討論: 冷巴加窗 ?

原帖由 F-15E 於 2012-3-16 00:23 發表
其實想知新巴個幾部開頂車點樣阻止下尾冷氣流失同埋落雨個陣又點樣阻止d雨係梯位流落下層

冷氣：裝風閘同埋圍住上層樓梯口... 冷氣本身係向下沉，所以其實主要問題都係行車時 d 風沿樓梯打入去下層
雨水：上層樓梯加頂蓋同埋係樓梯加開去水口... 其實只能盡量減少，大雨時樓下地板係會濕晒，無乜計

原帖由 3ASV196 於 2012-3-16 08:54 發表


其實香港d冷氣車, 又一樣個個人覺得好受咩......唔少人上車一坐低,
第一件事就關晒個風口, 唔想吹住....

如果坐附近有人咳等(尤其sars之後), 更加想開窗, 而唔少司機長開
旁邊的窗少少tim....

如果冬天, 上到去 ...

你講既唔少真係少數，司機開窗的考量倒不如有助行車時精神D，亦有少部份早期的司機位唔夠冷氣

咳的問題，有無做公民行為就自己知正常

要知雞翼窗不只是方便你的問題，如果無人關落水成車濕點算？入水點？洗車又要搞個關窗組？

開冷氣時有個白癡去開窗又點計？

有時要合理，無必要增加車長工作

原帖由 DGCNYO 於 2012-3-16 23:23 發表

你講既唔少真係少數，司機開窗的考量倒不如有助行車時精神D，亦有少部份早期的司機位唔夠冷氣

咳的問題，有無做公民行為就自己知正常

要知雞翼窗不只是方便你的問題，如果無人關落水成車濕點算？入水點？洗車又要搞個關窗組？

...

其實今日我出去, 係彌敦道沿途, 都故意睇下幾多司機開窗, 發現都有約4成開,
當然, 有d開可能係方便俾手讓車一d gei, 因為彌敦道多要cut 線...

其實首先要睇下點設計先, 雞翼窗, 唔一定橫開, 好似電車上面個細窗咁向入開,
亦即英國車咁

http://farm7.static.flickr.com/6171/6146356515_340aafc188_z.jpg

自然下雨就難d入水, 電車下雨時, 關晒下面大窗, 只開上面, 都仲ok的..
唔知你有無試過了

咁當然洗車要人關窗la, 但係唔係要人關窗, 就否定有關設計的可行性?

真濕左點算? 以前熱狗又點算? d客自己都會抹下la  就算無窗開, 依家
冷氣巴車廂一樣有機會濕ga wor, d客d雨具, 或倒左d水又點算? 一樣有
可能...

如果完全無機會濕, 就唔會冷氣巴都加去水口....

唔知你點睇, 但我相信不論香港人定外國人, 見到香港點解得11度, d巴士
同d店舖都開行冷氣, 會覺得奇怪, 點解咁做....咁又是好合理?
你家冬天都唔會開冷氣la, 要求巴士冬天唔駛開冷氣, 又真係咁唔合理嗎?

我明白冷氣本身有重量, 唔開未必節省到油, 但就真係根本凍天有無需要
開的問題lor..

至於開冷氣時人地私自開窗, 樓主咪講左加lock lor, 但我反而唔明你點解
之前講"甚麼全車窗Lock純屬多餘想法", 我唔係好明咩係多餘, 以前熱狗
一樣有"梗窗"lock jor

中巴年代冷馬亦無乜聽過d人自己去開  (中巴d窗就係有lock, 一開車長亦知有顯示燈知)

即你講呢d野, 過往都有不同例子, 加個窗是否加重車長好大工作量? 我好有保留....
如果九巴好似城巴咁改自動報站, 唔駛車長又分段又下下報站, 就真係真正減少工作量

其實我真係好奇怪, 架車可以開窗本身是好正常合理的事, 香港可開窗的巴士行左成百年,
有冷氣而可開窗的車你出去望下通街都係, 今日只是要求巴士加返細細的開口窗, 冬天時
可以開下, 閣下會睇成咁多運作的問題lor

我講的, 亦是講緊合理吧....

[ 本帖最後由 3ASV196 於 2012-3-17 00:23 編輯 ]

原帖由 3ASV196 於 2012-3-16 08:54 發表


其實香港d冷氣車, 又一樣個個人覺得好受咩......唔少人上車一坐低,
第一件事就關晒個風口, 唔想吹住....

如果坐附近有人咳等(尤其sars之後), 更加想開窗, 而唔少司機長開
旁邊的窗少少tim....

如果冬天, 上到去 ...

其實鐵路車輛入到隧道會有生風，所以少啲人講

（that's why 東鐵綫啲 MLR 好天一開唔夠冷氣就即刻勁焗（係得筆架山同塱源嗰段叫好少少））

原帖由 AV512 於 2012-3-17 07:06 發表

其實鐵路車輛入到隧道會有生風，所以少啲人講

（that's why 東鐵綫啲 MLR 好天一開唔夠冷氣就即刻勁焗（係得筆架山同塱源嗰段叫好少少））

yes ar, 當多人"困"埋一齊係冷氣空間, 生風係重點....就算學校班房, 整冷氣同時會加埋抽氣扇, 就係要有生風

再講多dd

其實冷氣巴的空氣質素, 一直多年都有人嘈, 長遠真係要睇下, 就算夏天開冷氣, 都可以睇下點可以有多d 生風,
以前我都未必認為加窗的重要性, 但近年社會/世界亦不變轉變, 再過多10年又點? 我都希望反對的朋友可以睇長遠dd...

