我們未來的鐵路

本人都比較支持東鐵過海, 而且這點大家應最少以整個新界東+深圳南作考慮.

若靠馬鐵過海的話, 香港新界就只有沙田區馬鞍山及城門河以東一帶的居民受惠, 沙田區城門河以西,大埔區及北區+深圳羅湖區及福田區往來香港的人流就完全無法受惠其往來港島的便利. 而且香港市區乘客也有很多方法過海, 不一定乘鐵路. 還有, 深圳市民在2015年後也可使用高鐵往來香港市區, 不用擠東鐵. 東鐵過海增加的客流, 可因高鐵通車而減輕一部分. 故此東鐵過海效率遠比馬鐵過海高.

原帖由 hkth 於 2012-5-16 08:04 發表
本人都比較支持東鐵過海, 而且這點大家應最少以整個新界東+深圳南作考慮.

若靠馬鐵過海的話, 香港新界就只有沙田區馬鞍山及城門河以東一帶的居民受惠, 沙田區城門河以西,大埔區及北區+深圳羅湖區及福田區往來香港 ...

好簡單，我前面都有講過，如果係馬鐵過海，就會係8卡車過海而唔係9卡。

註：如果東鐵而家係一小時24班，減卡後，每小時開32班就剛剛好。
另外，想當然地，新車應該會有加大容量的措施，例如增加水塘位。

所以我不反對東鐵過海，只要佢地真係開得出咁多班車。

關於東鐵過海前後班次
港鐵官方講法是由現時一小時20班增加到27班
以車卡數目計算，每小時由240卡微升到243卡
http://www.mtr-shatincentrallink.hk/tc/project-details/benefit.html


[ 本帖最後由 K仔 於 2012-5-16 09:19 編輯 ]

原帖由 jpoon 於 2012-5-16 03:22 發表

係咪真係受惠？冇錯東鐵過海會令現時搭東鐵既人轉少一次車，但減卡又會令車箱更擠迫，甚至可能要等多幾班車先上到
咁既話馬鐵過海可能仲好

馬鐵過海,情況會更惡劣,
因為馬鐵都係得八卡,
運載能力更低.

原帖由 hkth 於 2012-5-11 08:00 發表
有新消息: 今天(2012年5月11日)的就提出繼現有新界西的三大鐵路外的第二階段諮詢, 主要是港島區的.

未來鐵路樽頸 料港島重災
研建北角至中環北綫 南港島西段

--不過港島北線怎樣定線興建就有點難. ...

無追呢個post一輪，但睇完認真失望…
究竟成個會有多少個階段？就只得呢個階段？


第一，咁如果我想提出東九龍線等等咁嘅建議，是否不在此次諮詢目的之內？而家唔預先規劃等幾時？反而條感覺係聊勝於無嘅屯荃鐵路就有份，點解？
第二，南北線呢？呢條線響2020年過海後客量只會升不會跌，條線承受的運輸壓力將會係史無前例地大，相信2020後很短時間就會飽和，分流方案呢？
第三甚至又西部深港城際線(前海灣<>新界西北部/香港國際機場) 同穗莞深城際軌道交通(廣州<>東莞<>深圳機場站<>福田站)嘅分工、分流呢？細心睇兩條線其實有某程度上嘅重覆，佢/佢哋要點樣接落泥香港又係咪有討論空間去傾呢？當局其實有無考慮個兩線角色同發展呢？又無得發表？


同埋前面都有板友講過嘅，跨區項目同分流項目，有乜理由要分開諮詢呢？
呢份諮詢認真唔合格，政府洗左果幾十萬顧問費去''檢討''，到底架顧問公司做過乜泥呢？

[ 本帖最後由 93A_S3_6:30am 於 2012-5-16 13:18 編輯 ]

原帖由 K仔 於 2012-5-16 09:16 發表
關於東鐵過海前後班次
港鐵官方講法是由現時一小時20班增加到27班
以車卡數目計算，每小時由240卡微升到243卡
http://www.mtr-shatincentrallink.hk/tc/project-details/benefit.html
http://www.mtr-shatincentrallin ...

記住唔好睇漏佢寫既約字...

即係呢3卡隨時可被抵銷...

而且全世界人都了解而家行緊24班既時候點解佢會話約20班?

原帖由 張偉沖 於 2012-5-16 09:30 發表


馬鐵過海,情況會更惡劣,
因為馬鐵都係得八卡,
運載能力更低.

仍然係果句,
八卡後既馬鐵,
一日講緊平均載客量有幾多?
剩餘既運載空間有幾多?

