其實香港人點解接受唔到疏車的定時定點班次?

原帖由 S3BL100 於 2012-4-21 23:25 發表


弊在有D跨區線（例如九巴73A呢D）開20真係唔夠客呢……

如果真係唔夠客，開30係可以接受，但係唔好整D 27-29俾乘客嘆。

其實係好睇你有冇心做...
城記新記部分路線都列出個時間表出黎(例如698R，好多站都有整)，比乘客知道時間，放便預幾點車

九記既做法其實係佢保守
因為佢驚跟唔到個時間表開車
(特別宜家收車咁勁，有時間表都冇用啦)
同埋驚比乘客投訴
(你知啦，有d香港人幾野蠻)

咁變左d疏車既線，咪搞到人地唔想等咁囉

原帖由 Daniel0510 於 2012-4-22 00:35 發表

其實係好睇你有冇心做...
城記新記部分路線都列出個時間表出黎(例如698R，好多站都有整)，比乘客知道時間，放便預幾點車

九記既做法其實係佢保守
因為佢驚跟唔到個時間表開車
(特別宜家收車咁勁，有時間表都冇用啦)
同埋驚 ...

作為一個服務提供者，佢冇信心提供到承諾的服務，於是將個承諾標準越降越低。
...ISO喎。

係有經營難處，但而家佢係將自己的經營不善（請唔夠人已經係不善），
轉嫁到乘客身上，多年下來好多客有得揀的都走晒，
剩低的都幾乎係基本盤，但個個都已經口黑面黑，畀人投訴係抵鬧架喎。

反之龍運睇落去做得幾好，車資、定線同班次有不少好過城巴。

[ 本帖最後由 DIH 於 2012-4-22 01:01 編輯 ]

原帖由 DIH 於 2012-4-21 17:09 發表
畀兩張相大家睇下。

此站頭有很多巴士線停靠：
199347

此站頭只有少量線停靠，有兩條車海線：
199348

兩個站都在九州博多駅外。
以日本標準而言，福岡係巴士相當發達的城市，
路線眾多（例如由博多駅去愛宕渡船場，有五條取道及 ...

新加坡都有類似的系統, 不過暫時只有在手機apps至睇到.

基本上apps預報同實際到站的差距好細, 仲會預報班車喺唔喺低地台...

原帖由 AA48@43A 於 2012-4-22 01:16 發表


新加坡都有類似的系統, 不過暫時只有在手機apps至睇到.

基本上apps預報同實際到站的差距好細, 仲會預報班車喺唔喺低地台...

南區開RDP, d議員已經講緊要新城做預報到站時間

原帖由 leochill 於 2012-4-21 23:36 發表

又係一個好好嘅加價理由了...
如果一條線嘅班次係喺20-30分鐘之間爭持, 點解唔安排由綠小接手, 而要大巴公司夾硬去蝕呢?

咁路線重組都係睇點樣平衡各區需要

另外我自己唔多信一D疏車線會係無錢賺
我見呢度都有人話14C係有錢賺個陣(雖然轉個頭就話要執笠)
真係好難講

倒返轉密DD車既流水線大上大落又可以做到無錢賺

好老實，搭得其他工具，例如小巴，再趕D搭的士，好多都貴過巴士
如果可以加少少價，但換到較密班次，我又覺得可以有得傾(大前提加完價都要係巴士最平)

雖然有D地方唔適用，例如北區大埔個帶搭巴士貴過搭鐵，仲要鐵快過巴士

原帖由 kay 於 2012-4-22 09:22 發表

咁路線重組都係睇點樣平衡各區需要

另外我自己唔多信一D疏車線會係無錢賺
我見呢度都有人話14C係有錢賺個陣(雖然轉個頭就話要執笠)
真係好難講

倒返轉密DD車既流水線大上大落又可以做到無錢賺

好老實，搭得其他工 ...

大埔區鐵路出市區時間上優勢個人覺得唔算明顯

原帖由 happykeroro 於 2012-4-21 17:24 發表
時間表寫5-39分鐘一班車
你覺得會唔會係我地接受唔到疏車班次?

其實好實在咁講,
而家D人係真係會覺得20分鐘一班車係好疏

我唔講話某公司做5-39,或者係27-29呢D騎呢班次,
當你準時20分一班時,
一樣唔少人會覺得疏

呢個係真係香港既文化問題

鐵路既,可能講緊3分鐘一班叫做合理,
好似西鐵果D如果係7分鐘一班,
D人已經講晒疏
巴士呢?
個個最好就諗住三幾分一班...

