真係 垃圾 ?

原帖由 8351 於 2012-3-5 23:11 發表

點解ZF會好過Dana既???
兩者有咩分別?

得閒搭下AP, 再搭下Trident就知咩事
特別屯公線

E400是否垃圾...這個問題實在太難考究了...
又係一個觀點與角度既問題...
大家評價一架車既觀點與角度都唔同...有人認為速度最重要....
有人認為舒適程度...亦有人認為外觀...實在太多角度了...
可能速度上是垃圾...但舒適程度比所有車更出色...
亦可能外觀是垃圾...但速度比得起跑車....
跟本沒有一個明確指標指出一架車是否垃圾...
至於就本人既立場嚟講...個人傾向支持E400係垃圾既一方 (當然只係個人感覺)
首先從舒適角度嚟講...E400椅子既設計實在太唔舒服了...(指量產E400)
下層部分坐墊向前傾...難以坐穩...每次停車都會"sir"去前面....
想係e400上面訓覺都幾高難度...除左坐位不舒適外...
車內既響鬧裝置亦極度煩擾....
不得不提既係...E400既關門提示聲...響既時間又長又刺耳...
(有片: 7017關門提示聲 ) 除左7000,7001同7013之外其它都係咁既長響...
大家試幻想下...若然呢種提示聲...聽既唔係一次半次...而係日日聽...每程車聽數十次亦非常正常....
你能夠忍受嗎? 答案不言而喻....
作為巴迷...真係聽到既時候都只不過係一次半次遊河時先聽到...
比你最多一星期入兩次赤柱...前後坐四次...你聽到咁既聲有幾多次?
諗下赤柱居民..又或者日日都要坐既人士...佢地既感覺係咩?
扣除關門提示聲...還有E400既引擎聲亦係一樣非常煩擾既聲音...
本人比較鍾意稱之為「湯雞聲」...但一般市民多數稱之為「鬼叫聲」...
(都有片:E400 7027 引擎錄音~  ) 這種聲音實在極其煩擾...有人說這只是冰山一角...
但事實是否如此..有待各位親身經歷...
也許有人會說...行車時E400上層的燈光會自行調暗....讓人有更舒適的環境休息....
但在這樣嘈雜的引擎聲下...實在很難享受呢....
總括來說...E400實在稱不上舒適...以舒適角度上...稱之為「垃圾」足以成立...
( 還未相信的...把這條片聽數次..幻想每天身處其中的感覺...E400關門+起步)

至於速度方面...E400潛在的力量實在不能懷疑...
但這些力量能夠在日常中馬力全開?
E400主力行走山路..在峽窄的山路能夠運用潛在的馬力? 相信答案大家也知道...
E400擁有比其它短車強大的馬力...在市區的速度和起步也許能說無人能及...
但在山路上...不是單靠馬力...還有其它因素...例如車輛設計...才能表現出速度~
相信大家亦同意E400比其它城記短車「闊」..在山路上「偷位」亦要比其它短車多...
這大大限制了E400的速度...為了安全...車長很自然不能以高速「偷位」過彎....
過彎時的確要減慢速度以留意對頭車的情況...若兩部E400在彎位相遇...
實在要考兩位車長的技術....
E400無疑擁有強大馬力...但其設計加上主力行走的山路...都大大限制了它的速度...
在市區速度可以比起私家車...但在山路上的速度...實在能夠稱為「垃圾」...
(有次本人番學坐7024..有咁既表現...最後用左五分鐘先係田灣上到華富 :
7024上華富  ) 當然這次可能只是冰山一角....但在山路因對頭車而需要停下來...的確是鐵一般的事實~

到最後其實E400是否係垃圾...實在唔應該係巴迷討論....
應該交番比日常使用的市民評價....講到尾...佢地先係真正既使用者....
真正能夠感受E400既表現...亦係接觸E400最多...甚至係日常生活上既必須品...
多言了...但作為一個每天慘受E400折磨而避無可避的人...
實在忍不住部分巴迷單憑數次遊河的主觀感覺便下評價...
E400是垃圾本人是絕對認同...但這個感覺並非坐過數次便下的結論
我並不是要大家接受E400是垃圾這套結論...只係希望部分巴迷能用更多的時間...
感受一下E400...體會一下每天使用的人的感受...再下評價....
感謝各位利用寶貴時間細閱本人的回覆...<<完>>

原帖由 HA3556 於 2012-3-6 16:10 發表
... 也許有人會說...行車時E400上層的燈光會自行調暗....讓人有更舒適的環境休息.......

