西 鐵 線 電 力 故 障 紅 磡 至 屯 門 班 次 受 影 響

原帖由 ey3231 於 2012-5-4 01:18 發表


哈哈  咁你最後上左果個40號  多唔多人坐~?

有網民報告昨日九巴40號都罕有地由荃灣總站開出已立即頂閘,
其中一班仲要係熱狗巴士
(今次終於唔係因為巴士迷遊車河而頂閘了)

原帖由 ES464470X 於 2012-5-3 21:28 發表


根據多次鐵路大型事故經驗, 港鐵的接駁巴士係最唔可靠的
因為一來巴士數目肯定不足以應付需求, 等上車一定等好耐,
二來每次都一定係站站停, 唔會有咩分流路線,
就以前年東鐵一次全線停駛經驗,
接駁巴士由紅磡 ...

無錯, 如果用鐵巴行
仲會影響埋唔係搭鐵路既乘客

之前整晒d緊急應變仲諗住會處理得比以前好
點知今次就大事化小, 又話講太多會令你亂
仲要氹人入閘上車, 去到荃灣西先自生自滅
西鐵大部份客都係跨出市區架!
幾架西鐵一齊入左隧道等再行, 如果架車響隧道有咩事,
幾班車既人點可以及時疏散晒?

另一方面, 西鐵入閘機口 未裝電視,
咁入閘機上面果舊野賣"安安全全搭港鐵"既字句
唔可以轉做有故障架咩?

--
事故後, 全日西鐵隧道都開左燈
出入美孚站都慢駛, 去錦上路同柯士甸感覺上比平時開快左

原帖由 bombardier 於 2012-5-3 19:10 發表
今日見到咁ge時發車時間表真係替西鐵乘客可憐.......龜龜幫唔到大家，自己要自救，都唔好自亂陣腳.....話說有個朋友要返紅磡院校，被困於南昌，冇車之下竟然去坐12A，結果要攪成粒鐘有多，但其實有幾個方法會更快到...例如
1. 係 ...

除左1,2同版友寫701 + 東鐵，比我就會九龍站 + 行去HUH..........
反正215X仲要兜圈，如果曉行既，沿柯士甸道行番出去可能差唔多............

番香港轉番上去就識合唔識路.........

(當然要腳程快，同埋識路)

*12A要1個鐘，係咪塞車........(如果唔係，行番出去坐212咪有機會仲快?)

原帖由 KV1902 於 2012-5-4 02:11 發表

除左1,2同版友寫701 + 東鐵，比我就會九龍站 + 行去HUH..........
反正215X仲要兜圈，如果曉行既，沿柯士甸道行番出去可能差唔多............

番香港轉番上去就識合唔識路.........

(當然要腳程快，同埋識路)

*12A要1個 ...

該名朋友可能本身住開西北區，只係去紅磡返學，唔識九龍巴士網及道路網唔奇。

尤其是九龍市區並非條狀，而係片狀，四通八達，路口又多，
南昌站本身又係「荒蕪區」，出事已經「茅」晒，佢識得睇目的地上車已經算唔錯。

[ 本帖最後由 DIH 於 2012-5-4 09:18 編輯 ]

原帖由 3ASV196 於 2012-5-3 14:45 發表

其實如果佢話公司緊急應變計劃有不足, 事故資訊廣播有待改善,
我都仲接受到, 但依家唔係, 港鐵那高層, 一邊就講道歉, 一邊就
死不悔改

係資訊年代, 不但無正視問題, 仲可以講話乘客知多d都無用呢d說話,
真係好離普的, 正如你講, 真係當乘客係愚民....完全同個發展方向錯晒...

我唔係想幫港鐵，但我諗佢既意思係指資訊太多或會造成不必要的混亂，
而唔係話唔需要發佈有用既訊息。呢個資訊年代發佈既訊息固然要快而準，
但點解會搞到高層出黎講 d 咁「不智」既說話，我諗大家未必領會到內裏
既意思。

曾幾何時有段非常時期，港鐵試過列車有丁點兒既延誤 (唔係 8 分鐘咁多)
就必定要通報運輸署及大眾傳媒，結果搞到佢地連一 d 應該冇事既野都要報，
目的只係費時畀人踩多一腳。一日咁樣報，兩日咁樣報，報到連傳媒都冇心情
日日報出街，但照樣有投訴話通報太慢，亦換來某些議員話要「零容忍」，
於是更多人連列車比平時慢 1 分鐘 (記住，係 1 分鐘) 都投訴...

