突發消息：黃埔花園總站站長與巴迷爭執，秩序混亂！

原帖由 simon12 於 2012-5-2 04:44 發表
成班爛仔同小學雞~
搭到咪搭咯~搭唔到係道大吵大鬧有咩意思~

那些所謂巴士迷~唔該自己反省下啦~

如果真係要反省, 佢地早就反省左啦,
由幾年前 70 取消到近年熱狗要 byebye,
差唔多條條線全冷都有呢 D 事發生, 見到只可以話 O 咀加無奈 ~

其他 o既我都唔知點講啦 ......

尋日我係黃埔影車, 同其中一位站長傾左陣, 佢只係用兩個字「可悲」形容尋日既事。十個有九個都指住佢鬧, 人地打份工姐, 唔駛咁過份下話。
我一直跟車到十字路口, 其中一位巴迷/巴敗開閃光燈影行家, 包括我在內, 依種行為實在匪夷所思...

我驚九記因此風波隨時提早空調化, 搞到你同我都冇得送別, 這樣何必呢?

原帖由 NE714@2A 於 2012-5-2 08:14 發表
尋日我係黃埔影車, 同其中一位站長傾左陣, 佢只係用兩個字「可悲」形容尋日既事。十個有九個都指住佢鬧, 人地打份工姐, 唔駛咁過份下話。
我一直跟車到十字路口, 其中一位巴迷/巴敗開閃光燈影行家, 包括我在內, 依種 ...

講真佢提早全冷,
真係無論對佢自己員工, 沿線居民, 乘客, 甚至所謂巴迷都有好處,
我唔會介意佢同我講今日就即時全冷旗下所有路線 ~

員工方面:
1) 絕對唔需要比個班暴民以粗口對待
2) 司機於工作壓力上會低返些小 (我諗唔會無啦啦又話要報警, 又話要投訴囉)

沿線居民:
1) 我諗嘈音呢下會即時改善 (眼見荃威, 黃埔兩個總站真係 ......)

乘客:
1) 中途站者真係會上到車 (而家成架熱狗真係同包車冇咩分別) ~

對班巴迷黎講:
1) 真係為左佢地安全著想 (之前就話有巴迷為影張相就比車撞)
2) 唔需要起條街丟自己假 (面係人地比,架係自己丟呢句野真係好岩比個班暴民)
3) 唔洗費時去追車

今時今日巴迷呢個 term 唔係臭, 而係更臭,
老老實實, 早日全冷早日落幕, 對大家其實都有好處 ~

唔講都唔知原來尋日發生過呢D咁0既事, 四個字形容 - 「香港之恥」
睇黎巴士公司唔單只要提早退熱狗, 仲要唔聲唔聲咁退, 根本呢班人, 講左咁多年, 俾人影左上網咁多年, 唔單只唔收斂, 仲愈來愈離譜過份, 已經冇得救.
真係唔係話乜野, 班人真係搞到呢種興趣0係其他市民心目中等同青山病人, 唔怪得愈來愈多人開始收收埋埋, 好似唔見得光咁, 真係難怪, 話就話自己興趣唔影響人光明磊落, 但係當呢D事不停咁發生0既時候, 真係唔到你唔感到恥辱, 蒙羞...
真係非常懷念當年...D人真係同今日完全兩回事...起碼0係D公開活動, 大家仍然可以走上司機位, 仍然可以隨意搞下牌, 都唔會有任何事發生, 大家撞口撞面, 就算唔識0既, 都可以一見如故, 談笑風生...依家......無話可說...

其實我覺得懷念為何總要在最後一刻才珍惜，好像中環舊天星碼頭將要拆卸時，我索性早兩、三個月拍攝便算；正如九巴的非空調巴士、AM，我也是在以前見到就影便算，所以有不少到了退役也未影到。

回想到以前未有甚麼「保育」，在《從1967開始》、《新聞檔案》等節目看過於1970年代末期開始中環有不少戰前建築要拆卸重建，例如：香港會、舊郵政總局等，但是除了舊匯豐銀行大廈外，其餘在拆卸前完全沒有很多人提出要保留，即使到了1980年代及之後如太古大廈、舊渣打銀行大廈、龍子行、萬宜大廈等拆卸前也沒有很多人留意。

直至近幾年在香港就突然出現了所謂「保育」，再加上愈來愈多比較激進的人士，結果便有天星碼頭、皇后碼頭事件的發生；另外今天看到報章提及警方流傳的「示威人士黑名單」，可見近年來香港人的怨氣有多深：
http://hk.apple.nextmedia.com/te ... amp;art_id=16300377

[ 本帖最後由 hkaiw 於 2012-5-2 09:18 編輯 ]

香討已有人踢爆戴帽男為香討版友busman 173，
但真身底仍未起到。

原帖由 hkaiw 於 2012-5-2 09:10 發表
其實我覺得懷念為何總要在最後一刻才珍惜，好像中環舊天星碼頭將要拆卸時，我索性早兩、三個月拍攝便算；正如九巴的非空調巴士、AM，我也是在以前見到就影便算，所以有不少到了退役也未影到。

回想到以前未有甚麼「保育」，在《 ...

其實唔同年代, 唔同社會情況又好難講, 以前經濟剛剛起飛, 急速發展, 市民都希望個社會進步發達, 所以保育意識薄弱, 不過最為人所知0既就係尖沙咀火車站, 當年嘈到去英女皇, 但可惜最後都難逃清拆命運.  而到左今日呢個年代, 好多舊有建築拆得就拆, 所餘無幾, 而且整個社會比那個年代進步左, 市民0既保育意識開始強烈!
其實佢地呢班人, 多數都係為左柴娃娃趁熱鬧去迫埋一份, 多過真係為坐熱狗而去囉...

原帖由 大班神經漢 於 2012-5-2 09:44 發表


其實唔同年代, 唔同社會情況又好難講, 以前經濟剛剛起飛, 急速發展, 市民都希望個社會進步發達, 所以保育意識薄弱, 不過最為人所知0既就係尖沙咀火車站, 當年嘈到去英女皇, 但可惜最後都難逃清拆命運.  而到左今日 ...

所以根本去講，班人都不明白真正意義係乜，為搭而迫，
冇禮貌呢家野唔係今日既事，在此唔多講，一陣又有人話正義之士，
慳返啖氣好過

尋晚單野搞到咁，俾我係巴士公司，未來幾星期就有更大條道理收熱狗，免得影響行車安全

原帖由 sam745522 於 2012-5-1 06:35 發表
唔比人上車...(據聞架車仲有空位)

邊條例話車長向部車仲有空位既情況下係冇權唔比人上車?
呢班人根本同野人冇分別,完全唔認為呢班人上左車之後會遵守車上既秩序
車長絕對有權拒絕佢地登車

我完全唔明白閣下點解會諗到要拉車長?
定係閣下同個班疑似野人一樣認為車長唔比呢班人上車係錯?

原帖由 AV385 於 2012-5-2 11:28 發表
邊條例話車長向部車仲有空位既情況下係冇權唔比人上車?
呢班人根本同野人冇分別,完全唔認為呢班人上左車之後會遵守車上既秩序
車長絕對有權拒絕佢地登車

我完全唔明白閣下點解會諗到要拉車長?
定係閣下同個班疑似野 ...

我非常同意AV385既觀點....
車長都係做番佢份內事, 保護乘客安全...
仲有佢打份工姐, 有家庭, 有仔女...係咪下下都要濫用警力先收科??