建議重組九巴13D及13P線

原帖由 dippy 於 2012-5-26 23:43 發表 http://www.hkitalk.net/HKiTalk2/images/common/back.gif

對於大部份來往觀塘-美孚段既客黎講
已經採用最直接既行法
觀塘慢碌去西九有平價6D, 咁13D要有市場價值
當然要明顯快過6D啦
而且收6.8對東西九快速黎講真係唔算貴
依家東西九都支持到觀美, 觀青同油青三條紅小, 外加半條40同半條296C
開條13D去做番條正正經經既東西九線個人認為係合理既

收$6.8的確唔算貴，但係問題係港鐵只係收緊$7.3（加價後），
13D行長沙灣道就意味同港鐵完全平行、直接競爭，
但13D要十幾分鐘一班，港鐵貴幾毫子但係非繁四分鐘一班，
你估乘客會點揀？13D行長沙灣道可謂毫無競爭力。

而家6D/40/296C客量都唔係點標青，紅小都要等客，
有冇需要塞多條13D落去長沙灣？
你證唔證明到有需求支持到你個版本的13D？
定係又係地球圍住長沙灣轉？

而基於42都收緊7.3
如果13D只係收6.8
到時又到四順有意見了
今次重組, 秀茂坪多左條線去西九, 四順直情可以去埋荃灣
已經係對東夷果邊都有大得益
而因為13D可以預想要收7.3
咁西面總站只係去到深水埗未免浪費左里數, 變成收得平到無肉食
繼而比人陰乾就唔好啦

四順未必會有意見，因為四順條42本身去遠左，假假地都做到葵芳，兼且回程收$5.7仲平。
當然我又唔反對42做葵興大窩口同荃富街既。

不過呢，正如上面所講，13D行長沙灣道同港鐵重疊，實在無意思。
雖則我唔同意富昌南昌村咁近港鐵站，抽走296C都要搵巴士線去觀塘填補，
但係南昌站畢竟都要轉多次車，紅小又收得比較貴，
13D做荔枝角道、南昌/富昌的潛力起碼大過長沙灣道好多，唔使同港鐵正面對撼，
兼且減低一邊多客、一邊少客的機會。
做得富昌/南昌，必然係行荔枝角道，做埋旺角，否則條線都會係唔夠客。

而13D行長沙灣道即係同98C重疊，但係98C入旺角而13D唔入，
返到秀茂坪時間可能只係差唔多，可能會搞到98C少左好多$9.5寶達秀茂坪客。
與其係咁，不如13D/98C好好地分工。

2. 我唔反對13D跟番1A出觀塘道
但事實已經證明, 13D, 13P, 1A三種行去入面
13D經牛頭角道係最失敗既
所以一係跟13P觀塘走線
一係跟1A(延至寶逹)既走線
先有機會殺出一條血路, 做到條正正常常既東西九龍線
唔駛比"牛頭角總站"卡死上百萬人既利益

又試搞唔清因果關係……講左幾多次，
13D少客的原因唔係經牛頭角道，而係因為
有1A、95分薄左大部分來往秀茂坪同旺角的需求，
而牛頭角又有條2A分薄，獨巿係得返喜鵲樓同牛頭角上村。
試下1A、95無左是但一條，睇下13D係咪仲咁頹？

仲有呢，13P成績都唔見得幾標青……只係坐滿或者企幾個，
觀塘道根本唔會有咩客特登等佢。

老實講，13D掟出觀塘道，保證唔到客量增加，觀塘道仲有1A/16等線，
尤其是觀塘道更近港鐵站，13D夾硬掟出去，只會連
食埋入面一D唔想行出去搭車既客的機會都無埋。

我自己唔反對13D掟出觀塘道，但係係要有條件，就係幫到一D而家交通不便，
無車去旺角西九的地區，例如翠屏；否則將13D夾硬掟走，只會係弊大於利。

唔好成日幻想觀塘道係客倉而牛頭角道無客，
如果牛頭角道真係無客，點解89依然咁多人搭？
觀塘道1A/16做得起係因為本身密車，有吸引力，13D得唔得先？

無論行觀塘道 VS 牛頭角道，或者長沙灣道 VS 荔枝角道，
道理都一樣，唔好以為邊度表面多客就鐘個頭埋去，
班次根本唔夠人打，最後只會死得更慘，倒不如專心做一D巴士有優勢的地方好過。
呢個唔係牛頭角道 VS 沿途過百萬人的問題，因為沿途先天已經有條更快捷的港鐵。

[ 本帖最後由 S3BL100 於 2012-5-27 00:19 編輯 ]

