2012屯門區RDP

原帖由 eric278 於 2012-3-9 09:29 發表
文件中提及屯門公路轉車站南行及北行方向不會同步啟用，
因此，個人估計，轉車站（南行方向）啟用初期，會先安排巴士路線停靠轉車站，
並實施轉乘安排，待南北兩方向在2013年中全面啟用後，才會進行大型重組。 ...

將附件十二的文字撮要地寫出就當係自己的估計，
同其他小朋友呃Post做法有乜分別？

960x 都幾有創意 但得一班車 夠唔夠做?
p.s:960 仲有3 架車未正式列未用車數量...

B3 ...真係孤陋寡聞,原來一路見到果D 車都唔係正式用車,但...果2 架單層而家都好似冇出....

962 系..之前都其他區都提及過,但細心睇之後有點亂,點解唔索性咁改:962 改跟新962X ,962B 跟新962S...咁會唔會簡單D?

258P呢牌成日係景峰頂閘  仲要有幾個上唔倒  又見唔倒佢地提出有任何改善方案=.=

原帖由 ey3231 於 2012-3-9 20:45 發表
258P呢牌成日係景峰頂閘  仲要有幾個上唔倒  又見唔倒佢地提出有任何改善方案=.=

今期屯門交通會議有議員要求258P加班。不過照蘇主席慣常做法，都係連埋成個計劃一併分小區討論。

原帖由 樂仔〞 於 2012-3-8 20:29 發表
好奇怪，上年提出既 61M 66M 加單層，今年已經無左回事 ...
反而 E33 E33P 真係長做長有 ..... 好野，開多條線仲比以前多客

61M 仲轉單層? (雖然係上年咁講)
咪玩啦，依家合併左特車同正線，客量已經穩定左，有時又收車，
一加一減 off peak 一車都做到 60 個客以上返屯門，唔好出單層吧 ...

E33/E33P 玩多五六年多啲就可以改路線，到時話唔定可以一拆二都唔奇~

原帖由 Quanta 於 2012-3-9 11:46 發表


無轉乘優惠根本唔會有人用個轉車站
所以只要有線駛入去, 就要提供轉乘優惠,
如果唔係就係白兜

至於路線重組就的確應該等全面啟用後先攪

客就實有既，我相信初期係大欖小欖的三兩丁個居民囉...

不過呢，試行轉車站係好事，同時早點開始提供轉乘優惠亦都係好事。
因為呢，如果他日轉車站全面啟用後要重組路線，起碼都有數字 back up
巴士公司同運吉，講到最後點殺線或合併都方便點。

當然區議員山頭主義就係另一回事，話唔埋又一次有議員拉大隊離席
抗議政府既諮詢方案 ....
(上屆屯門區議會既有關委員會討論港鐵巴士重組問題時已開先例)

總之，辛苦運吉各位 STO 同事喇~

[ 本帖最後由 WR309 於 2012-3-10 01:16 編輯 ]

原帖由 KC3555 於 10/3/2012 00:11 發表

今期屯門交通會議有議員要求258P加班。不過照蘇主席慣常做法，都係連埋成個計劃一併分小區討論。

不如加車比 62X 拉去兆康南好過啦

原帖由 天空之神 於 2012-3-10 12:17 發表


不如加車比 62X 拉去兆康南好過啦

如果諗住 62X 全日，拉長係無可厚非既，但如果只係朝早繁忙時間就冇乜必要。
本身 62X 市中心客源係唔細，尤其係近年多左人返東九龍，但由於屯門去觀塘車程長，
好多人都好想舒舒服服坐一程車，可惜 62X 本身班次唔密，往往市中心開出已經坐滿
大半車，唔少人都寧願揀村巴坐 (當然，屯門人好多時都鍾意揀村巴) 。如果 62X 要拉長，
加車加班就係必然既事，但一方面富泰、景峰一帶既人車程長左，另一方面加班不足
隨時令到市中心都要企，到時隨時要開返市中心特車補數。至於加車方面，即使維持
現有班次，都要加 2 部車。因此，站於朝早繁忙時間角度著想，個人認為 258P 加班
比較可取。

[ 本帖最後由 fw1321 於 2012-3-10 15:33 編輯 ]

原帖由 FD_8592 於 2012-3-9 13:58 發表
962 系..之前都其他區都提及過,但細心睇之後有點亂,點解唔索性咁改:962 改跟新962X ,962B 跟新962S...咁會唔會簡單D?  

我記得之前討論中西區 RDP 既帖子內有板友提過，962 既存在可能係令朝早繁忙時間仍然有車入屯門，
原因係新版全日線 962X 及 962S 港島頭車分別為 08:40 及 09:10。至於點解唔索性提早兩條全日線
頭班車，原因似乎係有關方面覺得如果朝早繁忙時間一切維持不變，受影響既人數會就會減至最低，於是
方案就會較易令一眾區議員接受。文件內列出了朝早繁忙時間後受影響人數既估算，重組後需要轉車既乘客
只包括 3.2% 現時乘搭 962 由大欖至青山灣前往三聖至龍門居既乘客 (反方向只有 0.3%) 。當然，裏面
就避開左青山灣至大欖一帶既車程會稍為增加。

至於號碼方面，962 系本身已經多分支，單憑號碼已經難以令人識別同系路線之間既分別，例如有部分人
見到 962B、962X 都唔知邊條經黃金海岸，邊條唔會經，見到 962C (幸好得兩班) 又唔知佢在屯門既走法
跟 962X 一樣。倘若呢個重組推行，我覺得 962S 及 962B 應該轉用另一個冧把 (例如 952 及 952P，
962 就無謂改)，目的令屯門碼頭同青山公路過海隧巴線分做兩組數字。

原帖由 fw1321 於 2012-3-10 15:32 發表

如果諗住 62X 全日，拉長係無可厚非既，但如果只係朝早繁忙時間就冇乜必要。
本身 62X 市中心客源係唔細，尤其係近年多左人返東九龍，但由於屯門去觀塘車程長，
好多人都好想舒舒服服坐一程車，可惜 62X 本身班次唔密，往往市中心 ...

我就住係景峰果邊
平時如果搭尾班258P...8:15已經去到觀唐...太早了
唔少人返工係返9:00am  佢地通常一係去大興體育館坐258D(行3個字) 一係坐小巴/LRT落屯中搭62X 亦有人係坐67X轉MTR

其實我覺得有幾個方案都可以考慮
1) 258P加班 (最直接既方法)
2) 258S加停紅橋
3) 部份62X班次延長到屯門北

ps"62x繁忙時間其實唔係太疏   9分鐘一架都試過( 8:03 , 8:12)

[ 本帖最後由 ey3231 於 2012-3-10 19:33 編輯 ]

我諗城巴重組962應該都同龍門居隔離起緊d公屋同埋青公會有
國際學校,d外國人接子女放學有關,話時話九城巴會為兩楝公屋加幾多班巴士呢 ?另外係銅鑼灣配額制下,如何解決尾班962P都可以頂閘的問題呢?