官方歡送熱狗遊河, 能否兩全其美地滿足巴迷搭熱狗之需求?

先旨聲明
以下既野, 之前有版友都提過
不過小弟有見今次30x件事搞到咁大
係度諗有冇比較好既解決方法, 故舊事重提


近日許多巴迷為左爭搭30x最後熱狗
引起不少即場衝突, 影響車務運作及其他乘客之舒適度及上車機會

有唔少人一諗起, 講起"最後熱狗"呢個term
都會提起早年新巴官方搞過DM, 雞車等車型之歡送遊河
唔單止有車坐, 有相影, 仲有"紀念品"(Tee一件, 不過之前有人提過其實係用黎辨認參與者之用)

如果九巴又搞返個官方歡送熱狗遊河
開2-3架S3V及開龍等 (可供約300-390人參與, 實際人數須視乎有冇車上活動, 比唔比人企)
以售票形式, 先到先得, 憑票上車
數目分明, 遲黎買唔到飛既一律冇數拗
既可滿足巴迷搭"最後的熱狗"既心願, 見證歷史時刻
而且遊河唔會接載街客, 又可以盡量減少對乘客同車務所造成既滋擾

雖然而家剩落黎既都唔係純正熱狗, 冷馬底盤配熱狗車身
同我地以前所認識既雞車, 利蘭(鬼車, 坦克, 吉蘭), ME, 中巴神獸等差得好遠
但我諗由1933年起, 九巴由冇冷氣巴過渡至全冷, 都總算係一個時代既變遷黎
加上呢個function都有公關show既作用, 事後又可以登報紙, 都有少少正面作用既

不過, 搞咁大場大龍鳳
只係解決到30x事件中
熱狗未能滿足所有在場巴迷
及有人因而唔守秩序, 拉閘又打尖, 搞到有人發脾氣做出過激行為個part
但現實黎講, 官方遊河不能解決沿途影相巴迷可能做出既危險行為(衝出馬路影車)
及車上參與者可能突然無故大叫既問題
呢d要靠d佢地自己醒覺自律啦

唔知有關方面其實係咪已經有咁既部署啦
將AD7336翻修
不過至今仍未有風聲流出
加上最新既事件, 大家都有目共睹
九巴方面見過鬼仲唔怕黑咩
與其take risk去做場function去entertain班巴迷
以有關方面既作風睇, 可能"多做多錯, 少做少錯, 唔做唔錯"
勉強捱到剩餘熱狗路線之熱狗last day算

仲有好多point可以講, 不過時間唔夠, 就此作罷
歡迎討論及指正

好老實，先到先得無用
有班熱狗迷只要上唔到車就會用盡方法
佢上唔到，連上到巴迷既都唔可以開開心心歡送熱狗

一定要兩敗俱傷先安樂

九巴唔想搞, 因為九巴唔想人記得有熱狗, 唔想勾起大家對搭熱狗嘅浪漫回憶, 更唔想勾起人討論冷馬比熱狗收貴3-4成呢個事實!

滿足班巴士迷的話呢就無乜可能
因為某部分人貪得無厭

原帖由 leochill 於 2012-5-2 21:47 發表
九巴唔想搞, 因為九巴唔想人記得有熱狗, 唔想勾起大家對搭熱狗嘅浪漫回憶, 更唔想勾起人討論冷馬比熱狗收貴3-4成呢個事實!

同意
如果九巴有心搞
就唔會搞到今時今日既境況啦
甚至一早預備多一班車載客
咁咪皆大歡喜囉

原帖由 ksmbh 於 2012-5-2 21:56 發表

同意
如果九巴有心搞
就唔會搞到今時今日既境況啦
甚至一早預備多一班車載客
咁咪皆大歡喜囉

不過之前66熱狗last day已經衰過一鑊唔見行車證
睇黎就唔會再搞熱狗打孖上架啦

原帖由 ksmbh 於 2012-5-2 09:56 PM 發表

同意
如果九巴有心搞
就唔會搞到今時今日既境況啦
甚至一早預備多一班車載客
咁咪皆大歡喜囉

根本kmb 攪同唔攪﹐情況都係一樣﹐一樣有巴敗在街上做出令人注目的事。

點解?

有官方歡送又點?  係唔係可以滿足所有巴士愛好者?  

而家唔同當年新巴﹐當年真係只有巴迷。而家﹐大家又留意下有幾多一家大細專登去等熱狗?給小朋友認識有熱狗存在過﹐給他們一個回憶﹐最少41a last day 我係見到此情況的。

而這些巴敗﹐大家又估下﹐即使他們有入場卷參加最後一程﹐他們又會唔會繼續在全冷的巴士線出現﹐做出一些令人注目的事?

最好比九巴之友會員參與還好過班巴士迷參與。

九巴之友正好有大旅行，用熱狗車可滿足會員的需求
有得玩之餘還有得歡送熱狗。

到時私人遊河都可能俾人螳臂擋狗, 大家搵定大酒店電話叫黑車, 歡送巴士迷殯啦.
再唔係砌返架生命熱線ME19黑車, 可能有人會覺得用巴士做殯車, 死得光榮o的.

橫掂世界已經開始失控地奔向瘋狂, 唔爭在.

巴敗事件,遠至42C,近至30X,九巴都俾果班人攪到頭都大埋,聽聞佢都諗緊最後熱狗日同警方點配合
站係佢立場,一個唔該忽然全冷唔奇,佢出熱狗係人情,唔出係道理,理由係可以保障乘客同車長人生安全
至於官方活動,你睇佢一到期就除哂熱狗紀念廣告都知咩事,就係咁想咁高調,二來唔想熱狗狂迷發作

睇番現時情況,最後有熱狗線係16同5A