但係有人都解釋唔到點解6D同13D呢個組合入面
有左一條線，都仲要改另一條線
我唔希望最終既理由係「畀自己有快慢平貴」既選擇
如果係話因為麗港城，咁講真條13D都改到面目全非咯，咁兜埋入埋去都得
而且你冇考慮過o係有98C既情況下，飛走旺角既秀茂坪<->西九線仲會唔會有機會存在
that's why我都唔會話$7.30係搶錢，因為更搶既係98C

同埋都係果句，東西穿梭，繁時就誇啦啦，非繁？小巴都要兜客
所以根本呢個market只係適宜做兩味，更加唔好話全日都有兩條線
除非條線肯入旺角，用旺角客養條線全日

我唔知你用咩因素去斷定13D行牛頭角道係最失敗
但如果我用89同89X既班次比較，就話行觀塘道係最失敗
唔知可唔可以吸引到你畀進一步既解釋，演繹下你理性同非理性地有幾咁討厭牛頭角道

而40迫人轉車果度，其實唔洗搞咁多野
只要將42改去荃灣，再盡可能拉直西九走線，咁最主要既九龍城<->荃葵已經唔洗轉車
荔景山路一段用多既時間，就用不經石峽尾去填補

原帖由 ~誰@359~ 於 2012-5-27 00:24 發表 http://www.hkitalk.net/HKiTalk2/images/common/back.gif

如果係話因為麗港城，咁講真條13D都改到面目全非咯，咁兜埋入埋去都得

兜入去麗港城純粹只係為左appease入面搞山頭主義班大帝，
除非13D兜入麗港城的同時幫到第二D真正有需要的人
（例如來回改行翠屏道，解決翠屏無車出旺角同西九的問題，
即係類似我建議的13P行法；反正翠屏入麗港城上觀繞尚算順路），
否則我反對一切以討好少部份人為目的，而犧牲更多人的措施。

咁到時6D一係繼續擺牛頭角，一係拉去觀塘巿中心，總之唔拉入麗港城，搞到俾觀塘迴旋處玩死就得。

dippy條13D，行長沙灣同港鐵完全平行，肯定鬥唔過港鐵，
淨係班次已經輸九條街。西九來往觀塘，非繁唔夠客就係唔夠客，
有大大條港鐵點解唔搭？使唔使多條線做觀塘西九，又要同港鐵平行？

雖則我對於13D入麗港城去討好大帝有保留
（我傾向最多係13P經翠屏同延長服務時間，已經係仁至義盡），
但係如果係要將13D改到面目全非，
做翠屏加麗港城好過就咁掟出觀塘道同其他交通工具重疊晒，
起碼翠屏同麗港城假假地都係獨巿。

原帖由 dippy 於 2012-5-27 00:32 發表 http://www.hkitalk.net/HKiTalk2/images/common/back.gif

其實之前已經解左一次
深水埗係一個大平原
一邊係青山道元洲街
一邊係荔枝角道同填海區
所以要做得好, 要食到客就要分開做
好似2A咁只會令美孚一帶既人唔坐佢 ...

我夠知2A長沙灣段好兜。

但係2A無論係咪拉直都好，再加埋6D，已經將成個長沙灣同深水步覆蓋得七七八八，
無必要長沙灣道加多條線同港鐵重疊，
如果再加埋我開頭建議的13D，食到富昌/南昌/荔枝角道呢三個理論上競爭力最大的位置，
已經覆蓋晒所有做得過的地方，使唔使又拉13D入長沙灣？

收返#2既說話
咁應該問題只會剩下大角咀肯唔肯兜既問題

若果成件事咁睇
13D照係咁改
296C美孚-深水步<>觀塘<>將軍澳
咁又點睇呢?

原帖由 dippy 於 2012-5-27 00:42 發表 http://www.hkitalk.net/HKiTalk2/images/common/back.gif
觀塘站喺正中間, 入裕民坊已經夠就腳
停APM都好方便, 所以停邊都比同地鐵差唔多, 個個站位都有優缺點
去到花園大廈, 果度貼住地鐵站, 點打都輸, 所以救黎都無思
而最大舊果舊(即以前上邨同第1-7座果邊), 將來呢兩度
http://goo.gl/maps/xql4
http://goo.gl/maps/FBHj
都會有天橋駁去地鐵站(原本近第8座的天橋)
有左條全天候既天橋駁去地鐵站
到底有幾多人咁神心等呢?
我諗都係D想坐巴士既人先會坐, 即係好似1A, 16, 11C等等, 都係你要坐巴士先會去坐
同想唔想行關係不大, 因為有全條平既天橋, 已經算有feeder俾佢地.

我夠知好快會有條橋。

不過，而家13D行入面，的確仲吸到一班唔想行的人去坐。
如果將13D搬出外圍，仲會有咩人特登等13D？行得條橋，點解唔係直入港鐵站？