所以我先覺得,
有好多時,
要加一套硬件唔難,
但香港人要改變呢一種文化,
我諗真係要時間

原帖由 da93 於 2012-4-23 01:50 發表

其實好實在咁講,
而家D人係真係會覺得20分鐘一班車係好疏

我唔講話某公司做5-39,或者係27-29呢D騎呢班次,
當你準時20分一班時,
一樣唔少人會覺得疏

呢個係真係香港既文化問題

鐵路既,可能講緊3分鐘一班叫做合理, ...

其實乘客自己都有佢預算
10分鐘一班，當自己好彩，等5-8分鐘
之後20分鐘又加，30分再加

但係有時開20/30個陣
唔計總站，當係D中途站距離總站較遠地方

明明無送車尾，都要等好耐，等到同巴士班次表個時間一樣個陣
唔趕客就奇

而巴士公司又想keep住你地班客死等

如果比個客知道部車有排都唔黎，搵其他野搭
對巴士公司黎講只會得不償失..間接係個理由成日拒絕
但佢只會話其他問題唔會拎呢個問題出黎講

本人在英國讀學，舊年學校在東部，今年學校在西南部，又去過中部唔同地方遊河，見識過英國各大巴士公司運作方法
基本上除左倫敦之類既特大城市/地區，其他二三線城市就算係市中心
規模都只係好似香港西貢市中心、香港仔市中心、一個銅鑼灣咁上下大
(即使係銅鑼灣咁繁華，但"銅鑼灣"隔離即刻變晒域多利道、大埔公路呢類環境，唔係駁著隔離灣仔 / 北角)
通常最繁忙個幾條街會劃做巴士專線，其他車兜路行
(想象一下西貢褔民路、香港仔成都道、東勝道、成條怡和街同軒尼詩道變晒巴士專線，
只准巴士、的士、校巴停車，其他車要兜路或者只准前往該處先俾入)
所以尚算控制到各巴士路線行車時間


巴士路線一條線設幾個定時點，定時定點開車時間係非常準
而一般路線時間表都係預到岩岩好，計埋每日上下繁固定塞車時間後唔會俾多你，
部分地區更會有稽查定期捉打大/打細既司機，即係嚴打碌車搏踢 / 瘋狂飛站擾亂車序等混帳行為
例如隧巴 102號既話，將乳豬紙會寫清楚每日每班由美孚開幾點，幾點到長沙灣、幾點到旺角、幾點到維園之類，上下繁時段基本上會自動計埋紅隧塞車時間，老老實實咁寫清楚下繁由美孚開要約 100 分鐘咁上下先到筲箕灣
基本上時間會好準確，城巴快 d 九巴慢 d 都唔會相差幾多 (因為要對清楚時間開車)，
亦唔會有日光日白非繁時碌到差唔多兩粒鐘一單既驚人紀錄出黎


早到達定時點車站既話就成架車咁停係度熄燈熄偈，然後個司機落車食枝煙或買杯野飲等夠鐘 (乘客可以留係車上)
另外，又因為巴士總站通常都唔係市中心，所以為安全同節省資源計，換更會都係市中心 d 巴士站做
(想象下即係每日會有大量巴士係維園 / 彌敦道 / 觀塘道埋站熄偈然後等下更司機接手)
不過係定時點以外既車站話，架巴士 +/- 5分鐘埋站係非常普遍，好多時架車順燈/司機飛車既話，
好多時比顯示屏所寫既時間早三幾分鐘已經走左，又或者寫完到站之後成分鐘開始轉頁寫下一班車時該班車先到，
(估計部分地區應該係用 GPS 計到站時間，但相信大部分地區只係入晒 d 定時點開車時間落電腦，
推算定時點之間既倒站時間，到咁上下就會整個倒數時間出黎俾人睇)


外國呢一套運作方法要講利弊的話，可以話有得必有失，
開車時間固定左，方便左等車既客，但同時一定預見到座上客既微言
個人覺得香港唔少人成日抱博彩心態搭車，成日都預到 d 時間僅僅夠，博一落樓架車就黎，
或者就算等得耐，司機都會飛車幫佢追翻 d 時間翻黎
外國咁樣整法，唔單止令收車低過香港 (一早寫著幾時幾分要開，無得收車 )
班次準時率全年都有 95% 以上，每個月都好自豪咁係官網列晒 d 數字出黎
(除左落雪個一兩個月會得翻 60-70%，本人同學就不慎試過係雪地等一架 30分鐘一班既巴士等左個半鐘都未有車，只好花錢搭的士，好彩只係一公里咁上下距離......)
但外國梗左一程車係咁上下時間，雖然英國 d 巴士公司度縮程度不亞於香港，行車時間計到岩岩好，
唔少路線中途係一定要係青公之類環境以 70kph 以上行駛 (係英國巴士可以合法) 先行得切，但飛得太快始終要係定線點等翻夠鐘先開
想象一下，某個住小西灣既人成日都遲出門口，但一心諗著 通常 8P 唔使等，呢個鐘數又 通常 有車手飛車，
但點知渣得快得濟，最後要係維園擺翻三幾分鐘等夠先繼續開車，開車個刻以為趕到，最終始終係遲到
唯一可取既係有時間表係手，打電話同人道歉時可以預計自己確實既到站時間，等對方有得預算


