[鬥悲情]北區悲情過天水圍好多

原帖由 mckhgc 於 2012-4-7 11:12 發表
結果：北區勝
**************************************************************
大家又點睇，有冇補充？  

就當今日畀你證明到北區「悲情」過天水圍，咁又如何？「蝗蟲」依然存在，景點、酒店
唔會變到出黎，東鐵亦唔會一時三刻過到海，咁你係想其他人唔再「可憐」天水圍？定係
想佢地同樣以「悲情城市」去形容北區，等北區既人悲埋一份？香港人快樂指數已經唔算高，
下下仲悲前悲後，真係唔悲都變悲。

我既意思唔係話北區（其他區都係）唔需要解決眼前既問題，而係希望你（其實仲有
好多人都一樣）唔好下下都諗到呢個地方就黎死。有時怒一句半句大家都會，但如果
你腦海中經常怒呢樣果樣，例如日日搭東鐵都怒東鐵碌車，怒自己搭車搭得耐，怒
自己車費貴，怒部車好迫... 咁我諗你無論生活定工作都唔會過得愉快。

好似我做研究生果個學院，因為學校九龍塘本部冇位需要搬去科學園兩年幾，日日支出
多左唔少。膳食方面冇左學校飯堂，午膳選擇少左一大堆，連大家樂都要貴過出面，
想平少少一係親自行去中大，一係打去中大飯堂叫外賣，但外賣熱線態度差得要緊；
搭車方面搭 SP 車、搭九巴冇學生優惠，論方面同九龍塘坐擁兩鐵更加冇得比；如果要去
九龍塘上堂，果日隨時仲要坐多兩程車，幸好科學園有部免費車去九龍塘，但時間限死晒，
個別班次仲要鬥早排隊攞飛。相比之下，好左既地方就係周邊環境優美，員工態度友善，
廁所夠乾淨。基本上，周邊大部分人都好想快 d 返九龍塘，但家陣學校本部冇位都冇計，
唯一可以做只係做好自己。我住屯門無論返兩邊搭車閒閒地都要一個鐘，坐車、等車果陣
咪拎份 paper 出黎睇下，再唔係睇下新聞，疲倦既咪閉目養神，得閒既咪玩下遊戲輕鬆下，
總之大家每日擁有既時間都係一樣，差在我因為搭車比其他人多，分配方面有所不同，
但我肯定自己工作效率唔會低過其他人。

好似有部分人經歷過 repeat 中五、中七，出到黎社會覺得比人遲幾年賺錢，但邊個會
知道自己幾時 bye bye？如果你長命幾年，甚至更多，咁你今日認為輸蝕既地方，第日
都可以賺番。

總之呢個世界冇野係完美，若果你凡事都要從負面既角度去睇，你點都唔會搵到正面既訊息。

不過理性d睇
其實地理環境位置問題

新界東交通好難會好過新界西

因為新界西而家屯門同元朗、天水圍某程度上叫分開兩條路出九龍

而新界東，北區d車要過大埔，儲埋大埔d車一齊積落沙田，之後就靠沙田果幾條隧道/大埔道將成個新界東d人運出去

就算鐵路都系咁

而屯門就淨系西鐵d人要過元朗先出到九龍
主要用巴士出市區既屯門跟本唔會經過元朗
同樣，元朗巴士都唔會經過屯門

可見，其實假設大家道路上都無事發生既情況下
新界西會塞車既機率系應低於新界東

所謂悲情嘅地方中，真正悲情嘅其實只有樓主咁樣心態嘅人，
要求乜都一式一樣，個個從同一起跑線出發，唔係咁樣就係個天或某人虧欠自己。

差異係必然同不可逆轉嘅，亦係因有差異先會令世界進步。

[ 本帖最後由 epsilon 於 2012-4-12 00:26 編輯 ]

原帖由 fw1321 於 2012-4-11 22:36 發表

就當今日畀你證明到北區「悲情」過天水圍，咁又如何？「蝗蟲」依然存在，景點、酒店
唔會變到出黎，東鐵亦唔會一時三刻過到海，咁你係想其他人唔再「可憐」天水圍？定係
想佢地同樣以「悲情城市」去形容北區，等北區既人悲埋一份？ ...

所以就係話, 點解尖東站一定係俾東鐵線先係皇道, 係咪轉一轉車都要嗌生嗌死, 想一想, 現在將尖東站讓給西鐵線, 冇錯, 係會唔方便, 但過多幾年因應呢個改動, 你可以由上水坐東鐵線直達中環, 但別人西鐵線卻要在紅磡或者南昌轉車才可到中環, 咁又點睇.

北區付出$8.4就可以由上水去紅磡, 全長接近40公里, 但西鐵呢, 由屯門去紅磡有35.7公里, 收你$17.6, 咁又點睇.

如果真係呢幾年東鐵線冇左尖東站會死的話, 倒不如提議港鐵將東鐵線與西鐵線暫時合併, 一車由羅湖/落馬州去屯門好不好, 不過咁喎, 要接受到東鐵由12卡變成7卡才可以囉.

年多前小弟仍在東涌逸東邨返工, 很多人都說呢條邨係悲中之悲, 連原來說好了的港鐵站也胎死腹中, 唔會再有希望, 但很多逸東邨居民都抱著一個心態, 係東涌以至大嶼山的環境, 比起市區都好, 住在入面身心都舒暢D.

