[新聞]機場快線博覽館特車被當成飛站

蘋果日報
http://hk.apple.nextmedia.com/news/art/20120529/16378181

博覽館特車唔埋機場站已經唔係新鮮事
可能係張學友演唱會特別遲散場,
見到不停站列車, 影響到心急追尾班港鐵的乘客心情

同時又証明無論閘機前楝幾多塊尾班時間表的牌
仍然會有人漠視, 只跟個人經驗, 撞板後賴返港鐵轉頭...

原帖由 limited 於 2012-5-29 13:25 發表
蘋果日報
http://hk.apple.nextmedia.com/news/art/20120529/16378181

博覽館特車唔埋機場站已經唔係新鮮事
可能係張學友演唱會特別遲散場,
見到不停站列車, 影響到心急追尾班港鐵的乘客心情

同時又証明無論閘機 ...

我估呢班客平時係坐0016機場坐機鐵車(時間表上亦有呢班"尾"車經香港+中環+北角站去寶琳)，大約0028到青衣，衝幾層樓去趕0032呢班東涌線車去荔景，趕去中環尾車0037..
問題係當日龜仔有冇遲開呢班車

入面提及一個疑點﹐未有實情提供的。

但乘客為何坐零時16分班次仍能在荔景站趕上尾班車，而昨零時卻趕不上，港鐵沒有回應。李小姐怒斥港鐵安排混亂：「如果尾班接駁車係零時零四分開出，咁點解過去七年咁多機場職員坐零時十六分班車都趕到尾班車？」

究竟﹐正常0:16這一班車係唔係遲了開出?   定係這一班車變了做特車﹐在特車前及後的一班車作出調整開出時間?


不論如何﹐以我現時手上找到的資料﹐一定係乘客本身的問題。

mtr 現時的機場站首尾車時間表﹐去中環的尾車時間(經青衣及荔景轉車)﹐的確係 0:04﹐而不是報紙引述乘客所言的 0:16。

如果去澳軍澳地區(即當事人去的地區)﹐尾車係有 0:04 及 0:16﹐前者0:04 係用青衣及荔景轉荃灣線﹐觀塘及將軍澳線﹐後者0:16係去到香港站再中環及北角轉車的。

http://mtr.com.hk/jplanner/images/timetables/air.pdf



睇怕﹐之前0:16都可以趕到荔景站尾車﹐都只是實際車程時間較預期短﹐只要有輕微的delay(例如上落客時間較正常為長)﹐都足以趕唔到/接唔到另一線的尾車﹐所以時間表預多了時間﹐講尾車係0:04而非0:16。
坐0:16 在荔景接到尾車係你好彩﹐但好彩唔係必然。

http://www.hkepc.com/forum/viewthread.php?tid=1804354^疑似其中一個當事人

仲話「我搭左六年都係搭0016搭尾車，都可以全部駁到尾車去將軍澳，但今日去到青衣站上左車先話去中環尾車開左，我地成班人就係荔景企左係度」
似乎嗰日佢行慢左

[ 本帖最後由 48x 於 2012-5-29 16:11 編輯 ]

未必係班客行慢左，可能當日真係遲o左出車，若果係班客行慢左，就唔會成幾十人一齊中伏..
原本:
0016機場開，13分鐘後即0028到青衣。
然後四分鐘轉乘，0032東涌車青衣開，駁0037荃灣線尾車

當日聲稱0035先到青衣，比平日遲六分，機鐵平時時間表係行12分一班，即係一係開遲左車，一係當日訊號/軌道有問題

當然，龜鐵一句: "我時間表上，機場站經荃灣線去中環，尾車係0004，0016呢班係經中環站去將軍澳尾車"咁就關人個關，但當晚所謂0016呢班車又駁唔駁到港島線車去北角呢，我都好有疑問，去青衣已經遲6分，即係話大約0046先到香港站，12分鐘夠唔夠時間由機場快線月台衝去中環站呢...

乘客未必完全無責任，平時搭到的0016尾車，
乘客並非依港鐵指示的路線轉乘，駁得到只係好彩，港鐵無保證過；
但係，由駁唔到車，可以見到班車的確係行車時間延遲，
或機場進站時間延遲，0016本身係另一轉乘途徑的尾車，
時間應該要keep好，這方面港鐵有需要解釋，而唔係因為後面還有其他車就算數，
因為這堆車補償唔到0016班車經香港北角到將軍澳的功能。

睇港鐵網頁，一般情況下機場出市區幾班尾車係0004、0016、0030，約12-14分鐘一班，
但段新聞話「飛站」列車離開後到0020有車，
究竟呢班車係咪原本0016的班次，遷就博覽館特車而遲開呢？
如果博覽館特車佔用了0016的slot，對要進行一連串轉乘的乘客係好有影響。

但其實港鐵都兩難，博覽館又係客，機場又係客，連環轉乘尾車兩個只能活一個，
咁佢就揀左較多人的博覽館特車，而犧牲了機場熟客。
唔知特車有幾多人呢？如果睇情況開返機場上客得唔得？

