港鐵或在今天傍晚(2012年3月26日)宣佈加價5%或以上

加埋今次, 已經貴過兩鐵合併前的票價了

原帖由 hklam 於 2012-3-26 22:38 發表
加埋今次, 已經貴過兩鐵合併前的票價了

上年就已經還原返合併前票價

原帖由 hklam 於 2012-3-26 22:38 發表
加埋今次, 已經貴過兩鐵合併前的票價了

仲可以預見以下情況：
1. 羅湖 <> 上水加到(可能超過)廿蚊
2. 大西北 - 九龍灣以東會加8毫或以上
3. 巿區線中距離$6.9等級加到$7.2!!

第3點反映以下情況：
a. A22 $7分段其實幾抵坐
b. 由於旺角去彩虹過$7, 黃大仙等最少要$5.8，9/2A/24/27等會有更多棒場客，1A會更爆。
c. 荔枝角 <> 觀塘巴士需求會更加大

其實佢話5.4%, 港鐵可否大幅度加一d 少人搭既路線
e.g. 屯門-> 羅湖 加至$80, 咁樣受影響既人最小,又可以「合符法例」地加價5.4%?
荃灣->沙田可加至$20

原帖由 ATR83 於 2012-3-26 21:19 發表
無錯,表面上港鐵有負債要透過加價向債主表明有還款能力,實際上佢既收入來源非常多
未計將來沙中線,西港島線車費及其上蓋物業潛在收入,數字上遠超過負債很多,還有巨額利潤

政府應該做是如何廢除"只加不減"機制,以行 ...

鄭汝華就話今年會檢討有關機制, 希望真係做到la....

其實一直都覺MTR呢d半政府半私人的機構就最惡ga la, 加價搵錢時就話自己
要同股東/銀行交代, 話自己係私人公司, 到起野加野就問政府撥款/資助, 話
自己係公營幫市民,食兩家茶禮 (呢d唔叫有站友講"2邊做人難"ar?!)

一般上市公司,仍然要自己承受其商業上之風險, 包括未必賺, 甚至蝕...但MTR
就唔同, 佢本身成立同運作, 都有政府同法律支持(包括政府的保鐵同資助政策,
仲用法律幫佢收埋地起新鐵路), 基本上年年一定包唔蝕, 係全無商業風險的情況下,
用D奇怪機制年年賺到盡, 仲用一般私人企業股東的思維去做, 咁世界上邊有咁著數的
生意ga, 呀,  香港咪有lor

我本身唔係反對鐵路運輸, 香港亦需要港鐵, 但都唔係咁ar....

[ 本帖最後由 3ASV196 於 2012-3-27 10:35 編輯 ]

原帖由 053h4 於 2012-3-27 10:45 發表
好似沙中線咁, 紅磡洗多數以十億計都要搬站搞同台換乘, 鑽石山列舉非常多工程難度出離, 整條有咁長得咁長的走廊, 重要非要起鑽石山起個停車場不可, 老實啊, 難聽d講, 咪又係霸地

紅磡站沒有同台換乘，係上下兩層來的。
至於將月台東移是否值得，我就唔評論。

鑽石山我都講過，以前留位係預地鐵直流車，
而家換成交流，條隧道直徑大，好多野都要改過。
地鐵至少有提過一張圖係預想跨月台轉乘，
佢地應該唔係冇諗過，但後來發覺唔得，
可能夾硬要跨月台轉乘，造價就要再推高，甚至可能係你肯畀錢佢都做唔到。

鑽石山廠的確係霸地，但而家唔成功，
佢地之所以咁順攤肯搬去紅磡貨場，我不排除係有人幕後發功。
聽我從事工程界的親戚講，未起地鐵時各地產商已經在鑽石山插晒旗，
港鐵這家後起地產公司想霸大磡村地起樓某程度上係挑機，
我真係唔信一個譚香文夠力將成個車廠推走。

又或者塊地結果唔起樓都未定，至少在港鐵立場，
佢要地大把其他地可以要（例如何文田已經係bonus左），
為霸鑽石山呢塊地而要成個project拖拖拉拉，
而搬去紅磡可以息事寧人的話，聰明的商人應該深明以退為進的道理。

紅磡站始終係自己地方，佢鍾意翻天覆地點搞都得，
鑽石山想做跨月台轉乘的話無可否認技術及執行難度比紅磡為高。
佢立心係乜野我就唔想估，但至少表面證供紅磡改站係易過鑽石山。



[ 本帖最後由 DIH 於 2012-3-27 21:35 編輯 ]