大家會選擇那位做下屆行政長官

原帖由 dippy 於 2012-3-19 21:53 發表
如果鐵頭選到
咁佢會唔會爭取到59系全部全日呢
同埋佢如果佢被小圈子選出黎, 佢做唔做好呢

首先發下春秋大夢假設真係畀佢選到

如果我畀到意見佢，我會建議佢做。
同佢一貫立場一樣，每樣小進步都係得來不易，
佢話唔做就即係將天跌落來的機會送返畀建制派。
佢肯做，中央就無不任命的理由，
任期內刁難也好綿裡針也好分化離間也好，至少佢手上有實權。
一個實際的問題：佢一定會得到回鄉証。

黑心講，佢做，更可以測試泛民是否適合做特首－
到普選時泛民選到特首的機會將會增加，
中央及建制派以至泛民自己始終要為此作預演。
若民主派做特首也是不外如是，甚至做得比老董或曾生差，
普選時就大條道理催谷建制派候選人。

[ 本帖最後由 DIH 於 2012-3-19 22:27 編輯 ]

原帖由 3ASV196 於 19/3/2012 14:32 發表

如果咁講, 你應該選 2 bor

唔記得邊度睇過, 要香港有革命, 就要有如唐xx之流當選特首, 先有希望...

我係覺得無論 2 同 3 都唔會令香港更差。
既然係咁，就再揀個小動作更小的。

3 號當選會引致暴動，正是 1 號支持者喜歡說的事。
如果係的話，真係唔怕佢哋走出嚟。咪睇下邊個拳頭大囉。

其實依家照盤口計，唐梁各自咬住唔放
全部都好似唔聽中央支笛，流選機會都唔細

到時大家既option就未必得咁少

反正呢場玉石俱焚，同歸於盡，都唔知係咪中央無得揀而比佢去碼既把戲
特別係香江政府當透明、中央又默許或者係收唔到科，民主派要求爆更多黑鑊

當日有人用爆黑鑊黎踩低對手，結果同樣付出代價
正好比D想選特首既人學下野..

原帖由 kay 於 2012-3-19 22:52 發表
其實依家照盤口計，唐梁各自咬住唔放
全部都好似唔聽中央支笛，流選機會都唔細

到時大家既option就未必得咁少

反正呢場玉石俱焚，同歸於盡，都唔知係咪中央無得揀而比佢去碼既把戲
特別係香江政府當透明、中央又默許或者係 ...

其實乜野都係今日留一線，他朝好相見。

邊個扯爛面具先，大家都好清楚。

尋日沈旭輝的文章，其中一點就係，將不道德手段「外判」，
若候選人不澄清不阻止，就唔好話乜野責任都冇。

假若某君真係胸懷大志要服務香港貢獻祖國，
老祖宗玩政治玩咁多年，政壇波譎雲詭，
佢最推崇的鄧小平都經歷過三上三落，
難道佢都唔明白小不忍則亂大謀的道理？
鬥污糟鬥揭陰私，實在是太幼稚，
也實在太睇小香港根深柢固的本土政商勢力。

連德高望重的曾鈺成，佢都要特登打電話，話冇佢黑材料......此地無銀得太明顯了。
而且曾鈺成自己在不參選記者會上都顯然對此人作風頗有微言。
本土建制派回歸多年已經一次又一次畀上面「為大局著想」而做炮灰做箭靶，
幾廿歲人牛高馬大，投個票都要畀人指指點點，
只能做個有事鍾無艷，稍為有點自尊都覺得醜吧。

[ 本帖最後由 DIH 於 2012-3-19 23:12 編輯 ]

今日睇完論壇, 對唐唐又有D好返的感覺, 唔知是否當選機會少了,
今日講野豁左出去一樣, 又話幫老何拎回鄉證, 又講雙普選, 到時
做唔做一件事, 但最少今日肯講, 但CY 當選機會大左, 就反而越來越
小心..

結果今日CY 反而退步左好多gum, 有時仲俾唐何"唱雙王"式夾擊....

而睇返現場選委反應, 唐唐的支持度似乎無想像中咁差, 而更估唔到,
人民力量/社民連3條友, 只攻CY, 搞到佢3次先講到開場白......

原帖由 3ASV196 於 2012-3-19 23:43 發表
今日睇完論壇, 對唐唐又有D好返的感覺, 唔知是否當選機會少了,
今日講野豁左出去一樣, 又話幫老何拎回鄉證, 又講雙普選, 到時
做唔做一件事, 但最少今日肯講, 但CY 當選機會大左, 就反而越來越
小心..

結果今日CY  ...

老實講, 早幾日見黃生回應 CY 個兩單高層會議事宜都基本上估到佢地如果二者揀一, 要唐都唔會要梁,
當然以佢地三個作風, 肯定投白票多 ~

原帖由 3ASV196 於 2012-3-19 23:43 發表
今日睇完論壇, 對唐唐又有D好返的感覺, 唔知是否當選機會少了,
今日講野豁左出去一樣, 又話幫老何拎回鄉證, 又講雙普選, 到時
做唔做一件事, 但最少今日肯講, 但CY 當選機會大左, 就反而越來越
小心..

結果今日CY  ...

