些是抄主體再改少少﹐有些是明抄。
取授權的車廠﹐多數都是國內出名的車廠﹐本身產量高﹐品質不差﹐而且有一定資金﹐這些車廠便可光明正大使用。
抄主體但改少少﹐多數都是一些中遊車廠﹐開始有一定能力去自主發展製車過程。但是﹐客源或老闆心態唔足以買授權﹐所以便抄主體再改些少設計﹐以避開抄襲的法律問題。
最後﹐擺明抄的車廠﹐名副其實的山寨廠﹐品質參差﹐擺明「借殼銷售」「冒名銷售」。

講到此處﹐為何國內會抄車身?
講到尾﹐因為原裝車的品牌﹐質素﹐口啤問題﹐可以借此為國內車廠作推銷。

又為何原裝車又願意合法地供其他人用車身?
因為有錢收

又為何鮮有控告國內車廠抄襲行為?
2個原因:
1 是中國地方太大﹐車廠多﹐根本捉唔晒。你告A廠時﹐A廠便會即時「倒閉」﹐再「開」間新廠叫A1廠﹐再告A1廠時﹐便會再變身做A2廠。
2 是暗地互利互惠﹐大家都有幫助推銷。番版車推銷時﹐或多或少都會提及車的外型來由正版車廠。而且﹐一些損耗性的組件(甚至其他零件)﹐例如一系列的車頭指揮燈﹐國內車廠都可以自製﹐都並非100%壞事﹐可以為原裝車提供部份替補。


最後﹐香港的情況:
一直以來﹐搵食車多數都會選豐田﹐大家又有無想過點解?
原來﹐豐田(或其他通行的品牌車款)在零件供應上﹐都有一系列非原廠零件。

車主當發現部車有故障損壞時﹐不用次次返原廠﹐用貴人工用貴零件維修。最重要的係﹐周街都有車房都有零件(不論原廠定非原廠)﹐也有大把人識處理﹐很快便可完成維修。

這是對搵食車非常重要的﹐時間便是金錢﹐也是選擇搵食車重要因素。

如果﹐車廠把所有組件/零件都註冊﹐便會令非原廠組件/零件無得再供應。介時﹐要買車的人便會再作其他考慮。在維修考慮﹐會作出其他決定。

1. 作為負責任的代理, 應向日本車廠反映現況, 使其能被日本車廠授權進行訴訟.

2,3. 沒錯, 所以要日本車廠或香港授權代表舉報, 以及海關配合

4. 相信在國內合作時已簽條款, 就是不能外銷. 否則青年以Neoplan身份推銷香港或四川豐田已銷到香港.

5. 一般而言, 都是差劣之作, 像仿E500的F500行走不到兩個星期起火爆炸全面停駛.

原帖由 kei_hk 於 2012-3-5 15:53 發表

1. 皇冠車行﹐只是香港的代理﹐無權也無能力做任何事。

2. 運輸處只負責車輛安全及發牌問題﹐唔會跟進的。除非﹐部車有唔安全或不符法例要求。

3. 海關只會收到版權持有人(即係豐田車廠)的投訴﹐才會作出跟進處理。但車廠是國內車廠﹐香港各部門根本難以按現時香港法例去做阻止干預行為。唯一可做的便是運輸處檢查部車﹐是否符合安全及法例要求而不發牌。

4. 豐田車廠本身都有國內合作的﹐有自己合組車廠﹐也有賣車身版權給內地車廠使用。如果有內地廠真係侵犯版權﹐豐田廠也要在國內進行相關法律行動﹐而不是在香港進行。

5. 國內車廠用相同的車身﹐不代表是劣質。國內的產品其實已在香港﹐甚至世界各地使用。政府已經有監官車輛寬安全﹐不符合要求的﹐是不會發牌的。

原帖由 blueblue 於 2012-3-6 12:27 發表
1. 作為負責任的代理, 應向日本車廠反映現況, 使其能被日本車廠授權進行訴訟.

2,3. 沒錯, 所以要日本車廠或香港授權代表舉報, 以及海關配合

4. 相信在國內合作時已簽條款, 就是不能外銷. 否則青年以Neoplan身份推銷香港或四川豐田已銷到香港.

5. 一般而言, 都是差劣之作, 像仿E500的F500行走不到兩個星期起火爆炸全面停駛.

第4項....以香港一國兩制下的情況...香港的確是中國的一部份, 大部份international export agreement
好少會提呢個問題..所以分分鐘, 香港係會被計算入中國境內都唔出奇~

老實講, 問心個句, 香港業界都唔想太多零件被reg左..

問心個句, 而家香港既豐田小巴落地一兩年之後, 換既零件有幾多係原廠貨呢?!

有好多甚至係除車架引擎外, 幾乎乜都換過晒....

一句到尾, 都係錢作怪...台記件/大陸件, 分分鐘平足90%...

順路問個問題
我聽聞好多車包括我聽的case係AE100仔同comfort, 換左同款但不同版本的車燈已過唔到驗車
例如100仔我聽聞過有人換左日版尾廂門, 比人話尾燈model唔合格肥左
亦聽的士親戚話有行家架comfort換左日版橙角燈比人肥.(港版係透明殼), 加左日版房車版前置式後鏡又比人肥.
咁即係表示運吉對零件model非常strict

但另一方面正如好多人都知, van仔落地冇耐已比人換走晒d正廠料.
一係用左老翻, 一係四川電鍍料
理論上呢d已唔係同款model. 咁又點解可以照行出街?
更加唔明點解貨車屋仔用電鍍料都比人肥. 話車身顏色唔對行街紙的話,我reg做Multiple你又吹唔脹喇卦

謝謝解答