有咩? 我搭過幾次都唔覺既...
反而唔中意佢燈光偏冷(藍), 但燈罩轉返舊款值得一讚!

原帖由 HA3556 於 2012-3-6 16:10 發表
E400是否垃圾...這個問題實在太難考究了...
又係一個觀點與角度既問題...
大家評價一架車既觀點與角度都唔同...有人認為速度最重要....
有人認為舒適程度...亦有人認為外觀...實在太多角度了...
可能速度上是垃圾... ...

老友，E400係闊左，同時卻車長短左，軸距亦不是3軸尾轆之流能比較
對頭車確實需要多一點空間，不過老實講，擺正部車差距不大，彎位甚至比3軸短豪可以囉少D，反而要小心貼牆過頭車尾西到野

而馬力大，這年頭有咩車無300幾匹呢，要留意馬力大同時也配上了十分經濟性的ZF，實際常用出力區也不外乎200幾匹

老實講，你話馬力太多無用，30幾40幾年前6LX 先得果130匹，推埋冷氣加番個極速40的超大尾牙一樣可以死死氣排上水塘道

這又如何？問題當雖然力時無料到，下下死谷高轉，引擎鬼叫半日都只能龜速爬行，又想水滾茶靚時，相比較E400馬力很合理，要知一幅冷氣連支架流失食你30匹馬力

而引擎聲噪真係低地台Citybus通病，君不見B9打和尚聲一樣囉你命.....

普通人搭巴士先無咁留意咁多野而張野撐唔住人就真係無辦法，要輕嘛.....
要留意3軸Dennis個無動力軸的設計擺到明只要路面不平就會左右chok部車，由巨龍同九記DM比就知明明同一部車座感差了十幾班

E400除了尾重頭輕有D車頭彈下彈下消化唔到外，整體比E500好

[ 本帖最後由 DGCNYO 於 2012-3-6 17:18 編輯 ]

原帖由 DGCNYO 於 2012-3-6 17:17 發表



老友，E400係闊左，同時卻車長短左，軸距亦不是3軸尾轆之流能比較
對頭車確實需要多一點空間，不過老實講，擺正部車差距不大，彎位甚至比3軸短豪可以囉少D，反而要小心貼牆過頭車尾西到野

而馬力大，這年頭有咩車無300幾匹呢，要留 ...

300幾匹馬力係有丫...但都係果句...要睇發揮...
正如GT車好有馬力...但係遇著塞車....幾有力都無用啦...
等同於山路已經限制左E400既300幾匹馬力...
矮躉馬力比唔上e400...但行淺水灣道既表現絕對唔會差得過e400...
假設一條路普普通通200匹已經足夠應付....
你比夠佢300匹...400匹...600匹馬力又如何? 多出來的能幫助什麼?
力量如何大入彎又不是要收油...一條山路又何止一個彎道...
又有多少直路比300匹馬力全開?
可以講句...得物無所用... 當然係公路上又會係另一表現啦@@
e400在市區的確會比e500好...但e500又唔會有機會入赤柱...行山路...
實在難以相題並論...

e400舒適度不足確實係存在的問題...
正如你所指出...引擎聲噪係通病...張野撐唔住人就真係無辦法...
那就能否認影響舒適度?

原帖由 HA3556 於 2012/3/6 16:10 發表
在市區速度可以比起私家車...但在山路上的速度...實在能夠稱為「垃圾」...  

係薄扶林道已經見過N次E400同私家車平排上山啦...
(客應該唔少, 93C 07:30左右上薄扶林道應該都唔少得去邊,
仲有973, 見到都應該坐滿窗邊位, #7有圖有真相)

又試過坐7013@6, 係司徒拔道可以跟到前面私家車
兩部E400相遇亦都冇話要踩晒brake停低晒咁

原帖由 HA3556 於 2012/3/6 16:10 發表
為了安全...車長很自然不能以高速「偷位」過彎....
過彎時的確要減慢速度以留意對頭車的情況...

為了安全, 揸車係山路過彎係唔應該高速嘅, 減慢速度以留意對頭車的情況都係應該嘅
咩車都應該係咁
短蘭、短豪、短龍, 又唔見得佢地真係好好多喎


講真, 我覺得都係睇司機

原帖由 HA3556 於 2012/3/6 16:10 發表

E400無疑擁有強大馬力...但其設計加上主力行走的山路...都大大限制了它的速度...

山路向來限制速度

原帖由 HA3556 於 2012/3/6 16:10 發表

(有次本人番學坐7024..有咁既表現...最後用左五分鐘先係田灣上到華富 :
7024上華富) 當然這次可能只是冰山一角....

