其實香港人點解接受唔到疏車的定時定點班次?

畀兩張相大家睇下。

此站頭有很多巴士線停靠：


此站頭只有少量線停靠，有兩條車海線：


兩個站都在九州博多駅外。
以日本標準而言，福岡係巴士相當發達的城市，
路線眾多（例如由博多駅去愛宕渡船場，有五條取道及時間相若的路線），
路面交通也很繁忙，有時巴士都不能準時埋站，
而佢地係落車畀錢，司機同其他乘客都好耐心等人唱散銀再執返車資，
淨係停一個大站已經可以打亂晒時間表。
於是人地就有呢樣野（其實我只見過博多站有），
講的唔係架車幾點到，而係重有幾個站到，咁你可以自己因時間。
城巴已經做到GPS報站，唔好同我講有技術問題。

例如，72A/73A/74A、10/15A等等，都可以用預報到站。
唔使全程裝，只需在重點車站，尤其是這些路線的獨市位裝到站預示。
我覺得唔會因時間太長而趕客，要趕的已經畀你趕走，
當你做返個display，人地因到時間，可能吸到生客都唔定。

例如Megabox穿梭巴都好多人等，可能等15分鐘搭5分鐘，
計埋由他區搭地鐵到九龍灣，實際用的時間可能同搭15A差唔多甚至更多，
但就因為「巴士的不確定性太高」而令所有人繼續搭地鐵同穿梭巴。

最主要係，巴士公司要送個「安心」畀人。

[ 本帖最後由 DIH 於 2012-4-21 17:19 編輯 ]

時間表寫5-39分鐘一班車
你覺得會唔會係我地接受唔到疏車班次?

原帖由 kay 於 2012-4-21 14:47 發表

有2個case已經唔得
1.趕時間
2.開車時間唔夾，去目的地一係早到無人有一係遲晒大到

我見唔少人都好抗拒呢D超疏車線
除非真係唔趕時間，咁岩駛埋黎，願者上釣
或者收工時間得巴士上到其他工具上唔到先叫有客

73我平日日 ...

D 線要做到30分鐘一班, 你估想架咩? 原因可能係:
1. 本來就唔夠客, 如嶼南地區 (除的士外無對手);  
2. 有其他對手, 如其他密車路線, 小巴。

第1個情況比較易理解, 有多D 客就會開多D 車;
第2個情況就要視乎競爭, 包括收費/ 轉乘優惠等, 班次開幾密都係生意考量之一, 好難一概而論。但就算班次疏, 如果可以定點開車, 至少可以留住一班熟客。

原帖由 leochill 於 2012-4-21 18:09 發表

D 線要做到30分鐘一班, 你估想架咩? 原因可能係:
1. 本來就唔夠客, 如嶼南地區 (除的士外無對手);  
2. 有其他對手, 如其他密車路線, 小巴。

第1個情況比較易理解, 有多D 客就會開多D 車;
第2個情況就要視乎競爭 ...

我剩係知巴士公司好鐘意挑戰乘客對班次既底線

見住D路線，5-10=>10-12=>12-15=>15-20=>15-30
又唔係無客又keep住減

減完又想叫班客回心轉意，就叫乘客接受疏車線
唔係獨巿既，回心轉意既乘客真係好少

計得班次時間黎，已經可以行去D密車既公交點上車
唔係個個都會係屋企計完先會走人，有時突然間要去第二度

有好多我地認為可以做既野已經變相無用

呢個topic其實除左定點班次，疏車線都係一個問題
究竟疏車線班次係咪要封頂，例如區內15，跨區20，照顧下社區需要?

事實就係咁，蝕都要做，一係你唔做擺重組上RDP再慢慢講..

我返學搭94A, 我直情email問新巴攞開車時間預時間坐車

原帖由 DIH 於 2012-4-21 17:09 發表
城巴已經做到GPS報站，唔好同我講有技術問題。

據知城巴的市區版 GPS 並無 GPRS 功能，唔可以透過網絡實時傳送車輛位置返控制中心。

至於將來可唔可以透過巴士的 3G 設備做到實時傳送？咁就係另一個課題了。

原帖由 nwfb94A 於 2012-4-21 22:06 發表
我返學搭94A, 我直情email問新巴攞開車時間預時間坐車

無用，94A開車同派車日日都係海鮮價
你應該最清楚

仲有，除左預班次，仲要預某幾班車係單層，避之則吉

比我就疊埋心水坐94，或者行去香港仔等98
或者爭取91回程所有班次回程上利東，陰乾埋94回程

到時唔駛靠94A

原帖由 kay 於 2012-4-21 21:47 發表

呢個topic其實除左定點班次，疏車線都係一個問題
究竟疏車線班次係咪要封頂，例如區內15，跨區20，照顧下社區需要?

弊在有D跨區線（例如九巴73A呢D）開20真係唔夠客呢……

如果真係唔夠客，開30係可以接受，但係唔好整D 27-29俾乘客嘆。

原帖由 kay 於 2012-4-21 21:47 發表

呢個topic其實除左定點班次，疏車線都係一個問題
究竟疏車線班次係咪要封頂，例如區內15，跨區20，照顧下社區需要?

事實就係咁，蝕都要做，一係你唔做擺重組上RDP再慢慢講..  

又係一個好好嘅加價理由了...
如果一條線嘅班次係喺20-30分鐘之間爭持, 點解唔安排由綠小接手, 而要大巴公司夾硬去蝕呢?

原帖由 kay 於 2012-4-21 22:57 發表

無用，94A開車同派車日日都係海鮮價
你應該最清楚

仲有，除左預班次，仲要預某幾班車係單層，避之則吉

比我就疊埋心水坐94，或者行去香港仔等98
或者爭取91回程所有班次回程上利東，陰乾埋94回程

到時唔駛靠94A ...

單層固定左一班啫, 而且撞唔中往利東嘅上學高峰時間