巴士續牌及退役問題數問

問題:
1.我想問為什麼九巴在今年內不打算將三菱MK217J單層巴士(AM)續多一年至十八年後(2013年)才退役?係唔係因為三菱MK217J單層巴士零件不足,所以提早退役?
2.在2010年,點解九巴不打算把老虎蘭及密龍續牌多一年至它們的車齡十八年後退役?
3.當巴士車齡用到十八年後,運輸署係唔係有權拒絕該批巴士再續牌?我想問車齡達到十七年的巴士,如果想再續牌到十八年的話,係唔係由運輸署決定?
4.在2009-2011年,點解有部份城巴2XX、3XX-4XX及7XX,部份新巴DA,VA及LA的巴士在退役時,其車齡只得16年至17年,點解新巴和城巴唔將呢批車續多一至兩年,行到十八年後才退役?
5.我想問巴士在交通意外發生後,點解有些巴士損毀程度嚴重,會不獲修理而提早退役?這樣係唔係因為零件問題而提早退役?
6.如果該批巴士再續牌時其車齡將達十七年半或以上(即剩返2-6個月時間行走)時,運輸署是否有權拒絕該批巴士再續牌?
7.承上題,如果不是,運輸署會否批准該批巴士再續牌?如是,其續牌年期係會續一年牌定係續四個月牌?

(抽抽運輸署水先)
運輸署限制左巴士公司車輛數目, 有quota的, 所以巴士公司有時會為左可以夠quota買到新車, 而加速退左d舊車去

當然, 零件數目亦都係一個重要原因; 而且一輛車齡高既巴士, 維修保養成本會增加, 對巴士公司黎講, 不如早d劏左架車好過(同埋行行下壞車都唔係太好啦)

熱狗就更簡單, 同樣既車程, 但熱狗只收取較平車資, 加上而家全球氣溫上升, 熱狗行街會引起車長及乖客不滿(當然巴迷中意熱狗就例外)

發生意外後不獲修理, 好大機會都係零件問題, 舉例, 撞車撞爆哂成副偈+波箱, 整番都要一段長時間, 而且仲係要劏其他舊車先裝到第2副偈(照計唔會買全新偈啦!!), 成本太高, 加上偈既編號又要跟車出廠底盤編號, 搞過個牌都有排搞.... (常見的仲有撞彎左條大陣...等等無得整, 只有換既....)

至於問題6, 7 本身巴士公司都唔會整, 更何況叫運輸署繼牌...
所以.... 有待其他師兄解答

之前有版友引出政府的文件指出﹐一部專營巴士是可以行18年(非17年)﹐17年只是巴士公司自己的標準。

一般情況下﹐政府係會利用行政手段去作出限制﹐唔會為踏入第19年的專利巴士續牌。
不過﹐這不會一刀切唔去幫舊車續牌。當巴士公司唔夠車用(例如已訂購的新車未到香港)﹐政府都會為這些 "超齡"車續牌的。


至於巴士去到接近17年﹐巴士公司是否決定續牌﹐不外乎幾個原因 :
1. 本身夠唔夠車使用﹐有無新車接替
2. 相關巴士的狀況﹐真的要留﹐都會選擇幾部 "身壯力健"去留下
3. 相關車款零件供應狀況﹐一旦有壞車﹐有無零件可替換

最後﹐樓主問到曾有意外的巴士維修問題。
作為車主﹐如果部車真係大炒﹐total loss 便不用頭痛。

但是﹐有得維修同無得維修之間﹐便要看車齡及維修成本去決定。
如果車齡低﹐而且在 "餘生" 可以繼續搵生意﹐可以收回維修的成本﹐便會作出維修。
如果經計算後﹐維修成本難以在 "餘生" 取回﹐便不會再作維修。

問題:
1.我想問total loss是指什麼?
2.巴士車齡及維修成本有什麼關係存在?而文中的"餘生"是指什麼?
3.另外,一部曾有意外的巴士維修的維修費用最少通常要多少元?

原帖由 felix_tinyan 於 2012-5-21 10:01 PM 發表
問題:
1.我想問total loss是指什麼?
2.巴士車齡及維修成本有什麼關係存在?而文中的"餘生"是指什麼?
3.另外,一部曾有意外的巴士維修的維修費用最少通常要多少元?.

