西 鐵 線 電 力 故 障 紅 磡 至 屯 門 班 次 受 影 響

原帖由 ES464470X 於 2012-5-3 21:28 發表


根據多次鐵路大型事故經驗, 港鐵的接駁巴士係最唔可靠的
因為一來巴士數目肯定不足以應付需求, 等上車一定等好耐,
二來每次都一定係站站停, 唔會有咩分流路線,
就以前年東鐵一次全線停駛經驗,
接駁巴士由紅磡 ...

閣下講得冇錯，但正確來講，內部指引的確係有 standard 安排行邊條線既
接駁巴士、點行同點停。例如今次就用左 K97S (荃灣西 - 美孚 - 南昌)
呢條線去 serve 受影響乘客 [呢個係按今早輕鐵廣播講既內容]。所以呢，
鐵路出事唔好淨係靠接駁巴士，等得黎都死得，而且例遲。

原帖由 ES464470X 於 2012-5-3 22:00 發表


睇呢張相, 對面3號月台係咪無乜人等西鐵轉車?

唔多, 大部分人都係尖東落
去到南昌雙數頭卡唔多過 20 人

狗鐵呀, 你開接駁巴士有鬼用咩, 根本消化唔到D乘客,
仲有話5-10分鐘延誤氹D客上賊船, 搞到雪上加霜

原帖由 DIH 於 2012-5-3 14:24 發表

到而家，我好懷疑港鐵內部究竟有冇緊急應變計劃，
如有，又有幾多人知道應變內容。

我明白如果要全線員工都做演習有點不切實際，
但根本唔係咩專業技能，疏散乘客、發佈消息，直情應該係常識啦。
而家咩年代呀，當乘客係愚民，條線 ...

而有站友講到有冇應變程序，其實係有，大約係咁運作既：

龜龜及運吉會首先：
1. 按事故嚴重程度，如果超過 8 分鐘就要通知傳媒同運吉
2. 分暫時性、服務中斷、完全停駛
3. 影響單一路線、影響超過一條路線
4. 分黃、紅警報

根據通報機制，有關方面必須提供：
1. 事發原因及地點
2. 服務暫時性延誤、服務中斷或完全停駛
3. 仍然維持服務之路段
4. 預計恢復服務之時間

所謂黃色警報，是指預警有關服務有可能嚴重受阻，如果冇記錯，
定義是指服務水平在突發事故下減少百分之二十左右。

而紅色警報是指服務已經嚴重受阻 (印象中係用 20 分鐘以上為
分水嶺)，並預計將會持續一段時間，有關方面需要提供或安排或
請求其他緊急接駁服務。

而每一條線會再分幾多個 scenarios，例如西鐵就有超過 30 個
唔同玩法。根據不同情況就會行唔同方案：

- 雙向服務中斷 (2-3 個車站)
- 單向服務中斷 (2-3 個車站，但可單軌雙程行車)
- 臨時關閉某站 (但會影響部份車站運作)
- 臨時飛站
- 全面停駛

例如今日的事故，就出現雙向服務中斷 (2-3 個車站) 的情況，
於是就只派出 K97s 去行，而忽略南昌以南、荃灣西以北的連帶
影響。如果乘客「死都要用鐵路」，唯一方法就等老冠、鐵巴派車，
搞到大混亂。根本好多時都可以靠其他方案去救命，例如我在 #39
回文亦有講到，大西北乘客可以透過使用輕鐵去減低延誤，叫荃灣
西站既人改用荃灣線*，但偏偏龜龜及運吉就唔會咁提。

* 同樣情況在 2006 年荃灣線一次早繁故障亦出現過，當時係冇人
諗到去荃灣西站坐西鐵去南昌轉車。結果 59A、66、930 迫死哂。

加上冇官方既統一消息，只靠電子傳媒通知根本係截唔切乘客入閘。而龜公司亦冇去反應現實情況俾乘客知。所以機制係有，但係龜公司
根本唔識靈活運用，只係靠少做少錯，唔做唔錯既心態，仲可以倒返
轉講太多消息冇用。呢啲係乜野道理呢！

[以上資料只係憑記憶，並不是程序既全部內容，只係最基本既部份，
最多只可講到呢處方便大家討論。]

[ 本帖最後由 WR309 於 2012-5-3 22:29 編輯 ]

原帖由 WR309 於 2012-5-3 22:09 發表

閣下講得冇錯，但正確來講，內部指引的確係有 standard 安排行邊條線既
接駁巴士、點行同點停。例如今次就用左 K97S (荃灣西 - 美孚 - 南昌)
呢條線去 serve 受影響乘客 [呢個係按今早輕鐵廣播講既內容]。所以呢，
鐵路出 ...

