什麼原因令TKO無法生存到隧巴線 ?

原帖由 KV1902 於 2012-3-16 01:34 發表



我出發既概念係，寶林一定要保住，如何在可以加保住尚德既環境下最快兜圈去隧道。
以及地鐵站既距離。
山上我係見突左出黎所以唔諗既，當然人少亦係考慮。

當然你講既有一定道理。
(但我唔係只用東區線做一個consider， ...

尚德根本唔值得犧牲寶林同山上居民既利益去保，
人地大大個2蚊特惠站，去天后－北角＄7.9，銅鑼灣及以西$9.9無敵價，速度同價錢全勝，為乜要保佢？
粗體果句又係睇到笑左出黎，明明山上係將軍澳第一個發展既區域，竟然比人話係「突左出黎」

如果係因為你有時要來往尚德所以有「無論犧牲邊度都要保住尚德」呢個諗法，我只可以講你唔夠客觀。呢個討論亦難以繼續落去。

原帖由 3AV53 於 2012-3-16 01:50 發表
尚德根本唔值得犧牲寶林同山上居民既利益去保，
人地大大個2蚊特惠站，去天后－北角＄7.9，銅鑼灣及以西$9.9無敵價，速度同價錢全勝，為乜要保佢？
粗體果句又係睇到笑左出黎，明明山上係將軍澳第一個發展既區域，竟然比人話係「突左出黎 ...

呢個討論一早應該停啦
一個完全唔熟將軍澳既人，
為左方便自己偶然要入去某一區域，
要其他居民放棄自身權利去成全佢，
既唔客觀亦唔理性，仲有討論落去既價值咩？
（雖然呢個討論好多爆點，淨係296M係靈丹妙藥，山上係突出黎呢兩點已經好好笑）

[ 本帖最後由 gn3509 於 2012-3-16 01:54 編輯 ]

原帖由 3ASV174 於 2012-3-16 00:38 發表

你講講下我直情懷疑你係咪真係住港島，
690 本身英皇道 d 站已經好疏，又唔駛點排隊，根本民康街落橋去到清風街都係 10 分鐘以內，
興發街落橋跟本土特快轉出去，塞車塞到傻，非繁時都快唔得幾多，
繁時直頭返鄉下耕田啦。

況且 ...

你唔信我住港島東既，italk有一個好資深既版友，係我既老友。
你有興趣可以PM我證實。


至於呢點，我唔認同。
如果你用「興發街落橋跟本土特快轉出去，塞車塞到傻，非繁時都快唔得幾多」既，
點解8P可以由柴灣市出到去永興街，10分鐘內一般都到? (仲replace左8X當年既地位)
如果塞車，點解同港島線「平行時空」既2X都仲有客?


我知，興發街轉出去永興街成日有貨車塞住去唔到燈，但唔代表咁唔係一個方法。
其實英皇道既燈唔係真係咁順，不論日夜都係。
仲有，番九龍呢?

我一向想既，係番九龍會搵得多過番香港，仲有由下繁去到0000呢段時間。
番香港早繁係輸硬，呢個係一定......
當然早繁，行下面定上面快，我真係唔sure，我只知上下面都好塞。
快極坐788行海傍道都有機會比地鐵慢......


當然，我唔反對上山，但我唔認為只係上山就解決到問題。
否則，點解唔601加車，拉到落中環，同埋行山拉到落寶林?
又或者，好似前面咁話，行山兜興田落啟田，填番個空洞?

另一樣係，究竟大家只係想保住山上，定TKO有bus service?
回左咁耐，我既感覺，只係覺得大家諗住「只要山上有車」就cut山下service ok。
如果係咁，點解690要停寶林?

原帖由 gn3509 於 2012-3-16 01:53 發表

呢個討論一早應該停啦
一個完全唔熟將軍澳既人，
為左方便自己偶然要入去某一區域，
要其他居民放棄自身權利去成全佢，
既唔客觀亦唔理性，仲有討論落去既價值咩？
（雖然呢個討論好多爆點，淨係296M係靈丹妙藥，山上係突出黎呢兩點 ...

利申:
我想講，我係坐私家車入尚德。
以前我會成日搭車去寶林，坑口番過一段時間工。

原帖由 KV1902 於 2012-3-16 01:54 發表


當然，我唔反對上山，但我唔認為只係上山就解決到問題。
否則，點解唔601加車，拉到落中環，同埋行山拉到落寶林?
又或者，好似前面咁話，行山兜興田落啟田，填番個空洞?

另一樣係，究竟大家只係想保住山上，定TKO有bus service?
回左咁耐，我既感覺，只係覺得大家諗住「只要山上有車」就cut山下service ok。
如果係咁，點解690要停寶林?

