討論: 冷巴加窗 ?

親住熱狗離開時間可能不遠，想問問大家意見 :

(以下純粹個人意見及討論，認同及喜歡請加分，不喜歡的勿插)


其實香港D冷巴到東天一係就凍到嘔，一係就"局"到嘔，點解巴士公司不考慮將車窗加上雞翼窗，或者似以前中記LA1 D 小趟窗。

如果有撇雨或漏冷氣情況，可以考慮研發將車窗加上一個車長控制的lock，當不應該開的時候鎖上 (車頭可以有小燈通知乘客窗已鎖)，到天氣容許的時候(天氣清涼、東天)，讓乘客開開窗，吸下新鮮空氣......

巴士公司又可以慳D油，亦應該不會為車長帶來好大的不便，只係每轉車check車時順便check一check，幾好﹗


大家有否同感 ?

如果樓主有坐過九巴 AL1﹐相信唔會喜歡冷氣車可打開窗了。

PS. 晚期九巴都做了工夫﹐但討厭的問題只是有些少改善﹐無法徹底解決處理。

大部分紅綠小巴都有可打開嘅窗, 照計對開冷氣時做到唔漏風應該唔難呀;
至於LA1, 就只有一部LA1係做活窗, 並且係廿年前嘅技術, 今日嘅技術或者已經有改進都未定。

這就是「環保觸覺」一直要求巴士公司設置的「活窗空調巴士」。

講就天下無敵.....又唔洗你做.....

雙層車冷氣機連冷糟都成噸幾，佢慳得幾多？

活動窗又比貼角硬玻璃重，隔熱能力又相對低，用小巴舉例不合適，一本小巴冷氣泵組細好多，需要都細好多

再講小巴都是統一收費不分冷熱，照計數巴士開窗實在問題題，但無可能叫佢分開價錢囉

甚麼全車窗Lock純屬多餘想法，更甚至撞著有些愛風的人唔理3721自己開窗，引發乘客大戰，司機大佬又要多樣野處理

黎D野講就易，實際問題一堆

點解澳門三間巴士公司可以有活窗空調巴士 ? 最近搭過維記10A
架巴士冇開冷氣開左窗....

樓主有冇經歷過中巴冷氣巴時代?

有雞翼窗都冇人會開過。d窗好易老化漏水，維修又係一筆錢

依家仲話研究一個系統去Lock窗? 成本邊個俾? 維修費邊個俾?
開窗係唔係收費低d?
價格平左收入小左，反而成本多左?

到頭來，都係唔可行

原帖由 leochill 於 2012-3-14 17:00 發表
大部分紅綠小巴都有可打開嘅窗, 照計對開冷氣時做到唔漏風應該唔難呀;
至於LA1, 就只有一部LA1係做活窗, 並且係廿年前嘅技術, 今日嘅技術或者已經有改進都未定。 ...

小巴有窗比較容易控制

因為乘客比較小

但係都出現唔小情況係小巴有開冷氣，有一兩個衰人開窗，
開小小窗已經漏晒d冷氣，令人非常討厭

仲有，你有經常搭小巴，都應該知有d噪音係因為個窗震所致...

本人係堅決反對冷氣巴士加活動窗

其實技術問題就唔大, 就算用返英國車身為主作例子, 英國D無冷氣巴士一樣
有雞翼窗, 一樣有D地方成日下雨..

維修問題, 係會多左工序, 但本身巴士就要維修, 司機的窗亦一樣開得...

D 窗震問題, 其實以前/現在無冷氣車一樣有, 我亦見唔到係重大問題...
如果只是雞翼窗, 問題亦會少d...以前中巴都唔覺好嘈丫

問題重點是乘客及實際情況, 睇返, 其中一個問題, 是香港較多隧道, 唔少路線都
會經隧道, 即使開得窗, 入隧道好多人都關窗, 事實上隧道入面d空氣又係難頂,
運作上可能要考慮有關問題, 即使現在/近代, 巴士公司亦盡量安排非空調巴士行
無隧道的路線...

而收費問題亦是難D處理, 如果無冷氣日子收平D, 巴士公司就唔制, 油又
節省唔到幾多

原帖由 leochill 於 2012-3-14 17:00 發表
大部分紅綠小巴都有可打開嘅窗, 照計對開冷氣時做到唔漏風應該唔難呀;
至於LA1, 就只有一部LA1係做活窗, 並且係廿年前嘅技術, 今日嘅技術或者已經有改進都未定。 ...

但同一時間小巴司機都無開冷氣...開冷氣時絕少會有人開窗...