12分鐘由香港站機鐵月台去到港島綫往柴灣月台，沿途跑再跑埋自動行人道應該夠既。

[ 本帖最後由 DIH 於 2012-5-29 16:56 編輯 ]

令我想起n年前一班人搭尾班k16
趕唔切轉西鐵南昌站尾班車
然後又圍埋鼓譟
但......當年幾多告示呢班k16係轉唔切西鐵既
港鐵今次做得對
總之自己搭唔切車就一定賴人地錯

原帖由 rickywk 於 2012-5-29 04:31 PM 發表
未必係班客行慢左，可能當日真係遲o左出車，若果係班客行慢左，就唔會成幾十人一齊中伏..
原本:
0016機場開，13分鐘後即0028到青衣。
然後四分鐘轉乘，0032東涌車青衣開，駁0037荃灣線尾車

當日聲稱0035先到青衣，比平日遲六分，機 ...

所以﹐我估當日係加插了特車﹐令到青衣班車(東涌線)行慢左/遲左開﹐所以去到荔景便接唔到荃灣線。

即係﹐出問題不是機場線本身﹐如果係機場線有delay﹐成班客便不能在青衣站轉車(0032 東涌線)。


不過﹐此推論正確的話﹐此班東涌線車有delay﹐會暗示另一件事。
便是如果有乘客於青衣站上 0032 這班車去香港方向﹐都會因此而接唔到荃灣線尾車(0037 中環方向)。

即係﹐你話在機場0016 出發﹐因為在青衣轉東涌線 0032這班車﹐令到在荔景接唔到荃灣線﹐mtr 可以大大聲話乘客有問題﹐唔理班客。(事實上mtr 的時間表係講機場要 0004 的一班車)
但係﹐你話青衣站上 0032 這班車﹐但係接唔到荃灣線﹐mtr 便必須照顧乘客餘下的車程。事關青衣站的時間表係講尾車係 0032的。

mtr 當然唔會再去解釋點解之前 0016 機場出發點解之前接到荃灣線啦﹐再講下去咪比乘客有位入﹐講自己在青衣站上車(事實上乘客又真係在青衣站上車入閘的)﹐mtr 便責任難卸
如果當時乘客清晰知道青衣站的時間表﹐明確知到 0032青衣的一班車係可以接到荃灣線﹐荔景站一定有好戲睇。

***************************************************************************

另一個可能性﹐他們真係在青衣接唔到 0032 東涌線的一班車。原因是否同有博覽館特車有關﹐令到原本 0016 機場開出的班次遲開或行車時間慢左﹐只有mtr才知道。



ps. 青衣站東涌線尾車去香港時間為 0056。

[ 本帖最後由 kei_hk 於 2012-5-29 17:51 編輯 ]

原帖由 DIH 於 2012-5-29 04:54 PM 發表
乘客未必完全無責任，平時搭到的0016尾車，
乘客並非依港鐵指示的路線轉乘，駁得到只係好彩，港鐵無保證過；
但係，由駁唔到車，可以見到班車的確係行車時間延遲，
或機場進站時間延遲，0016本身係另一轉乘途徑的尾車，
時間應該要keep好，這方面港鐵有需要解釋，而唔係因為後面還有其他車就算數，
因為這堆車補償唔到0016班車經香港北角到將軍澳的功能。

睇港鐵網頁，一般情況下機場出市區幾班尾車係0004、0016、0030，約12-14分鐘一班，
但段新聞話「飛站」列車離開後到0020有車，
究竟呢班車係咪原本0016的班次，遷就博覽館特車而遲開呢？
如果博覽館特車佔用了0016的slot，對要進行一連串轉乘的乘客係好有影響。

但其實港鐵都兩難，博覽館又係客，機場又係客，連環轉乘尾車兩個只能活一個，
咁佢就揀左較多人的博覽館特車，而犧牲了機場熟客。
唔知特車有幾多人呢？如果睇情況開返機場上客得唔得？

12分鐘由香港站機鐵月台去到港島綫往柴灣月台，沿途跑再跑埋自動行人道應該夠既。

看mtr 機場站的服務時間表﹐0004 及 0016 都是有車由機場開出的。

關鍵係時間表上0004 係可以在青衣站轉東涌線到荔景﹐接到荃灣線尾車。
事實上﹐0016 班車理論上都係可以做到相同效果。

所以﹐唔排除有熟客計準時間﹐坐0016 的一班車去青衣轉車。但因為當日加插了特車﹐令到有坐0016班次的乘客﹐接唔到荃灣線。
此情況下﹐一定係乘客理虧的(事關班客係講自己坐0016的一班車﹐而非 0004的一班車)﹐因時間表係講 0004 為尾車(可以接上荃灣線的尾車)。


至於你提及 0016 一班車去到香港站接港島線問題﹐我可以同你講﹐以正常步速﹐係一定接到的﹐唔會有問題。
因為時間表上係加入轉車的時間﹐以及預留了上少 "意外"時間。
所以你看到上面時間表講 0004才可接另一線的尾車﹐但實際上 0016 都可接到另一線尾車。

[ 本帖最後由 kei_hk 於 2012-5-29 17:49 編輯 ]