西 鐵 線 電 力 故 障 紅 磡 至 屯 門 班 次 受 影 響

原帖由 dippy 於 2012-5-3 15:57 發表
其實將荃灣西既人送去荃灣同青衣會否較有效率？

及#38

小弟有幸未試過遇到重鐵出事要搭緊急巴，但我估佢個理由係，
班人係入閘搭西鐵，操作上佢只係機械地用巴士代替鐵路列車行走，
在整個撲巴士的過程中，乘客仍然被當成搭緊條鐵路線，身處「閘內」，與外界隔離。

好喇，假如架接駁巴改為去荃灣站，
咁荃灣站就要撥出部分閘機或劃出一個入口專畀搭緊急巴的人入站，
就會影響原本用緊個站的乘客，同埋佢根本無咁多人手同智慧去處理。

以上所講，我唔知同實際情況有冇出入，亦唔希望會經歷到。

而其他的「點解唔乜乜乜」，「如果ＸＸＸ就唔使ＹＹＹ」，冇用架，
呢間公司已經退化到除左識賺錢之外就乜都唔識，好似掛住追魔戒的Gollum咁。

見阿金生見記者又係指住張地圖，拎住支野篤篤篤，好似阿sir上堂咁，
家陣張地圖有寶咩，出事路段就算個記者係路盲上一上網都即刻搵到，
我係覺得金生好似殖民地年代官員對住「subject」咁傲慢囉（純粹由一個鏡頭感知）。

[ 本帖最後由 DIH 於 2012-5-3 18:53 編輯 ]

原帖由 WR309 於 2012-5-3 16:40 發表
第二次發生在今早。如果按 mtrupdate 所講的 0805 開始出事，電子傳媒在 0825 才收到資料公佈。

反而無記的《香港早晨》於 08:15 已經宣佈。

原帖由 hkaiw 於 2012-5-3 17:20 發表

反而無記的《香港早晨》於 08:15 已經宣佈。

好可能有tvb同事身處現場報料比公司

連議員自己都親身中埋招, MTR 今次都幾難解話......
佢加價將會面對更大壓力

呢D問題, 每次嚴重事故都鬧, 但只是一次又一次的失望......
今次仲要有高層失言, 俾記者問到口啞啞.....

其實d客知情更多, 除左有直接疏導的效果, 亦可以令心理上疏導,
因為有更多資訊, 乘客可以更易作出選擇, 如自行選擇其他交通工具,
改變行程, 或通知其他人, 實際上可以減少乘客人數, 及前線員工被質
問的壓力...而清楚知道原因, 亦有助了解情況, 心理上會舒緩d....基本
上mtr 高層依家呢種心態, 係好過時, 亦對自己不利, 對公司不利... 對
員工不利, 對乘客不利

我明白有事故發生, 職員間會出現一D混亂, 亦要時間去理解問題及估計
影響, 資訊未必可以次次好快傳播, 但最少, 最低限度, 管理層要有個心態
係資訊要盡快, 清楚及詳細俾到職員及乘客, 而唔係依家咁相反....

[ 本帖最後由 3ASV196 於 2012-5-3 17:39 編輯 ]

好老實咁講, 港鐵有需要開返個緊急資源調配主任位, 一有緊急事項發生就由呢個位既人話事, 直接指標, 包括叫支援etc~

同埋平時每個站都應該制度應變計劃, 唔駛下下臨時先攪~

仲有, 成班員工應該一個團隊去處理, 唔駛n個人落去出事現場既, 反而要多d人手係月台站外疏導~~

不過咁, 奉勸各位一句, 都係自求多福, 平時熟悉下除鐵路外唔同的選擇, 有起事上來幫到自己又幫到身邊既朋友~
你旨意港鐵呢, 就一定唔掂~~就算你嘈幾耐, 都係咁話~

今日見到咁ge時發車時間表真係替西鐵乘客可憐.......龜龜幫唔到大家，自己要自救，都唔好自亂陣腳.....話說有個朋友要返紅磡院校，被困於南昌，冇車之下竟然去坐12A，結果要攪成粒鐘有多，但其實有幾個方法會更快到...例如
1. 係南昌坐東涌線落港島，再轉荃灣線上番佐敦行15分鐘
2. 南昌坐東涌線到九龍站坐215X 到紅磡院校門口


攝於紅磡

[ 本帖最後由 bombardier 於 2012-5-3 19:12 編輯 ]

原帖由 bombardier 於 2012-5-3 19:10 發表
今日見到咁ge時發車時間表真係替西鐵乘客可憐.......龜龜幫唔到大家，自己要自救，都唔好自亂陣腳.....話說有個朋友要返紅磡院校，被困於南昌，冇車之下竟然去坐12A，結果要攪成粒鐘有多，但其實有幾個方法會更快到...例如
1. 係南昌坐東涌線落港島，再轉荃灣線上番佐敦行15分鐘
2. 南昌坐東涌線到九龍站坐215X 到紅磡院校門口

我會選擇搭701行上旺角東站轉東鐵，30分鐘內應該返到poly。

原帖由 bombardier 於 2012-5-3 19:10 發表
今日見到咁ge時發車時間表真係替西鐵乘客可憐.......龜龜幫唔到大家，自己要自救，都唔好自亂陣腳.....話說有個朋友要返紅磡院校，被困於南昌，冇車之下竟然去坐12A，結果要攪成粒鐘有多，但其實有幾個方法會更快到...例如
1. 係 ...

成4班東鐵都未有一班西鐵??
紅磡站轉車月台有無迫爆?
定係d乘客見到唔對路, 紛紛出閘轉隧巴過海,
以及行去上層公共運輸交匯處轉的士/小巴/巴士往油尖旺區?


至於南昌站去紅磡站要用西鐵以外的快捷方法,
我認為可以搭新巴701去旺角, 再行去旺角東站轉東鐵,
701一上車下一個站已經係旺角,
平日朝早旺角應該無星期五/六晚咁塞車~

原帖由 ES464470X 於 2012-5-3 20:09 發表


成4班東鐵都未有一班西鐵??
紅磡站轉車月台有無迫爆?
定係d乘客見到唔對路, 紛紛出閘轉隧巴過海,
以及行去上層公共運輸交匯處轉的士/小巴/巴士往油尖旺區?


至於南昌站去紅磡站要用西鐵以外的快捷方法,
我認 ...

雖不中亦不遠矣，今早係直頭所有西鐵車站 PIDS 都唔出時間
等你班人得個等！

另附上今早同事影的一張相，荃灣西站「盛況」

原帖由 WR309 於 2012-5-3 20:11 發表

雖不中亦不遠矣，今早係直頭所有西鐵車站 PIDS 都唔出時間
等你班人得個等！

另附上今早同事影的一張相，荃灣西站「盛況」

200289

另一張相仲震撼....多人到插都插唔入



係人群入面完全體會到咩叫進退兩難,
一係死等故障完畢通車,
一係就迫一輪出返去站外自己執生搵替代交通工具