似乎十年前巴士迷的「食柴論」又返黎了~~~

[ 本帖最後由 gordon 於 2012-4-12 08:14 編輯 ]

不如開7卡車行沙田至荃灣西，前題係信號系統要改，加上荃灣西側線改為正式月台。

原帖由 gordon 於 2012-4-12 08:06 發表
但過多幾年因應呢個改動, 你可以由上水坐東鐵線直達中環, 但別人西鐵線卻要在紅磡或 ...

邏輯上，我並不認同過多幾年有奬，現今就可以妥協　呢種說法。

原帖由 mckhgc 於 2012-4-11 18:24 發表
事實係尖東站動工興建時(2001年)已打算畀西鐵，這點是肯定的事實.

補充：
2000年10月，行政長官會同行政會議批准興建尖沙咀支線 (註: 並非九龍南線)
由此可見，尖沙咀支線的設計圖是2000年10月之前做好, 即介乎1994年《鐵路發展策略》及2000年《鐵路發展策略2000》之間設計
當時仲未有具體的九龍南線(尖東站以西 -西九龍站)設計

呢5年多時間，尖東站是根據咩情況而設計呢？
咁大家睇睇尖沙咀支線的交叉渡線 (即讓總站列車開出換線的道岔)就只有一組；
即尖東站以東的一組，正好給予東鐵線列車用作尖東站為終點往返，
另邊廂，尖沙咀支線在紅磡站場以南並沒有交叉渡線 (事實上有足夠空間設計)，
顯然設計尖沙咀支線和尖東站時並沒有考慮西鐵列車以紅磡為終點的構想。

通識：
總站的交叉渡線按常理都是靠在總站的一方 (正好靠在尖沙咀支線(東鐵綫)尖東站的一方)；
而不會靠在中途站的一方 (現在卻反常地靠在九龍南線(西鐵綫)尖東站的一方)
這設計是station block做到最短讓容納更多列車，以及令列車更快駛離station block加快總站的列車周轉時間。
當然幸好紅磡-尖東距離不算長，西鐵列車才方能在尖東站換線而又暫時不甚影響班次。



[ 本帖最後由 barking 於 2012-4-12 13:45 編輯 ]

1975年之前，東鐵直達尖沙咀添
果陣新界西出市區咪仲慘

原帖由 barking 於 2012-4-12 12:13 發表



邏輯上，我並不認同過多幾年有奬，現今就可以妥協　呢種說法。

其實，拎七年後(可能)既沙中線、東鐵過海黎講，根本係完全唔合理
而家大家都冇鐵路過海，係點呢？

1.搭鐵路過海：
西鐵人只要最少轉一次車就過到，仲要三個轉車站揀，又或者可以免轉車去尖東，轉平價既天星小輪(「湊巧地」，尖東站最近碼頭既L6出口，又係尖東歸西後才啟用)。

東鐵人就點都要轉最少兩次(除左有尖東站作雪中送炭o個幾年)。

2.搭巴士過海：
西鐵人最少轉一次車都嫌煩嗎？仲有大量全日96x系西隧巴士選擇，平快正(雙層巴士行一轉西隧加欖隧，要$243隧道費，但96x系西隧線平均每公里車費，係平過好多紅隧線)，即使最「悲情」既天北都有條全日既967，全部一出區即上highway飛過海。

東鐵人有乜呢？只有大埔既307、馬鞍山既681係比較似樣。170,182,680 又貴又慢不知所謂，北區只得繁時有。就算該區掛名上有，區內有D孤島公屋係乜都冇。
-------------------------------------------------------------------------------------------------------------------
退一萬步來說，東鐵真係過海了，咁又點？一D東鐵馬鐵都唔到既孤島公屋，點算(已經唔計私樓居屋，o個D我當佢買/租得即係接受，但公屋冇得揀，係最無辜)？當年馬鐵通車，呢類地方已經方便無份，僅有既巴士削班就全中，沙中線開埋會點呢？這裡可沒有那些飽受西鐵人討厭、「麻麻煩煩費時失事」的輕鐵K巴免費駁腳啊(除左大埔三寶)！繼美田後、乜水泉澳、火炭北，又話起公屋喎。

最重要既，係即使東鐵過海，不會對西鐵人帶來任何不便或影嚮，但以往每次路線改動：觀塘線兩削過海、尖東歸西，就明顯每次都係拎東鐵人黎開刀。

都仲未計你西鐵九龍南線急急腳仆到咁去起，最終如期落成。沙中線呢？02年話最快08，04年話最遲11，期間仲無辜辜做左最少兩次「 人質」(一次為高鐵，一次為港珠澳大橋)，結果而家12年仲未落成，呀唔係，係未動工！

拎著一張已狼來了N次，02年到而家成十年都仲吹緊水既空頭支票，就可以彌補種種對新界東/北既欺壓剝削？？講得出既人應該都係三無人士：無腦，無品，無恥。

話時話，到東鐵過海後，唔知某D人又會唔會不滿東鐵過海免轉車，佢地就最少要轉車一次，係對佢地「唔公平」呢？如有，學下佢地咁「懷舊」，拎尖東歸西後、東鐵過海前既惡劣情況黎講，唔知某D人又會點呢？

[ 本帖最後由 mckhgc 於 2012-4-12 18:40 編輯 ]

北區同西北都好過長洲吖! 連巴士小巴的士都冇啊!出去要行山先到碼頭，船又貴又耐喎