已經有東鐵線站八達通查閱機換做前地鐵線站o個款彩mon機

粉嶺站美心MX門口外面部八達通查閱機已經換左做前地鐵線站o個款藍色機面、彩色mon o既八達通查閱機
不過個界面就用左前九鐵新站o個款機o既新白底黑字介面 感覺好怪
唔知仲有邊個東鐵線站o既舊機都換左呢？

最好連輕鐵站都轉埋

原帖由 ate_58x 於 2012-4-28 00:56 發表
最好連輕鐵站都轉埋

輕鐵果款長期日曬雨淋，換做彩mon暴曬時都未必清，剩係換個玻璃面已經幫到唔少！

換左好耐啦

原帖由 ktw1391 於 2012-4-28 19:05 發表
換左好耐啦

幾耐之前o既事？
我見火炭站聖安娜門口出面o個部仲係舊款...

原帖由 toyl 於 2012-4-28 10:30 AM 發表
輕鐵果款長期日曬雨淋，換做彩mon暴曬時都未必清，剩係換個玻璃面已經幫到唔少！

用 dot-mix(點陣式)﹐本身的點又唔會發光﹐靠塊display前面一塊發光面版提供光源﹐根本係有一定局限性。

無奈的只是當年(90年代中後﹐八仔開發年代)只有這些穩定兼可靠﹐成本唔高的技術﹐所以便大量使用。


這一個設計﹐塊display本身係唔識發光的﹐所以在光源充足下係唔會有大問題。但在天色昏暗﹐便會看不到這塊display了﹐所以便要靠display前面的一塊發光板(即係g-shock 手錶的一類發光兼透明板)﹐提供光源以供大家看到display的內容。

當然﹐新機係無問題啦。但用了一段時間﹐唔計外殼有「花」影響﹐塊發光板都會用得耐﹐發光組件老化﹐甚至連中間塊透明膠老化﹐令到這個"外來"光源出問題﹐一係太暗﹐一係望唔穿﹐令到大家難以觀察display。

而且﹐又有一個古怪問題﹐加了發光面板係會局限了可視角度﹐一旦角度唔理想﹐便可以令到你乜都看不到。

而塊黑白display 老化﹐部機入塵﹐都有一定影響。
而最大問題﹐要更換都開始有問題﹐零件組件已經 out 晒﹐未必有新貨可供應。


所以﹐除了mtr外﹐九巴都已經著手更新八仔機﹐採用LCD顯示屏﹐可顯示彩色資料﹐DISPLAY 比以前大﹐效果良好﹐已見不少屬於九龍灣車廠的巴士已經換新機。

用LCD/LED顯示屏﹐有一個好處﹐便是Display 是本身發光的﹐光度足夠﹐可提供更佳的效果﹐近年成本又下降﹐是更新的好時機。
我留意到的﹐九巴新八仔機﹐個mon 係有感光的﹐會接環境的光暗去自動調整mon的光暗﹐以達至節能及增長mon的壽命。大可在日間坐巴士可留意﹐在天橋底/陰暗處停車﹐個mon會在幾秒後轉暗些少的﹐有大陽光的地方﹐又會自動加光﹐令到司機及乘客都可清晰看到內容。

[ 本帖最後由 kei_hk 於 2012-4-30 12:03 編輯 ]

LCD唔係自己發光，只係吸光，不過日常用緊嘅LCD，係背後有光源，光線經過LCD，吸光並形成影像，情況有D似廣告燈箱。

LED係自己發光，不過LED屏幕上，唔同顏色嘅LED，壽命會好唔同，用到後期會屏幕會變色。

最好用彩色LCD屏幕，又平又好用。