一個去開九龍東既人都應該知601係幾墟冚，
601拉去寶林開的話，中秀打後應該唔駛諗上車喇

將軍澳要保住過海線就要靠冇地鐵既山上，
692全部客都有更平更快既替代品－地鐵，要夾硬cut都唔會搵到理由阻止
690起碼仲有個山上係搵唔到更佳替代品，起碼價錢做唔到先
而問690點解停寶林又係另一個爆點，690當初定線原意就係做寶林同山上嘛
要打爛沙盤問到篤既話，怕且你要搭時光機返去問下定線既人兄喇

[ 本帖最後由 gn3509 於 2012-3-16 02:12 編輯 ]

原帖由 KV1902 於 2012-3-16 01:56 發表

利申:
我想講，我係坐私家車入尚德。
以前我會成日搭車去寶林，坑口番過一段時間工。

我只希望你答我呢個問題，
而家事實證明尚德客唔及寶林＋山上，同時前者有減兩蚊特惠機既情況下，
點解要犧牲後者而成全前者？

原帖由 3AV53 於 2012-3-16 02:17 發表
我只希望你答我呢個問題，
而家事實證明尚德客唔及寶林＋山上，同時前者有減兩蚊特惠機既情況下，
點解要犧牲後者而成全前者？

有得選的話，3個地方都應該留。
692頂到今日，都係因為尚德客。
如果可以執得就執(客)，點解唔要埋?
反正行多5分鐘。

當然，山上我覺得有都ok，我由頭幾頁都講到後來覺得可以keep山上.....

但係，
你話有兩蚊機，咁如果寶林整幾部兩蚊機，巴士係咪又可以撒退?
如果山上整部五蚊機(or小巴interchange)，巴士係咪又可以撒退?


而家就係要competitor / choice，唔係只係用巴士去serve冇地鐵到既地方咁簡單........

其實講左咁耐都係假，「一日不減價，一日冇乘客」

原帖由 KV1902 於 2012-3-16 01:54 發表


你唔信我住港島東既，italk有一個好資深既版友，係我既老友。
你有興趣可以PM我證實。


至於呢點，我唔認同。
如果你用「興發街落橋跟本土特快轉出去，塞車塞到傻，非繁時都快唔得幾多」既，
點解8P可以由柴灣市出到去永興 ...

8P 柴灣去永興街，非繁時就 10 分鐘，
但繁時呢？銅鑼灣落橋塞到世界花園呀！直去灣仔都係慢車，落銅鑼灣係塞到停車架。

8x 主打北角客，英皇道上面就有 6 個站，而且全部停大站，落客要落幾耐？
690 北角客又唔算多，加上佢得 4 個站，炮台山仲停後面唔駛排隊，點同 8x 比？
你話東行快，事實證明根本下繁興發街塞車塞到快唔過直行英皇道幾多，
如果真係咁快，690P 都唔駛死啦，事實上以前 690P 係好多時連前一班 690 都快唔過。

你一頭話將軍澳隧巴一定要特快，
但一提 690 反轉行，你卻叫 601 拉到寶林，先唔講 601/601P 本身都爆車爆到癲，
你要食條繁時要企既 690/690P 亦食唔落，
再者當將軍澳就要特快，只停寶林尚德，飛到過海又要行你話快既東廊，
但卻另一邊廂叫 601 取代埋 93A（其實係仲長過 93A）先過海，之後仲要行晒條電車路去中環，你認為仲有人會上車嗎？！
慢唔係問題，但咁會唔會慢得太過份？

至於興田，佢地根本就會搭 603，搭 690 最多都係去北角金鐘，
要是 690 飛走北角，仲停興田做乜？唔通興田居民平時只會搭 16 16M，唔會搭 215X？
就算係寫明去興田既 24M，個站都係擺o係碧雲道同 603 同站架。

講左咁耐，根本個重點就不在將軍澳要唔要有車過海，
因為將軍澳有港鐵既地方，根本無必要保留巴士過海，事實上港鐵沿線居民亦早就用腳表態，佢地唔鍾意搭巴士過海。
至於山上，講到尾都係因為佢地佔左 690/690P 客量一個大比重，
而且所有港鐵對比隧巴既優勢都在山上失效，所以先至被逼依賴呢條隧巴線過海，亦係因為咁先會一直有人認為條線唔應該取消。
你問 690 點解要停寶林，其實真係無必要架喎，只不過佢港鐵未開已經係咁行之嘛，又無人爭取佢要停，
你都見 690P 以前有不少寶林開既班次，依家都取消晒啦，就算佢唔停寶林，你覺得寶林居民真係會覺得可惜咩？

原帖由 KV1902 於 2012-3-16 02:35 發表

有得選的話，3個地方都應該留。
692頂到今日，都係因為尚德客。
如果可以執得就執(客)，點解唔要埋?
反正行多5分鐘。

當然，山上我覺得有都ok，我由頭幾頁都講到後來覺得可以keep山上.....

但係，
你話有兩蚊機，咁如果寶林整幾 ...

呢兩年暑假都係灣仔/金鐘返工
其實 692 繁時真係罪不致死
下繁 690P 亦唔係比 690 快好多 (頭班例外)
絕大部份客都係忠實fans

營運者雖然消極,但某程度唯一去做而可以做到既其實係留住呢一班客
所以今時今日呢兩條線既服務同定位仍然一成不變,明知非繁忙吉車都照攬

你可能會話
點解唔將佢變兩味車,
唔知其實過海線係咪咁
692 690 有一個有趣現象係,
越近尾車,反而越多客,
所以點分個服務時間先至最好呢?


想要 692+690 二合一
一係坑口開經寶林上山再過海
一係尚德開經寶林上山再過海

一定有一個地區冇左全日既過海服務

但其實有冇增加過客源呢?
始乎就冇 la, 反而變相仲少左

想要積極d
始乎唔係由九龍/新界區入手
反而會唔會增加/修改某d班次o係過左海之後飛走d 冇咁大需求既區域呢?以山下寶林區計
對過海巴士最大需求的地方,始乎係住新都城返灣仔,金鐘,中環呢班客

[ 本帖最後由 EF107 於 2012-3-16 02:59 編輯 ]