什麼原因令TKO無法生存到隧巴線 ?

原帖由 ~誰@359~ 於 2012-3-15 01:34 AM 發表

秀茂坪塞係塞落將軍澳道個燈位
但果段路係不論你落山定上興田都係要一齊排隊
而且興田路窄，交通唔見得暢通

但問題係行將軍澳道轉落去會繼續塞，
但行興田就至多係等埋站。
我唔敢講果段路快得幾多，
非繁時甚至應該慢過將軍澳道，
但起碼繁忙時間將軍澳道塞起上來呢段路肯定係救星，
而且興田又無過海車，
增加一個獨市位我諗對690/690P會有幫助。

當然九巴/城巴必須多作宣傳如避開塞車位、可節省幾多時間，
否則就算快咗但翠林/康盛人會覺得兜路而放棄選乘。

[ 本帖最後由 dennislokawai 於 2012-3-15 13:07 編輯 ]

原帖由 dippy 於 2012-3-15 02:04 AM 發表
其實要合併既
調景嶺->尚德->坑口->寶琳(定時點)->山上->寶逹->興田->啟田->東隧->690沿線->中環
全日12, 隔班車去調景嶺
實行趕哂山下客之後條線名正言順做山上人 ...

你話晌坑口開經寶琳上山都仲OK(雖然都多餘)，
但調景嶺同尚德人又點會陪你陪兜？
莫講話日間，
就連N車咁行D人都唔想搭啦！

原帖由 3AV53 於 2012-3-15 12:59 發表

講左好多次，做任何改動都唔應該／唔可以影響到山上居民既搭車習慣，
本身山上居民响將軍澳線通車後已經係負得益，連過海線都冇埋根本不能接受，
而家將軍澳交通情況係劫貧濟富，富者越富貧者越貧，
康城大大個鐵路站响入面可以越 ...

實在回唔到太多，要出去~
不過回左小小，拋多少少磚去引玉先，希望真係有個好方案，如果我有時間就去寫信。

其實住山上我承認係悲既，好似咩都比人開刀咁。
呢個係巴士公司既失誤，但另一樣的確係先天失調。

你會怪我用外區去比，因為我見到外區成功嘛。
8/90年代既港島東，稍有認識都知中記有幾頹。
直到95年有8X同118出現，再到新記，烽煙四起。
其實港島東同TKO有d似，地鐵係平行，亦都有一d地方係冇直車到。
唔同既係地形 (TKO係三角，港島係接近一條直線)。

至於你話619X「特快」，我覺得係巴士公司胡說而已。
根本談不上「特快」，最多叫「快速」。
我唔會話唔行快速路就唔叫「特快」，行就叫「特快」。
「特快」唔「特快」，係compare既姐。

老實，我欣賞你回文，的確係constructive，所以我都打咁多野，亦都加你分。
我亦都唔敢講我好熟TKO，畢竟我只係呢三兩年間唔中出入TKO。
當然，我住香港島大，我會覺得TKO線去到香港呢邊點行，我會熟D既~XD

*夜d再回埋其他啦...........

上面真係一個好好既教材話比人聽咩叫班門弄斧
明明完全唔熟將軍澳，見Rdp講296M就以為係靈丹妙藥，
仲要講到咩對山上虧欠，點都要有人犧牲，唔講以為係運輸署職員
仲要有人同佢玩，真係好好笑


[ 本帖最後由 gn3509 於 2012-3-15 14:23 編輯 ]

不如小試牛刀：將690P改為寶林開出，行寶林路、興田、啟田 (當然要停梁潔華轉出去怡心園)
如果690P成功就推星期一至五7:00-9:00 開690A行寶林路、興田、啟田
690在該段時間暫停服務，看看客量有沒有提升~

反而最令人氣憤 的是：【運輸署、九巴及新巴城巴發言人均指，有關建議冀減低將軍澳隧道及中環區等交通負荷。】紅字個句根本不可能接受，是借口一句。
另外：
【擔心港鐵無競爭下大幅調高車費。】
這句我非常同意的！
個人意見：
692還末去到非繁全單的，若不行才取消。

[ 本帖最後由 ATE11 於 2012-3-15 17:42 編輯 ]

原帖由 ATE11 於 2012-3-15 17:39 發表
反而最令人氣憤 的是：【運輸署、九巴及新巴城巴發言人均指，有關建議冀減低將軍澳隧道及中環區等交通負荷。】紅字個句根本不可能接受，是借口一句。
另外：
【擔心港鐵無競爭下大幅調高車費。】
這句我非常同意的！

不單如此，有一天鐵路運載力無法負荷時，港鐵有機會重推1988-1993年實行的繁忙時間附加費，
以減少列車過度擠迫影響鐵路安全，這時政府要被逼放寬保鐵政策，成為多輸局面！

政府盲目保鐵 , 以為鐵路係最可靠的集體運輸工具 ,終有一日 , 負荷不來或
好像出現2008年的港鐵大事故到時不知點收科 !  我怕他日南港島線通車
又會提議取消90,590,590a同592路線 !

無論鐵路有幾可靠都好，當局都唔應該削減遠離港鐵偽替代服務（至少將軍澳係咁）地區嘅路線。
要知道有啲路線係「公益路線」。
九巴51都蝕得好甘，分分鐘重甘過將軍澳過海線（呢個只係可能，我手頭上無任何數據的）
51都有好多偽替代服務，例如251M、小巴線等等，咁係咪可以取消51？（或者呢個例子唔夠貼切，不過一時間係諗到呢個例子）

其實692都應該可以cut嘅，用小巴代替，收番$13.4，小巴商都有so，反正692非繁客量唔夠頂一架巴士啫，十六座都應該ok嘅，反正將軍澳區都有條18做辦，做得都算成功呀，繁時嘅692P照保留，作疏導之用。


[ 本帖最後由 Ms.Potato 於 2012-3-15 21:03 編輯 ]