港鐵重推搭十送一

原帖由 DIH 於 2012-5-25 14:25 發表

可憐人地倫敦地鐵要用貴車費支付部分翻新開支，
香港地鐵做乜都幾十億幾百億公帑倒落去再加送地皮。

我地咪係幫人地出錢起野俾人地去賺錢law~~然後就係一棟棟屏風樓,
呎價過萬既豪宅應市~

原帖由 053h4 於 2012-5-25 13:50 發表
撘百賞一就中有機會拎, 因為一至五有時要上大陸, 咁先夠數
十送一, 我個人一星期肯定撘唔到十次港鐵

價就年年加, 加三次, 估計今年年收入累計多八至十億, 年年都拎一億去做優惠
港鐵真著數 ...

搭十送一或即日9折都係針對班一至五來回都搭港鐵既客,
對我地呢d短途客,一日只搭一兩次既客未必享受到,仲要承受
加左既價,根本任何優惠只係對間公司優惠而唔係個客

正如今次加價後,已經去到$5.4,過境仲要加$1.3,點頂

「學生」身份個人八達通搭十程，換領一張特惠單程票……呢張特惠單程票學生又唔用得……

原帖由 182170 於 2012-5-25 19:45 發表
「學生」身份個人八達通搭十程，換領一張特惠單程票……呢張特惠單程票學生又唔用得……

你覺得港鐵真係會連呢個咁簡單嘅問題都唔去解決，畀個陷阱學生踩？
由於正常嘅單程票條款上面印明左只限即日有效，
唔同推廣車票慣常嘅三十日限期，
所以張十送一車票一定唔會係藍色平時嗰張小童/長者嘅特惠票。


根據舊年「搭百賞票」嘅經驗，
相信港鐵會另外發行一張供學生/小童/長者用嘅特惠免費單程票。

原帖由 182170 於 2012-5-25 07:45 PM 發表
「學生」身份個人八達通搭十程，換領一張特惠單程票……呢張特惠單程票學生又唔用得……

根據以前的經驗﹐的確學生八仔卡﹐係會提供「優惠」免費車票的。

而以往經驗﹐學生係可以合法用這上 "免費優惠車票"的﹐但條件都係要張學生八仔卡跟身。

今次「十送一」又有一個問題﹐便是星期六係唔會計算的﹐即係十程車一定要在星期一至五去累積。

雖然﹐一般來說無問題﹐但星期六要返工的朋友﹐便會因此可能少收2張免費車票。

7月1日的一周﹐星期一為紅日
10月21日的一周﹐星期二為紅日

這2星期正常返工日子便會少一天﹐除非你在紅日都會坐2次mtr﹐否則此2星期係取唔到免費車票的。
但如果星期六會計算累積乘車數目﹐星期六要返工的人便可多獲2張車票。


至於9月30日的一周﹐緊接有2天紅日﹐以及12月23日的一周﹐同樣地有2天紅日﹐所以星期六是否計算﹐都唔影響單純返工放工用mtr的人取得免費車票的機會。

原帖由 toyl 於 2012-5-25 10:08 發表

要解決唔難，舉個例，
有人會向香港島住既同事玩收購單程票(還掂佢搭送果程都唔太貴，出價點都低過大西北出港島)，
儲夠十張，果個星期返工就完全唔用八達通。
對於呢位新界人都係除笨有精啦！ ...

咁咪即係麻煩囉......

原帖由 kei_hk 於 2012-5-25 10:37 發表

用番「十送一」﹐這便會令短程客都受惠。換句話說﹐只要一個星期你係正常返工5天﹐便會獲得一張車票﹐受惠的人會多很多。
至於長程客來說﹐的確會令到得到2張車票機會減少。這班人主要都是1程車要$20以上的客﹐但實質這類客﹐相對地會少得多。

咁咪即係將長程客的其中一張車票, 送左比短程客囉, 損失GE咪係長程客囉......

係啦, 新界人係窮鬼, 而且人數"相對地會少得多", 所以係唔需要理會哩一班乘客架喇,

"相對地會少得多", 最憎就係哩句!!!