690由5月1日起調整班次

原帖由 ~誰@359~ 於 2012-5-2 23:59 發表
690走一單東隧要一百蚊，同樣係一百蚊，85B可以行六轉獅隧
690係過海線，分分鐘係大兩味，85B係唔係一更車？
咁樣計，690個成本係會高過85B

而且另一個問題係「中環」… ...

690 係大兩味，85B 理應係一更車，
但同時 690 服務時間比 85B 短一截，所以成本都係呢頭加o個頭減，
況且 690 紅假仲要出加三車，85B 全線加五。

另一件事係 690 每個客收緊 85B 兩倍幾車費，加上本身客較多，單係人頭費都收得多過 85B，
沙田大部份 $6.1 級別或以下既獅隧線其實客量都係一般（全日乘客量在 6,000 人或以下），
加上車程同普通長途線無分別，都係一個鐘一單，人流又單向，流水客又少，
根本係非常唔好做。

原帖由 93A_S3_6:30am 於 2012-5-2 23:36 發表
對於中段及假日改定點表示歡迎，番將軍澳方向未必幫到，但出港島就好有用喇

*Btw今次減班兩間公司有無cut車？定只係cut班次？

不過到今日為止九巴網都仲未更新時間表。

原帖由 3AV53 於 2012-5-3 00:47 發表
不過到今日為止九巴網都仲未更新時間表。

唔好講690，上星期中槍既93K同95都未更新

另，用時間表推斷，估計690可以減一正，同埋一正變蛇…

原帖由 3AV53 於 2012-5-2 00:58 發表
70沿線N樣替代品冇獨市位，又唔夠快，又唔夠平，
一啲優點都搵唔到，0競爭力可言，

690如果行山，寶達過海一定快過601，等埋車都係咁話，
再加寶達至金鐘以西係獨市
興田去北角至炮台山又係獨市，
而家啟田大大個地鐵站响隔離好方便，咪 ...

你唔鐘意聽 70 呀, 咁我拎條最類似既 E22B 黎講啦
開果陣一大村人話山上幾廿萬人, 獨市生意一程過, 一定夠撐條線
點知開咁耐霉咁耐, 就算加班都曇花一現, 冇耐又番減班, 還原基本步
幾廿萬人既獨市生意喎, 點解會發生D咁既事架? 條線係咪俾人落咗降頭?

原帖由 ~誰@359~ 於 2012-5-3 00:54 發表
唔好講690，上星期中槍既93K同95都未更新

另，用時間表推斷，估計690可以減一正，同埋一正變蛇…

690 今次肯定 cut 咗一正, 另外條蛇都好似俾人 cut 埋
紅日冇記錯就係行車 4 部, 同 692 睇齊

老實講, 而家已經要企, 唔加班反而減班, 擺明屈人搭港鐵(+小巴), 過份!

原帖由 superbus 於 2012-5-3 02:15 發表
你唔鐘意聽 70 呀, 咁我拎條最類似既 E22B 黎講啦
開果陣一大村人話山上幾廿萬人, 獨市生意一程過, 一定夠撐條線
點知開咁耐霉咁耐, 就算加班都曇花一現, 冇耐又番減班, 還原基本步
幾廿萬人既獨市生意喎, 點解會發 ...

稍為有點常識既人都知過海客同機場客既通勤模式完全唔同，港島多9－6既打工仔，返放工返放學基本上集中响一個時段，非繁時較少人，到夜晚或紅日就多左行街觀光客，你都會成日過海啦係咪？機場就廿四小時運作，廿四小時有人要返工搭機，冇一個好特定既繁時，就算去到夜晚11點，E線客運大樓一個站都夠坐滿窗口位，龍運線仲隨時坐到滿，後勤客要企。而且按地區特性，某啲地方過海線多客過機場線好多，反之亦言，例如102／112旺角客多過E21多多聲，另一邊廂A43客又遠高於373／A，619X四順打爆而E22B仲大把位，證明過海線同機場線既可比性係0，此其一。

同現E22P/E22B有幾分相似既N26機場方向去到四順已經冇晒窗口位，機場開既都坐得滿窗口位，點解會差咁遠？N26／E22B行得既地區都係草根地區，就算要入機場返工多數都係後勤藍領，N26一程去晒客運大樓同後勤，當然多人搭，而E22B要轉車先去到後勤區，除左去東涌／客運大樓返工搭機外，後勤區客搵駁腳落山轉全日線點都好過搭E22B之後入收費廣場食風轉車，起碼有位坐先，回程更加唔駛講，唔會有後勤區客冒走車既風險搭全日E去收費廣場轉，一定係搭番出市區先算，此其二。

E22B由開線到死既一刻都冇加過班，2班去2班回，就算E22P都冇加過班，
加既係E22B原有範圍既機場服務：翠林康盛變全日服務，四順秀茂坪就算由2班變6班再變3班，都起碼叫比起以前加左一班，除左馬遊塘冇左條線外，其餘E22B地區既機場服務都有所提升。並無所謂「就算加班都曇花一現, 冇耐又番減班, 還原基本步」，此其三。

[ 本帖最後由 3AV53 於 2012-5-3 10:26 編輯 ]

想問樓主究竟係九巴調整班次還是城巴調整班次?

(熟悉時間表的人就明點解會咁問)

原帖由 superbus 於 2012-5-3 02:18 發表
690 今次肯定 cut 咗一正, 另外條蛇都好似俾人 cut 埋
紅日冇記錯就係行車 4 部, 同 692 睇齊

即係五架車搞掂晒？但個時間表明明九記朝早要用六架車嫁喎…
又搵98A救命？

原帖由 3ASV174 於 2012-5-2 03:26 PM 發表

運輸署同巴士公司要取消一條路線既準則，根本就無係準則。
我唔睇故意造出偏頗數據既乘客百分比
（要取消就揀少人方向最少幾班車既客量，要加車就晒最多人幾班），
我睇實際全日平均乘客，實牙實齒，無得抵賴，
不如又一齊睇下今年 ...

TOTALLY AGREE!

之前九巴40號的事件有好多以下的意見

運署今年唔學新特首先生行鐵碗整治o既話.
我深信,最終受害o既一定係佔極大數o既香港巿民同埋狗仔記o既師傅們.

當時本人已指出:
TD整治的標準係乜?根本以長官意志去定線，而非主要的乘客需求(佢點聆聽居民聲音?)

同樣依家373下繁架車仲多人過373A早繁
只是一個中港融合就壓倒一切
因此個人反對TD鐵碗整治，要求自由市場主導

當然取消一條路線既準則要有彈性
例如:85、85B等可合併
但現時情況造成有客搭都要取消、劣線取代良線
極不可取

部分版友甚至認同造出偏頗數據既乘客百分比的行為
本人實在對九龍、新界的巴士發展前景感到擔憂