你肯定冇其他道路因素影響?
又肯定唔係司機碌車?
你話部車壞我又唔見得你咁鍾意嘅短蘭冇壞bor


我自己都係坐短蘭大
對短蘭都有份感情
事實上我都同意張seat係唔舒服
不過若然你話「E400因為有咁大馬力得物無所用」而垃圾
我絕對唔同意

原帖由 Jaso0n2010 於 2012-3-6 18:26 發表

係薄扶林道已經見過N次E400同私家車平排上山啦...
(客應該唔少, 93C 07:30左右上薄扶林道應該都唔少得去邊,
仲有973, 見到都應該坐滿窗邊位, #7有圖有真相)

又試過坐7013@6, 係司徒拔道可以跟到前面私家車
兩部E40 ...

我諗你有小小誤會我既意思...
正如你所講山路向來限制速度...足以證明我所指既得物無所用...
就算E400有更好馬力...都受呢個速度所限制...
不就是正如我所講既有力不等於有速度?

再者一架車既舒適度實在係不可缺小...就算佢表現再好...坐得唔舒服...
評價亦唔會好...
還有一點...由此到終我無講過我鍾意短蘭...
短蘭只是有著我的回憶...18年後在E400上...亦會有回憶呢...

還有你所指既薄扶林道已經見過N次E400同私家車平排上山...那條路又怎能跟山路相題並論?
E400上薄扶林道我朝朝都會坐...的確唔會差得過短龍/蘭/豪...甚至比佢地好~
至於條片的確無其它道路因素...果個carlo亦都唔係碌車...或者只係機件問題...

重伸一次我既立場:
我同意e400係垃圾...係針對其舒適度...
至於話e400得物無所用既意思係用嚟反駁有人指出e400有300幾匹馬力=有速度...
我一直係針對e400係山路上既表現...市區大直路同公路既表現我都認同比其它車勁...

原帖由 HA3556 於 2012/3/6 18:46 發表


我諗你有小小誤會我既意思...
正如你所講山路向來限制速度...足以證明我所指既得物無所用...
就算E400有更好馬力...都受呢個速度所限制...
不就是正如我所講既有力不等於有速度?

你將所有車都受影響嘅野放左係E400身上好似唔係好fair...
「得物無所用」唔等如垃圾, 最多只可以話未發揮到盡
但係論係山路 (我唔知你點定義, 請容許我以淺水灣 <-->赤柱一帶嘅路作一個標準)
嘅表現, 我又唔覺得同以前短龍/蘭/豪差太遠
至少我坐過3次E400出入赤柱 (7001@260, 7013@6, 7036@6X)
都未見到兩部車相遇要收油收到停低囉...

再者一架車既舒適度實在係不可缺小...就算佢表現再好...坐得唔舒服...
評價亦唔會好...

張櫈唔好坐我絕對同意
不過如果講到dun我諗短龍/蘭/豪都係差唔多,
當然仲有Trident啦

還有你所指既薄扶林道已經見過N次E400同私家車平排上山...那條路又怎能跟山路相題並論?
E400上薄扶林道我朝朝都會坐...的確唔會差得過短龍/蘭/豪...甚至比佢地好~
至於條片的確無其它道路因素...果個carlo亦都唔係碌車...或者只係機件問題...

如果係咁我不如講埋7013@6個故事啦...


carlo可以做到「只收油唔落brake」
講真咩車(巴士)都係咁
都係睇carlo點揸
短龍/蘭/豪又好, E400又好
司機冇乜經驗/想穩陣D都會收油/落brake

重伸(申)一次我既立場:
我同意e400係垃圾...係針對其舒適度...
至於話e400得物無所用既意思係用嚟反駁有人指出e400有300幾匹馬力=有速度...
我一直係針對e400係山路上既表現...市區大直路同公路既表現我都認同比其它車勁...  

山路上既表現, 我都講多次啦 : 睇司機啦...
舒適度我個話張櫈真係唔舒服, 不過又未到垃圾 (Completely Rubbish)嘅

低速唔代表馬力大冇用, 加速爽車長同乘客都醒神尐

即使係市區路, 行程時間上分別唔大, 架車識唔識去, 感覺上已經係兩碼子既事, 如果畀架踩極都唔係好想去既車我,  足以令我覺得好炆

等於一部文書機同中價機比, 部文書機樣樣都慢少少, 每開樣野都可能只係慢10秒內, 你都用得唔爽啦