我諗港鐵入面既人都未必想搞到咁既樣，而今次事件可能反應左港鐵部分文化
既問題，但如果社會風氣照樣落去，一班本身有心改善文化既人都會心灰意冷。
不過今次高層既說話必定令港鐵 (至少短期內) 冇乜運行 。

http://news.mingpao.com/20120504/gna1h.htm

連建制派王議員都忍唔著要回敬錢果豐既言論~~

呢d仲唔係肥上瘦下, 過度減省人手的惡果?!

原帖由 fw1321 於 2012-5-4 09:36 發表

我唔係想幫港鐵，但我諗佢既意思係指資訊太多或會造成不必要的混亂，
而唔係話唔需要發佈有用既訊息。呢個資訊年代發佈既訊息固然要快而準，
但點解會搞到高層出黎講 d 咁「不智」既說話，我諗大家未必領會到內裏
既意思。

曾幾何時有段非常時期，港鐵試過列車有丁點兒既延誤 (唔係 8 分鐘咁多)
就必定要通報運輸署及大眾傳媒，結果搞到佢地連一 d 應該冇事既野都要報，
目的只係費時畀人踩多一腳。一日咁樣報，兩日咁樣報，報到連傳媒都冇心情
日日報出街，但照樣有投訴話通報太慢，亦換來某些議員話要「零容忍」，
於是更多人連列車比平時慢 1 分鐘 (記住，係 1 分鐘) 都投訴...

我諗港鐵入面既人都未必想搞到咁既樣，而今次事件可能反應左港鐵部分文化
既問題，但如果社會風氣照樣落去，一班本身有心改善文化既人都會心灰意冷。
不過今次高層既說話必定令港鐵 (至少短期內) 冇乜運行 。

但最大問題係, 今次大家係要求佢俾一d basic information, 佢就答返大家話俾in-depth information大家係冇用~~
問非所答~ 留意, 佢係話, 詳細解釋俾大家聽點解出事係個刻唔重要, 最重要係疏導乘客..

問題來了,
1. 大家就係認為港鐵疏導得唔好~
2. 大家要求既係, 你唔需要話我聽你點解出事, 話到俾大家聽大約要幾耐先攪得掂就可以~
3. 巴士死火都唔會繼續上客, 但點解港鐵壞車就唔同人講繼續俾人入閘~
4. 那個所謂的快速服務應變隊, 究竟發唔發揮到佢地既功能? 琴日睇到既就係: 不能~

係呢d問題大家先覺得燥~~次次出事, 連最基本既大約會影響幾耐都講唔出..
fine, 你講唔出大約幾耐, 咁講俾大家聽出乜事, 大家心裡有數, 可以自己盤算等定走~
而家又話講太多俾你聽係混亂~~咁點呀..加價加得你咁爽, cut巴士線又見你拍手掌,
但港鐵一出事, 就死唔認衰~次次都係咁亂~

坦白講, 就算香港係要以鐵路為主, 都係要一個以鐵路為主但Intergrated既公共交通運輸網,
而唔係自成一角, 閉門造車, 有事都唔識搵人幫手, 死要攬著班客唔放既機構LAW~

原帖由 fw1321 於 2012-5-4 09:36 發表

我唔係想幫港鐵，但我諗佢既意思係指資訊太多或會造成不必要的混亂，
而唔係話唔需要發佈有用既訊息。呢個資訊年代發佈既訊息固然要快而準，
但點解會搞到高層出黎講 d 咁「不智」既說話，我諗大家未必領會到內裏
既意思。
...

傳媒無責任做埋你龜鐵o既事故發言人，o係個網頁話俾乘客聽服務情況有幾難？定因為10萬蚊買唔到source code所以放棄?
事故發生無人想，但唔好餐餐都玩返班客轉頭，仲要明知短時間內行唔返，又要早上繁忙時間，仲同班客玩困獸鬥?

原帖由 EH2674 於 2012-5-3 23:31 發表

輕鐵咪又係疏，同埋有部份係轉車客，叫佢落返去搭輕鐵咪即係要比多次錢？

輕鐵係疏啲，但過左八點之後少左一班學生已經冇咁迫，
大西北區內起碼郁到先，好過你站站停 5 分鐘。
(當然你可以講天水圍區內例外，我指既係跨區線)

唔需要俾多一次錢，你去 CuC 叫職員 delete 西鐵入閘記錄，
攞張出閘飛已經冇問題，轉乘亦不受影響。

尋日所見，輕鐵服務完全正常。