港鐵維修越黎越差是否與市民還是港鐵有關?

最近鐵記俾人踢爆

M-Train個窗甩在膠邊，C-Train個吊環跌左落黎，用膠紙痴番就算；C-Train誤差太大等等事故

其實呢D事係咪人太過鍾意「小事化大」(排除認知不足，因為唔係個個知D列車一直有咩問題)，定係鐵記維修越黎越差？

P.S.本文並非針對各大報章和市民

本人意見:
M-Train個窗甩在膠邊，C-Train個吊環跌左落黎，用膠紙痴番就算：係維修手工唔得

C-Train誤差太大：坐過C-Train都知咩事

哦是咁的,
M-Train個窗甩在膠邊LE就一定唔係維修引起,100%有人手多,不過整左出來LE有冇造安全問題,其實冇GE,只係唔美觀又肉酸,不過窗邊膠俾人整出來就唔單單係市區線列車係咁
得閒來轉西北地區看下D 3期輕鐵/4期輕鐵,耐唔耐LE,D窗邊膠就俾人整左出來或者唔見左GA啦
有人將某類小事化大咪算LO

至卡C車個吊環呀
架車用左一個月都冇
長客D車你話耐用我又唔係,
但跌吊環,龜龜深圳批車都係跌唔小啦,咁C車都一樣係同出一門

[ 本帖最後由 aaa839 於 2012-4-24 22:56 編輯 ]

其實以前點解會少呢類報導?
我肯定以前一定會有上述事件發生,
但當時科技無依家咁發達,D人無得即時影相放上網,
或者行過見到都不以為然,因為事不關己

但依家報章好多時都嘩眾取寵,小事化大,
係討論區、BLOG是但拎一張圖就可以成一單新聞,
本來一件好小既事,都變左好似好嚴重咁樣
另外一個因素係,港鐵近年加價,引起更多人不憤,
認為加價等於服務要提升,所以一見到好少既問題都會大事鋪張,
向傳媒間接講:服務水平達唔到佢地心目中既指標

輕輕講幾句

窗的膠邊﹐其實認真看便知道只是裝飾之用﹐唔會對安全有影響。不過﹐如果真係易甩出﹐易鬆脫的﹐係唔係應該用更穩回的物料/方法去固定條膠邊﹐甚至係整走條膠邊無眼屎乾淨?

用膠紙去處理﹐你估大家又會點去估? 係唔係太過兒戲?  給人一個唔安全的感覺?
看過相片的﹐都甩出唔少部份﹐用膠紙都幾多﹐係要臨時處理﹐倒不如成條拆出來﹐收車後再處理。


C車的吊環
平心而論﹐有時吊環都會有個別品質問題﹐我相信只是個別事件。其實M車都有發生過﹐也有人在此講過﹐日日有大量人使用﹐有一定損耗的﹐但是又難以去檢查﹐只要不是經常發生甩吊環便合格。

但同場加映﹐扶手柱要用膠紙﹐有點離譜。(我唔知係有乘客手多﹐定係條柱真係有問題啦)



REF:
甩吊環 + 扶手柱
http://hk.apple.nextmedia.com/te ... amp;art_id=16261962

甩膠邊及停車位置欠佳
http://hk.apple.nextmedia.com/te ... amp;art_id=16276410

原帖由 kei_hk 於 2012-4-25 10:48 發表
平心而論﹐有時吊環都會有個別品質問題﹐我相信只是個別事件。其實M車都有發生過﹐也有人在此講過﹐日日有大量人使用﹐有一定損耗的﹐但是又難以去檢查﹐只要不是經常發生甩吊環便合格。

直言, 其實你好似講左等於無講過野咁, "吊環個別品質問題", "只是個別事件",
但"日日有大量人使用﹐有一定損耗的", "只要不是經常發生甩吊環便合格",
咁其實即係點? 點叫"不是經常發生"?

膠邊一d可以唔理, 但吊環及扶手, 呢d係乘客最基本係車廂穩定身體的用具, 係
行車時乘客安全措施之一, 而甩吊環本身是會有高處跌下的危險, 本身MTR的
吊環又有金屬部分, 就算膠位都係硬的, (唔似部分有d吊環係軟膠等), 本身根本
係危險的事, 呢d事一宗我都覺得多.....

無論突然甩吊環係令乘客跌倒, 或跌落黎傷到乘客, 都可以引至較嚴重受傷

本身吊環設計及製造, 都會預左日日有大量人使用, (你整出黎唔預人扶ga 咩),
而品質亦應該是每一個都確定, 而港鐵亦有責任去清楚檢查 (其實咩叫難以去
檢查? 吊環都叫難檢查, 咁列車的機械/訊號系統咪仲難?)

呢d都唔係解釋原因, 或藉口

你話膠紙唔美觀/故障有誤點, 唔涉及安全的, 我都唔會咁緊張, 但當涉及安全設備
及乘客安全問題, 又點可能算"合格"?

[ 本帖最後由 3ASV196 於 2012-4-25 11:24 編輯 ]

或者我講清楚一點

吊環生產時真係會有暗病﹐好視乎生產商自然的檢查。

在安裝上列車之後﹐我也相信mtr都會作出檢查。如果品質無問題﹐或者無刻意去做超負荷的測試(即故意用超出設計水平的負重測試)﹐理應唔會有問題。

而吊環真係出問題﹐事實上真係極少發生﹐所以我相信今次c-車甩吊環﹐只屬一件個別事件。除非有資料顯示成批吊環品質有問題﹐或已mtr本身已經發現有問題已經處理補救過。

而我上面所講的扶手柱﹐唔知係乘客手多定係mtr員工做﹐如果係後者﹐mtr的確係好有問題。

原帖由 3ASV196 於 2012-4-25 11:06 發表


直言, 其實你好似講左等於無講過野咁, "吊環個別品質問題", "只是個別事件",
但"日日有大量人使用﹐有一定損耗的", "只要不是經常發生甩吊環便合格",
咁其實即係點? 點叫"不是經常發生"?

膠邊一d可以唔理, 但吊環 ...

可能港鐵要好似巴士公司咁要安排D駐站工程部去做D小修(換光管, 扶手等等)!! 咁大抽車無理由因為一個扶手環而port車返廠!!

爛GAG一個: 啲車一返黎, 車底仲熱, 我哋無時間攤凍黎做, 扶手環, 膠邊呢啲唔熱嘅咪慢慢去搞囉!

原帖由 kei_hk 於 25-4-2012 10:48 發表
輕輕講幾句

窗的膠邊﹐其實認真看便知道只是裝飾之用﹐唔會對安全有影響。不過﹐如果真係易甩出﹐易鬆脫的﹐係唔係應該用更穩回的物料/方法去固定條膠邊﹐甚至係整走條膠邊無眼屎乾淨?

用膠紙去處理﹐你估大家又會點去估? 係唔係 ...

會唔會係有人見到甩膠邊，驚出事，用自己帶既膠紙搞住先，因為鐵記應該見到就收車，而且鐵記應該唔會今痴上去。

其實K-Train扶手柱果度唔涉及安全問題,
只係遮住鏍絲位的金屬遮蓋鬆左,
扶手柱唔會因為咁而鬆脫.