原帖由 93A_S3_6:30am 於 2012-5-16 12:48 發表
第一，咁如果我想提出東九龍線等等咁嘅建議，是否不在此次諮詢目的之內？而家唔預先規劃等幾時？反而條感覺係聊勝於無嘅屯荃鐵路就有份，點解？
第二，南北線呢？呢條線響2020年過海後客量只會升不會跌，條線承受的運輸壓力將會係史無前例地大，相信2020後很短時間就會飽和，分流方案呢？
第三甚至又穗莞深城際軌道交通 港深機場鐵路 呢？呢條線會否駁落泥香港或者要點駁又係咪有討論空間呢？又無得發表？

1. 東九龍線係指沙中線鑽石山至紅磡段，我估你係想講東西九龍線。我都係嗰句，第二階段都未開始做研究，政府目前點拎得出一條東西九龍線同你介紹？我諗都係放長雙眼，睇吓今年年底第二階段諮詢有無呢條線啦。至於屯荃鐵路，放入諮詢唔代表政府提議起嘅，如果有細心睇諮詢文件，都會知道政府傾向唔起。

2. 不作評論。不過如果你認為需要新南北線，可以照樣向政府提議，唔需要被諮詢框架嗰三條線限制住嘅，理論上新南北線都算「大型跨區鐵路走廊」呀。

3. 穗莞深城際軌道進港、港深機場鐵路，就係而家諮詢緊嘅「港深西部快速軌道」囉。

見閣下改咗文，我再覆一次：

第三甚至又西部深港城際線(前海灣<>新界西北部/香港國際機場) 同穗莞深城際軌道交通(廣州<>東莞<>深圳機場站<>福田站)嘅分工、分流呢？細心睇兩條線其實有某程度上嘅重覆，佢/佢哋要點樣接落泥香港又係咪有討論空間去傾呢？當局其實有無考慮個兩線角色同發展呢？又無得發表？

首先穗莞深呢條線已經縮短到深圳機場（遠期前海灣），入福田一段係由深圳地鐵11號線負責。某程度上呢條線係廣州、東莞、深圳嘅內部事務，無話過同香港有關，香港無需要就穗莞深/11號線進行諮詢。

如果話港深西部快速軌道同穗莞深/11號線有重覆，呢個就係有無需要興建港深西部快速軌道嘅問題。政府喺諮詢文件已經問及，你認為港深西部快速軌道在甚麼情況下值得興建、主線及跨界支線應該如何規劃等等嘅問題，所以你提及嘅問題完全可以發表。

[ 本帖最後由 K仔 於 2012-5-16 13:45 編輯 ]

原帖由 K仔 於 2012-5-16 13:30 發表

1. 東九龍線係指沙中線鑽石山至紅磡段，我估你係想講東西九龍線。我都係嗰句，第二階段都未開始做研究，政府目前點拎得出一條東西九龍線同你介紹？我諗都係放長雙眼，睇吓今年年底第二階段諮詢有無呢條線啦。至於屯荃鐵路，放入 ...

唔使放長雙眼喇，請參看本文#183，hkth站友唔使等到年尾已經知。
您自己在#184都已經回應了。

我自己畀政府的建議，係唔會受甚麼階段甚麼範圍所限。
為公務員講返句公道話，佢地係任何意見都會接收的（只係接收），
不適用的會幫你轉介，而意見的內容或行文維持客觀理性便可，
唔使怕自己唔夠專業或者意見太冷門，所有意見價值相等。
如果係該次諮詢無包括的事項，佢地都會記錄在案。

亦都唔使特登等諮詢，平時都可以交意見，
只不過唔似得開諮詢咁可以有系統大量收集意見。
另外又可以委託議員或自己直接交意見給區議會或立法會，迫政府思考及提供資料。
屯荃鐵路都係地區人士提議在先，所以才會包含在今次諮詢內。

[ 本帖最後由 DIH 於 2012-5-16 14:04 編輯 ]

原帖由 DIH 於 2012-5-16 13:56 發表

唔使放長雙眼喇，請參看本文#183，hkth站友唔使等到年尾已經知。
您自己在#184都已經回應了。

咁當然正如#183所提到，北港島線、南港島線（西段）、小西灣支線呢三個項目，政府明言會包括在第二階段之內

但係上面#225版友講緊東西九龍線（我假設係東西九龍線，應該唔會係指已經拍咗板嘅沙中線東九龍段）
東西九龍線包唔包喺第二階段入面，我哋唔知（因為政府無講），可能連政府都未知（因為未研究）
所以我先話放長雙眼