巴士新聞檔案：高速巴士無用武之地

原帖由 HR2174 於 2012-6-2 21:04 發表
之前唔知邊度有人提過
有研究指如果將車速由70km/h放寬到80km/h
出意外嚴重受傷還是死亡既機會率會 exponentially 上升

利申：
之前唔知邊度聽番黎
呢個講法並唔係出自我本人 ...

車速越快，炒起上黎越傷，這是常識吧，
個問題重點應該係意外率會唔會明顯上升。

原帖由 hoho900 於 2/6/2012 18:28 發表
香港政府本住多做多錯, 少做少錯, 唔做唔錯的大原則下點會有進步呀

如果你坐喺一個出事嗰陣大把人等住煎你皮嘅位，
你多做嘅話，應該有剝定層皮被人煎嘅心理準備。

原帖由 HR2174 於 2012-6-2 13:04 發表
之前唔知邊度有人提過
有研究指如果將車速由70km/h放寬到80km/h
出意外嚴重受傷還是死亡既機會率會 exponentially 上升

利申：
之前唔知邊度聽番黎
呢個講法並唔係出自我本人 ...

車速愈高、剎車距離/出事撞擊力/傷亡率會幾何級數上升應該算簡單中學生既理科知識
但事實上香港有關重型車輛既大型意外都唔係太關超速事
屯公以前咁多巴士超速 (亦有大炒過)，但唔見得傷亡最嚴重個幾單係關車速事


倒數香港過往既大型巴士意外，主因絕大多數係駕駛態度或者疑似機件問題
跟車太貼/發夢、入彎過快、十字路口唔收油或者間中有懷疑剎掣失靈而係意想不到既地方撞車
感覺上而家係矯枉過正，造成部分司機 hea 渣甚至夠膽連疲勞駕駛都未必視作一回事
正正以為渣著架車鎖 70 行慢線真係好慢，渣到分神都大有可能 (久唔久都見公路巴士撞死車意外，而且係大直路撞)


英國近年應該收緊左法例，無安全帶既車都係鎖 9xkph，部分車種巴士公司自行鎖至更低極速 (約 8xkph)
英國道路環境唔見得比香港好 (公路較好，但有更多埔公、青公之類路面無特別設置較低限速)
係英國搭雙層或者大型巴士沿九巴 70 74A 城巴 M47 之類既路面踩到過 70 係好普遍既事
個人覺得正因為法例車速上限比一般巴士預設或者後加既鎖速更高，司機少樣野倚賴/藉口，
完全靠自己技術控制車速 (英國部分地區對巴士行車時間捉得更嚴，反而香港地過鐘無人罰都咁多司機亂黎)
而且道路其他使用者大都非常合作，搭 coach 全程踩實 100kph (法例上限) 係公路逢車過車都無問題
其他行車線司機自會適當讓路，唔似香港成日有班敗類硬係要大家係路上過唔去咁


只要真正做到嚴打駕駛態度惡劣既司機，將重型車限速提高根本對大家都好
事實上而家有大量實證，(合法或非法)村巴、小巴超速意外率雖高，但所謂監管咁嚴謹既巴士同樣唔見得安全
完全反映到兩樣野：高速唔等於危險，搵食車超速唔單止冒抄牌危險，出事時更直接累自己收入減少，
但正因為無監管，所以有害群之馬累全行；
渣專利巴士係今日已經完全唔係渣車搵食既首選職業，唯一優點係糧期準，而且車輛係巴士公司資產，
反而造成一班"視死如歸"駕駛態度/技術差劣既司機，反正衰夠幾鑊最多無得撈，轉行渣其他車都唔會差得過巴士
同樣容許有害群之馬累全行


而且感覺上部分巴士公司對所謂安全監管根本已經係病態，尤其九巴為甚，
好多時搭九巴望著個司機都幾老下而且編號似舊人，但係路上面都成個新手咁，次次經過燈位、
其他線停經既車站 (離站或會抽出中線)、路口之類都猶猶疑疑，一有咩事就中線都照急剎左先 (往往都唔係必需急剎之事)，
感覺上已經係無暇理會乘客舒適甚至安全，不顧一切只係達到零衝燈零出事 (司機需要負責既撞車)
反之亦有唔少死衝爛衝既新一代九巴司機，駕駛態度極為惡劣，鍾意就亂衝或者亂停，簡直唔似渣緊巴士
新城甚至中巴司機再快都只係充斥著渣大車既惡習，唔似部分新一代九巴司機根本視投訴如無物甚至出意外都無大不了咁


香港交通法例，感覺上只係想搵駕駛者中最易管、最底層既人祭旗，潛移默化令大眾將意外歸究於司機
一方面搞到因循守舊，二黎徒添職業司機壓力，三黎亦使一班病態職業司機一路罔顧法紀 (出事"最多"只係罰錢/坐監，一於少理真係出事先算)

講真, 要提速的話
第一件事係公路線要取消企位

咁多年來唔知係好彩定點, 重大公路意外好似ATR101, AP 撞貨櫃等等都好彩無人企
如果有人企的話, 企位乘客基本上實死無生

用車呢就肯定會多左, 但另一方面睇反而對巴士有利
因為長途巴士一定會有位坐, 增加吸引力,
票價可以輕微加小小
至於用車方面, 運吉可以考慮批12.8米級雙層巴士, 抵銷返取消企位帶來的影響

注: 公路線- 行走時速限制超過80km/h 的快速公路之路線
而巴士限速可以設定為90km/h, 其他設有企位之巴士就維持70km/h 限制

[ 本帖最後由 JF1261 於 2012-6-2 23:25 編輯 ]

原帖由 JF1261 於 2012-6-2 23:21 發表
講真, 要提速的話
第一件事係公路線要取消企位

咁多年來唔知係好彩定點, 重大公路意外好似ATR101, AP 撞貨櫃等等都好彩無人企
如果有人企的話, 企位乘客基本上實死無生

用車呢就肯定會多左, 但另一方面睇反而對 ...

13.7米都得啦....MAN果部仲好太過超豪，唔明點解會用香港路況不行去Ban.....

要知香港還是在用70年代英國公路法原型.....

當年鼓剎私家車急剎仲慢過今時今日既巴士.....係咪為了確保完全剎車不發熱而限制，其實真係好老土.....

其實上高速先會行到盡，如果兩部車同一時間開飛高速去同一目的地(假設無燈位)，
開80 or 90，我諗比開70既巴士唔會快多過1分鐘。

原帖由 JF1261 於 2012-6-2 23:21 發表
講真, 要提速的話
第一件事係公路線要取消企位

提速都唔一定要取消企位啩？
喺香港人口咁密度高嘅地方
取消企位要用多幾多倍車先服務晒原本嘅人？
呢個想法太不設實際啩？

原帖由 sea1986 於 2012-6-3 12:30 發表

提速都唔一定要取消企位啩？
喺香港人口咁密度高嘅地方
取消企位要用多幾多倍車先服務晒原本嘅人？
呢個想法太不設實際啩？

取消企位淨係for 大長途線, 例如北區/大埔/屯門(淨係過海線)/機場等等
其他市區線/短途公路線例如87D, 81C, 屯公M線等等就維持返正常企位

至於用車方面, 就一定會多左, 但計返其實多25-30% 就應付到需求
假設用返12米曲梯車, 都可以坐到90人左右, 如果用12.8m/ 13.7 m 就可以坐到接近100人
一班車就小左大約30個企位(唔好拎合法載客量, 跟本無可能企到咁多人)