今朝朋友7:50屯門上車，8:25接我通知，佢去到元朗
9:15先至響荃灣西被趕落車，仲無辦法出站...
最後9:50先上到的士

如果早聽我講落車轉268C咪好囉！

今次最大鑊係出唔到站，太多人被迫在大堂走唔到。
其實西站巴總咁大，擺到最前咪有多好多排隊空間囉！

其實最重要係佢點解仲要放人入去座，己經有唔少人收到風，就係龜龜佢一幅好似無咩事既情況報告出黎

D人就信佢，成萬人頂係2邊完全是龜龜做成....如果政府咁都唔插龜龜，龜龜遲早爆更大鑊而己.....

原帖由 DGCNYO 於 2012-5-3 23:01 發表
其實最重要係佢點解仲要放人入去座，己經有唔少人收到風，就係龜龜佢一幅好似無咩事既情況報告出黎

D人就信佢，成萬人頂係2邊完全是龜龜做成....如果政府咁都唔插龜龜，龜龜遲早爆更大鑊而己..... ...

係, 佢D 廣播次次都大事化小...如話延誤5min, 仲要講到只是xx站至xx站服務延誤, 但實際最少你都預
成條線延誤20min 以上

(香港大部分鐵路都係行2軌, xx站至xx站有事, 又點會真係得那段路有事?!)

好似今次, 開頭都係講15min延誤, 最後要成段封....搞左個幾2個鐘..@@

基本上, 呢d廣播直情可以叫誤導......

我反而唔明, 點解咁多人仲要信佢, 次次都咁......結果入埋閘想出返去都難....

[ 本帖最後由 3ASV196 於 2012-5-3 23:20 編輯 ]

原帖由 3ASV196 於 2012-5-3 23:14 發表


係, 佢D 廣播次次都大事化小...如話延誤5min, 仲要講到只是xx站至xx站服務延誤, 但實際最少你都預
成條線延誤20min 以上

(香港大部分鐵路都係行2軌, xx站至xx站有事, 又點會真係得那段路有事?!)

好似今次, 開頭 ...

有D係賊船已上，唔上唔落，焗等，又有D真係唔知佢咁大鑊，當然仲有D真係信龜龜所謂5分鐘一班，點知實際係每個站起碼停5分鐘

原帖由 toyl 於 2012-5-3 22:31 發表
今朝朋友7:50屯門上車，8:25接我通知，佢去到元朗
9:15先至響荃灣西被趕落車，仲無辦法出站...
最後9:50先上到的士

如果早聽我講落車轉268C咪好囉！

今次最大鑊係出唔到站，太多人被迫在大堂走唔到。
其實西站巴總咁大，擺到最 ...

輕鐵咪又係疏，同埋有部份係轉車客，叫佢落返去搭輕鐵咪即係要比多次錢？

西站係咪外判職員+最少職員，所以搞成咁？

原帖由 toyl 於 2012-5-3 22:31 發表
今朝朋友7:50屯門上車，8:25接我通知，佢去到元朗
9:15先至響荃灣西被趕落車，仲無辦法出站...
最後9:50先上到的士

如果早聽我講落車轉268C咪好囉！

今次最大鑊係出唔到站，太多人被迫在大堂走唔到。
其實西站巴總咁大，擺到最 ...

個站仲有其它線用，點會話你想擺邊就擺邊？

原帖由 on11358 於 2012-5-3 22:04 發表

尤其遇到乘客誤闖路軌，肯定留o係月台快過走去搭shuttle(除非貪唔駛錢)。

通常最快係自己搵替代工具走。估唔到，“信佢一成，雙目失明”呢句俗話竟然適用於港鐵此等規模的公共交通機構。