我自己都做過中學學生會、大學系會、研究生Seminar、同學生上堂等等，
一個人上到台，真係好需要自信，就算你有好多準備受過好多訓練，
心有包袱臨場膽怯係好容易睇得出，你可以訓練個口，可以訓練思維，
但訓練唔到你個交感神經系統（緊張、自保等反應）。

站在台上，台下有幾多人支持你，有幾多人對你不屑一顧，
係一目了然，這亦都好影響臨場發揮。
在台上講野，如果台下有人左顧右盼、交頭接耳，
即使只係一兩個人，都令台上人好難專心，
尤其是梁生根本好少面對住一大棚唔知是敵是友的人講野。

或者話，當你自知台下一定有人對你有偏見，
你係成場的焦點，被多路夾擊，
無論係咪無辜，需要加倍努力不容有失的心理壓力都更大。
唐生上周五兩個炸彈，至少令到梁生心中多了很大的包袱，
我甚至懷疑唐生之前的無能形象係咪順水推舟故意營造的。
如是這般，佢就真係大智若愚。

尋晚睇到，唐生每次講完狙擊梁生的說話，
面上都流露出鬆一口氣、「我終於講左喇」的表情，笑容自然，台下唐營亦十分興奮；
相反梁生顯得拘謹、眼神閃縮，再也講不出笑話soundbite，
「秦」先生，似乎還需要去演藝學院進修一下。

一個要劉延東親身南下箍票的候選人，無論如何都算不上係認受性高吧？

[ 本帖最後由 DIH 於 2012-3-20 09:38 編輯 ]

原帖由 DIH 於 2012-3-20 09:30 發表

我自己都做過中學學生會、大學系會、研究生Seminar、同學生上堂等等，
一個人上到台，真係好需要自信，就算你有好多準備受過好多訓練，
心有包袱臨場膽怯係好容易睇得出，你可以訓練個口，可以訓練思維，
但訓練唔到你個交感神經 ...

好老實講, 唐生後段講個句話, "我大可歡迎佢告我誹謗" 呢句真係講得好有信心,
同埋我覺得如果唐生真係老作, 冇理由講得咁淡定仲要去埋 ICAC 告佢; 成件事我唔覺得唐係無中生有 ~

講返尋晚表現,
梁又係起度帶人遊花園, 尤其人地問佢如何幫何拎回鄉證, 結果其實乜都冇答 ~
何就不過不失, 最小佢真係答到野,
唐係進步不小, 但實情仍然有點口塞
而家距離三月廿五日都唔夠一個星期, 呢個星期後期應該仲會有野睇 ~

原帖由 DIH 於 2012-3-20 09:30 發表

我自己都做過中學學生會、大學系會、研究生Seminar、同學生上堂等等，
一個人上到台，真係好需要自信，就算你有好多準備受過好多訓練，
心有包袱臨場膽怯係好容易睇得出，你可以訓練個口，可以訓練思維，
但訓練唔到你個交感神經 ...

你觀察同形容得好仔細

而CY本身少出席立法會會議, 相對唐何, 對呢D辯論係有D輸蝕,
雖然唐唐仍然講野唔順, 但呢D天生ga la, 相信都改唔到

再講返dd, 由民建聯副主席張國鈞問如何打破政治僵局達至政
治大和解時, 我真係幾欣賞唐唐諗都唔駛點諗即說：「直接答你
呢個問題，要解決政治矛盾，要全力達至雙普選。」
因為作為建制派, 政府官員, 咁係一個突破的思想/言論...佢諗到
又講到, 係幾喜出望外

蘋果更話, "亞洲電視觀眾短訊投票的結果顯示，唐英年支持度瞬即
由原來三成多升至 48%，梁振英由 61%跌至 50%。"

雖然之前唐唐表現又無腰骨又無膊頭, 但昨日答D政治敏感問題,
則比CY 更有承擔.....當然, 如果佢選到, 一定做到先好...
(如果選唔到, 佢都拎返個尾彩, 之後返去飲紅酒嘆世界)

至於行會言論問題, 唐唐講ICAC, 我開頭有D O 咀, 不過之後先知返
係同選舉條例有關, 佢解釋得唔清楚...

[ 本帖最後由 3ASV196 於 2012-3-20 10:48 編輯 ]

原帖由 AVD1 於 2012-3-20 10:11 AM 發表



講返尋晚表現,
梁又係起度帶人遊花園, 尤其人地問佢如何幫何拎回鄉證, 結果其實乜都冇答 ~
何就不過不失, 最小佢真係答到野,
唐係進步不小, 但實情仍然有點口塞
而家距離三月廿五日都唔夠一個星期, 呢個星期後期應該仲會有野睇 ~

如果單講回鄉証﹐其實唐生已經「中伏」。

一國兩制﹐大家應該清楚明白﹐3位係非常清楚的。

中港澳3地﹐2個特別行政區(港澳)。3地的入境是獨立自主的﹐可以自己制定所有出政策﹐免簽証等﹐以至隨時拒絕一個人/一批人入境。
正因如此﹐回歸後港澳人都要用回鄉証﹐國內同胞仍舊要申請才可來港澳。

3地政府都是各有各審批﹐不能干預對方的決定。

唐話幫人爭取﹐但審批權不在港方﹐即係信口開河﹐因為唔可保證可取到證的﹐而責任上係要取到證才叫完成。
梁話幫人反映﹐完全正確﹐因為不能干預對方審批的﹐反映需要後便完成該次的責任﹐批唔批他便不用理。