90年代冷氣巴的發展, 市民心態係豪華, 舒適, 巴士公司亦樂於提供, 而到2012的今天, 市民, 尤其新一代,
更著重環保, 節省, 健康, 呢個重視仲係增加緊, 呢2個月講緊熱狗退役, 但不久將來, 我相信冷熱2用車會
是發展方向, 樓主呢d聲音只會加而唔會減...

今日講緊柴油巴士, 停開冷氣未必節省好多油, 但日後混能/全電能巴士發展方向, 開唔開冷氣的用電影響
將會加大...(唔好講咁遠, 依家柴油巴士上斜, 有d司機都會關冷氣, 開唔開冷氣真係無影響巴士本身運作咩)

而自然風/生風的重要性, 年年的流感高峰期, 係越來越注重空氣流通的香港, 現時冷氣巴設計已經開始見到
不合時宜...這唔只是公德問題, 係要實際面對的都市病傳播問題.....

我講的唔係今日立即要做, 但唔駛好長遠, 巴士公司及製造商可以盡早考慮/研究...

其實呢d都唔會係複雜問題, 夏天熱就開冷氣, 冬天凍就開窗, 我相信大家年年係家中都會做的,
是常識, 亦是合理..

當然涉及有d路線係行車隧道, 或市區繁忙地區, 出面多廢氣的, 開窗可能係問題, 但當混能/全電能車輛
不斷發展, 呢d路邊空氣質素我期望將來都會改善到d, 但最少正如站友建議, 可以郊區線做先....

[ 本帖最後由 3ASV196 於 2012-3-17 11:06 編輯 ]

原帖由 3ASV196 於 2012-3-17 10:58 發表


yes ar, 當多人"困"埋一齊係冷氣空間, 生風係重點....就算學校班房, 整冷氣同時會加埋抽氣扇, 就係要有生風

再講多dd

其實冷氣巴的空氣質素, 一直多年都有人嘈, 長遠真係要睇下, 就算夏天開冷氣, 都可以睇下點可 ...

最大問題分分鐘唔係技術問題而係收費方面
搞開窗巴士自然會有聲音話當年轉冷加左四成
而家唔開冷氣
巴士公司自會有壓力要減價
所以覺得巴士公司係唔會想搞開窗既巴士

而家冷氣巴用收十八年
就算隔塵網有洗
難保冷氣槽出風口呢D都不知積左幾多污糟野
十幾年又拆過出黎洗過幾次
我就對空氣質素十分懷疑
都未計部份舊車車尾廢氣倒流問題
根本車內仲污濁過車外....
一年十二個月至少半年都係貼(貴)錢買難受...＿

原帖由 ksmbh 於 2012-3-17 11:12 發表



最大問題分分鐘唔係技術問題而係收費方面
搞開窗巴士自然會有聲音話當年轉冷加左四成
而家唔開冷氣
巴士公司自會有壓力要減價
所以覺得巴士公司係唔會想搞開窗既巴士

而家冷氣巴用收十八年
就算隔塵網有洗
難保 ...

yes ar, 我係本標題#9已經講左係"收費問題難D處理", 唔係技術問題,
而係#20講, 可能要政府補貼, 先可以解決到

或新批專營權/改專營權條款, 一定迫巴士公司咁做同減價

講起隔塵網同冷氣嘈, 我都唔知巴士公司幾耐清一次, 唔知有無
站友知道呢...

原帖由 3ASV196 於 2012-3-16 23:54 發表


其實今日我出去, 係彌敦道沿途, 都故意睇下幾多司機開窗, 發現都有約4成開,
當然, 有d開可能係方便俾手讓車一d gei, 因為彌敦道多要cut 線...

其實首先要睇下點設計先, 雞翼窗, 唔一定橫開, 好似電車上面個細窗 ...

空氣調節不只是溫度還有濕度

你開左，這系統自然會變得無用

咁香港人夠唔明白英國人有雞翼窗都唔開係咩心態

咁舉例無咩意思，人地喜好焗著的熱，香港人喜好凍D

而清洗問題，黃色公司就有專門去洗，而最大果間唔知啦

要知冷氣糟正正是上方，你開雞翼窗就擺到明同佢撞風

照計又唔似你講既可以共存，更何況永有手殘人士上車識開窗落車又唔關

加鎖甚麼全屬忽發奇想，你貼錢俾巴士公司都唔會想做既野，佢鎖得就唔會同你開，就係咁簡單

點計都好，只是為了一些所謂的空氣流通，而加上咁多成本，隨時有更多價錢，乘客間跟司機的磨擦

洗車又要多team人服務黎D開窗大帝，大雨時除了幾排位玩完

老實講，這又乎合成本效益？我就唔識理解黎D所謂貼心的想法，由其你個位開雞翼窗，最食風既係後果幾排

實多事

原帖由 3ASV196 於 2012-3-17 11:28 發表


yes ar, 我係本標題#9已經講左係"收費問題難D處理", 唔係技術問題,
而係#20講, 可能要政府補貼, 先可以解決到

或新批專營權/改專營權條款, 一定迫巴士公司咁做同減價

講起隔塵網同冷氣嘈, 我都唔知巴士公司幾耐 ...

其實應該咁講,
一個政府有心做既時候,
只需要將佢批出黎既線稍為做低少少個價已經OK

月驗一般計會洗網

其實咁講,
用番你個例子,
天氣熱大家會開冷氣,
天氣凍時,
大家會開窗,
我地應該考慮一點,
天氣凍時你都未必會開到個窗大一大,
對否?

原帖由 DGCNYO 於 2012-3-16 23:23 發表

你講既唔少真係少數，司機開窗的考量倒不如有助行車時精神D，亦有少部份早期的司機位唔夠冷氣

咳的問題，有無做公民行為就自己知正常

要知雞翼窗不只是方便你的問題，如果無人關落水成車濕點算？入水點？洗車又要搞個關窗組？

...

好多時司機真係怕俾人傳染...