外國(英國)整呢樣野既另一原因其實係替代品少
香港地搭巴士來回兩個地方，如果唔計車費 (即係等唔切一程過會唔介意轉車咁轉) 去好多地方都閒閒地有十種八種選擇
唔搭巴士都有隨處可截既的士、小巴、地鐵、火車，唔似得英國除左市中心之外度度都好似埔公沿線咁
唔寫清楚幾點有車黎同埋固定唔收車既話，真係累人係荒山野嶺俾人打劫 / 凍死都有機會
(九巴 51、53、94 之類就算收車，大家都重有機會係沿線揮手截到的士或者打到電話求救，
係英國相若環境下，分分鐘係巴士站連電話都收唔到訊號，真係叫天不應叫地不聞)
因為地方實在太大，資訊 / 科技唔充足 (好多有人住既地區係收唔到無線電話，更莫講上網)，
有必要將生活整到咁有規律，去到邊都睇時間表做人
香港人生活彈性 (尤其市區)，但巴士公司出車竟然俾市民生活更加彈性，呢樣先係問題；
齊頭班次最主要目的係方便乘客預算 (唔係依賴)，例如 20 分鐘一班既線因著唔同交通環境下，
係中途站基本上一定會變成 15-25分鐘一班，如果有人固執到對錶計盡 20分鐘先行去車站，真係走左車都無得怨
而家香港巴士公司問題係本身都寫 d  15-25 分鐘一班更誇張既範圍出黎，計埋碌車/順燈即係 10-30分鐘一班
咁走左車應該等 10 定 30分鐘好？個班次誤差範圍分分鐘重大過車程時間，加上隨時連車都無開，呢樣野最令人氣結


所以香港巴士要改革既首先應該係所有無乜替代品既地區 (通常為郊區線)，呢 d 地區環境同外國接近，整定時同定點班次對大家都有幫助
例如九巴 51 53 新巴 63 呢類線加多個班次預算顯示屏同詳細少少既豬紙 (新巴 63 已經算好，但再進步多 d 既大可以寫埋預算幾耐到某 d 大站)，
已經貼心好多，半個鐘一班係就係疏但未見得太趕客，起碼寫清楚等人有個預算，唔使戰戰競競係車站呆等，蝕埋等車個段時間俾巴士公司


但市區巴士站要改善係應該從本身開車時間方面入手，疏車線的話執靚班次同加少少行車時間資訊已經夠，
再加額外資訊對一般乘客黎講都多餘，係等既話就疏都會等，只係有得預算架車幾點黎，對生活彈性既香港人心裡一定舒服得多，
再加資源寫到明幾點幾分到咩站，都唔會吸到多少新客，分分鐘有反效果


例如九巴 74A
係埔公沿線 set 寫一兩個定時點同埋到站倒數顯示屏，至少會俾到等車客一個預算，
唔使傻更更係巴士站日曬雨淋；如果話驚老實講俾人聽要成五個幾字先有車會令佢轉搭小巴，
咁而家班人走左車之後一行去望張豬紙都一樣會轉軑搭第二樣，實在毋須考慮呢少數乘客而減慢郊區巴士服務進步
但係去到觀塘市區，都重係個個站整個 mon 講倒數下一架 74A 到站時間，盞係 show 爆 mon 寫著同站隔離
下十幾班 74X 到站時間先夾雜著一行寫 74A，
整黎都唔會有人睇，而且同一個 mon 寫滿晒其他車都未寫 74A 幾點有車盞只會令人更加氣憤，而且有頻密既 74X 做替代品，同一班客一黎會用腳表態搭 74X，二黎呢班客車資一樣直入同一公司袋，整得太詳細實在徙資源，
係個站寫清楚由觀塘每個鐘頭幾多分開，大約幾分鐘到九龍灣、新浦崗之類已經夠，等一般人大約估到幾耐等車，可以善用等車時間

[ 本帖最後由 HW8373 於 2012-4-23 00:27 編輯 ]