[新聞]黃大仙港鐵站全港最擠逼

原帖由 pakchi70 於 2012-5-14 10:23 PM 發表

我諗你呢個情況
應該同地鐵加開班次關係大啲

其實﹐上一次公佈的加班﹐觀塘線周一至五係沒有加密班次的。
只有周六及周日指定時間才有加密班次。


ref: http://mtr.com.hk/eng/corporate/file_rep/PR-12-015-C.pdf  (第3頁﹐詳細列出3條線的加班資料)

可否參照觀塘線的彩虹特車，在荃灣線開辦荔景特車？

在美孚至深水埗四站清客。由於太子至美孚一段沒有渡線，荔景是旺角以北首個可調頭的地方。

[ 本帖最後由 ArnoldC 於 2012-5-19 02:18 編輯 ]

原帖由 ArnoldC 於 2012-5-19 02:15 AM 發表
在美孚至深水埗四站清客。由於太子至美孚一段沒有渡線，荔景是旺角以北首個可調頭的地方。

如果這樣做﹐便要在美孚(向荃灣方向)清客﹐吉車去荔景。
假如真係去到荔景才清客﹐去葵芳至荃灣的客肯定罵聲四起。

荔景的渡線是在美孚方向的一邊﹐由美孚向荃灣開出﹐行到一半多些少﹐便會感覺到部車去到波口﹐車向左行及明顯向上上斜去上層月台。

而渡線便是通去未有東涌線時的舊隧道﹐此隧道尾段接近荔景站經改建﹐直接接上 2號(中環) 及4號(香港)月台。

換句話說﹐在美孚開車經渡線﹐便會直入2號月台(即去中環的月台)。如果在荔景才清客﹐你做乘客都會非常不滿﹐因為要上2層才可以轉坐另一班車去荃灣。

而實際上運作上﹐繁忙時間班次很密﹐約2分鐘一班車。如果經渡線入2號月台﹐便必須在原本去中環的列車先開出﹐並且行一段距離﹐通過波口位才可安排這班特別車駛入荔景站。
這個安排下﹐這班特別車進行2號月台並且停定車上客﹐隨時仲多過2分鐘﹐下一班荃灣開出的列車都已經到達荔景﹐肯定會因為要攝入這班特別車而頂住入唔到站。
而且要運仍暢順﹐仲要安排多一位司機在月台頭(中環方向)接手﹐因為原本車上的司機係會去左月台尾的。整個運作可以話係好煩複﹐根本是得不償失。

而且﹐又會因為少了車返回荃灣﹐荔景去荃灣一段列車數目會減少﹐會維持唔到班次。



所以﹐真係用到這條渡線安排列車在荔景掉頭﹐一定唔慌好事。

即係MTR 爆大鑊/外來因素影響﹐要斬開2段服務行車。(此情況下﹐自己出閘搵定第2條路好過﹐在MTR呆等﹐肯定大失預算)

又或者極惡劣的天氣因素﹐需要作出這個安排。(此情況下﹐班次會較平時為疏﹐但客也同樣少﹐所以唔會出現唔夠載的情況)

[ 本帖最後由 kei_hk 於 2012-5-19 21:27 編輯 ]

原帖由 UBS 於 2012-5-19 22:08 發表

你咁講東涌線係唔可以開青衣車，因為東涌+欣澳+迪士尼線ge客會唔高興

青衣特車在往東涌方向月台清客，乘客唔使走去第二度等車；
之後特車入調頭線，可以等往香港方向列車離開之後才入站，
而東涌線班次本身唔太密，特車阻唔到後車。
如何可以相提並論？

對上板友頂多只係講得過份複雜嗟，成件事係
1. 荔景條線係渡線而唔係調頭側線，短棍要逆向入站
2. 荃灣線本身好密車
以上兩點加埋令到短棍嚴重阻礙運作，所以不適用。

彩虹本身有三條軌，可以在不影響前後車之下進入中間軌道及離開，與荔景及青衣又有唔同。

[ 本帖最後由 DIH 於 2012-5-19 23:46 編輯 ]

原帖由 DIH 於 2012-5-19 22:14 發表

青衣特車在往向東涌方向月台清客，乘客唔使走去第二度等車；
之後特車入調頭線，可以等往香港方向列車離開之後才入站，
而東涌線班次本身唔太密，特車阻唔到後車。
如何可以相提並論？ ...

本來都覺得你講得幾合理,
但忽然間諗到個反例: 東鐵 旺角東特車
如果你去紅磡, 都係唔可以同月台轉車, 而且入站會阻住對頭車行
而東鐵線的班次亦都幾密
咁會唔會問題沒想像中咁大呢?

(雖然我都唔太支持荔景特車)

原帖由 Quanta 於 2012-5-19 10:21 PM 發表


本來都覺得你講得幾合理,
但忽然間諗到個反例: 東鐵 旺角東特車
如果你去紅磡, 都係唔可以同月台轉車, 而且入站會阻住對頭車行
而東鐵線的班次亦都幾密
咁會唔會問題沒想像中咁大呢?

(雖然我都唔太支持荔景特車) ...

印象中﹐旺角東特車好似得一班﹐而且係固定班次。

如果係熟客又要去紅磡﹐應該會作出英明選擇﹐一係唔上此車﹐一係去到九龍塘便轉另一班車。


無錯﹐唔知情的人又係好煩﹐又要上番大堂再去另一邊落月台等車。

但以我上面的回應﹐我係覺的係唔只一班次係做短棍﹐係多班車做短棍﹐所以便加上這個原因。

so﹐我收番乘客轉坐下一班車﹐要上上落落才可轉車的問題。


不過另外的重點﹐便是列車入站要逆向入月台﹐這是很花時間的﹐會阻到正常班次的列車。
而有特車的車站﹐全部都是有3個月台的﹐或者有專用的掉頭設施﹐令到影響唔到其他班次。

原帖由 Quanta 於 2012-5-19 22:21 發表


本來都覺得你講得幾合理,
但忽然間諗到個反例: 東鐵 旺角東特車
如果你去紅磡, 都係唔可以同月台轉車, 而且入站會阻住對頭車行
而東鐵線的班次亦都幾密
咁會唔會問題沒想像中咁大呢?

(雖然我都唔太支持荔景特車) ...

東鐵的旺角東特車, 某程度上係為左減少紅磡站塞車而設,
睇返兩班旺角東特車的開車時間,
一班大埔墟開0700, (大埔墟至紅磡車程約25-26分鐘)
而紅磡站往廣州東直通車第一班就係開0725

另一班火炭開0802, (火炭至紅磡車程約15分鐘)
而紅磡站往廣州東直通車第二班就係開0818 (KTT)

旺角東特車打後果班往紅磡列車,
係粉嶺站時已有不少車卡頂閘
(同前車相距4.5-5分鐘, 中間就係攝左果班旺角東特車)
去到大圍站時更加有部分月台車門位只得2-3個乘客上到車,
剩低十幾廿人係月台上唔到車.......
跟住去到九龍塘站, 亦有一大班搭旺角東特車但又唔想係旺角東轉車的乘客,
係九龍塘站轉車(因為旺角東站轉車好麻煩要上上落落),
故下一班往紅磡列車過左九龍塘站後, 中間果5,6卡依然有部分車門位頂閘

所以如果唔係因為直通車, 我好相信唔會有果兩班旺角東特車,
阻住北行列車離開旺角東站之餘又令前往紅磡站的乘客構成不便~

[ 本帖最後由 ES464470X 於 2012-5-19 22:54 編輯 ]