1. Total loss:
a) 維修成本(人工、料錢)比架車當時市值高或
b) 跟本無法維修 (冇件 / 需複雜程序儀器還原等等)

另外，如果炒到大陣彎曲變形，都係tot 得~

2. 有關係~新車落地時，全部零件都新淨，所需維修時間/錢都少。除住車齡增加，零件開始有損耗，維修成本將逐漸上升。

當然，維修成本同架車既質素 / 後期保養有關係。
就等於一個人成日做運動，飲食健康冇煙冇酒，年紀大時應該少D病痛。
相反，有個人本身都身子弱，仲要日日食肥膏，仲啪丸食下煙仔，命都短D啦！


而文中的"餘生"是指什麼?>>維修完至退役前時間

3. 咁視乎咩意外喎，係撞孿bumper 、飛上花糟定有祝融之災

[ 本帖最後由 PatPatLeo 於 2012-5-21 23:22 編輯 ]

唔熟 total loss 意思, 所以唔亂咁解釋喇
不過另外兩條問題, 可以舉個例子去解釋
為方便計數, 唔考慮其他支出, 當一部巴士仲有五年退役, 每年搵十萬, 即係五年搵到 50 萬
當撞散個引擎, 維修報價 10 萬, 咁樣五年內仲有 40 萬賺, 整得過
撞散晒個車身冷氣引擎 ... , 當仲整得返, 但維修費報價 100 萬
即係五年後退役都要蝕 50 萬, 你又整唔整?

* 以上數字都係方面理解及計算而已, 不能作準

[ 本帖最後由 bnr34 於 2012-5-21 23:28 編輯 ]

原帖由 bnr34 於 2012-5-21 11:26 PM 發表
唔熟 total loss 意思, 所以唔亂咁解釋喇
不過另外兩條問題, 可以舉個例子去解釋
為方便計數, 唔考慮其他支出, 當一部巴士仲有五年退役, 每年搵十萬, 即係五年搵到 50 萬
當撞散個引擎, 維修報價 10 萬, 咁樣五年內 ...

你講的正是他#4問的問題2的答案

至於TOTAL LOSS﹐最簡單的講法便是一般人眼中便是無法維修。
例如火燒車﹐燒到得番車陣。又或者撞車﹐撞到成部車完全散晒﹐無法再裝回車身等方法維修。

不過以巴士來說﹐多數都唔會係TOTAL LOSS﹐即使傷及車陣﹐都係有得救的。

但保險公司同巴士公司都會計算維修成本﹐以及維修後仲可服役多少年(即係 "餘生")作出比較﹐看看有無機會在維修後繼續營運﹐收取的車費(扣除成本後)可以彌補維修成本。
如果不能彌補成本 或者 只扣除成本後只可收回一個很少的盈利﹐這便會不作維修﹐直接把車退役。

三菱唔續多次牌,會不會因為九記最後一批三菱,不想為十多部車而儲一批零件.
反而去年年尾G裨AA到期,續多次牌,會不會零件可以俾低地台AA用

原帖由 bnr34 於 2012-5-21 23:26 發表
唔熟 total loss 意思, 所以唔亂咁解釋喇
不過另外兩條問題, 可以舉個例子去解釋
為方便計數, 唔考慮其他支出, 當一部巴士仲有五年退役, 每年搵十萬, 即係五年搵到 50 萬
當撞散個引擎, 維修報價 10 萬, 咁樣五年內 ...

我覺得其實唔應該計架車每年搵幾多錢, 因為巴士公司的收入唔會因為退唔退架車而有明顯變化 (退熱狗出冷馬另計)
而係計出過部新車取代的成本有幾高

例如一部巴士計佢三百萬, 行十七年每年要約十八萬成本
如果維修費接近/高於 餘生年數 x (十八萬 + 新車維修費 - 舊車維修費),
咁就明顯唔合經濟效益去整

出新車本身仲有其他好處:
撞過的舊車整返都無咁硬淨
新車較受乘客歡迎, 對公司形象有利

但係嚮九巴大規模退E牌AM之前都有唔少AM因意外而提早上路,
但部份睇個樣損傷都未算好甘.究竟係因為唔想整定整唔返呢?

[ 本帖最後由 DW8306 於 2012-5-23 15:07 編輯 ]