巴士新聞檔案：高速巴士無用武之地

原帖由 sea1986 於 4/6/2012 13:44 發表

我唔明企位同提速有直接關係
係有事起上嚟，難道坐喺度會比企係度冇咁易死？

座位可以裝安全帶，企位呢？綁自己喺條柱度？

原帖由 ArnoldC 於 2012-6-4 02:36 發表
講道路安全同地區面積有咩關係？

重有葵涌道並非快速公路。

香港咁細，除咗大西北大埔北區東涌，咩地方都只係一眨眼就到
分叉支線又多
根本唔係條條高速公路都有理由快過 70


外國大咁多
一個區去第二個區可能仲長過喺香港既市區去機場
開 70 都嫌慢

葵涌道係例子，講緊點解只係可以去到 70

原帖由 HF3204@243M 於 2012-6-4 20:38 發表
香港咁細，除咗大西北大埔北區東涌，咩地方都只係一眨眼就到
分叉支線又多
根本唔係條條高速公路都有理由快過 70


外國大咁多
一個區去第二個區可能仲長過喺香港既市區去機場
開 70 都嫌慢

葵涌道係例子，講緊點解只係可 ...

你估人地「外國」日日返工返學都要穿州過省咩？「外國」市內高速公路見識過未？

以城市來說香港面積係非常大。

你話用葵涌道做例子，噉舊東涌道30km/h添啦？你樓下個停車場10km/h添啦？
而家講最高限速，唔係最低限速。應該問點解唔可以行快啲，唔係冇需要行快啲。
我地建議提高限速，都係話有條件嘅路段姐，無條件/唔係高速公路，維持限速無人反對。
重有，點解70就好，60/80就唔得呢？

其實香港計,
我諗最多巴士可以行到70公里既路,
真係唔多,
可能講緊吐露港公路...
行車隧道,
根本日間可以行盡而家法定速度既地方,
其實係唔多..

原帖由 ArnoldC 於 2012-6-4 21:11 發表
你估人地「外國」日日返工返學都要穿州過省咩？「外國」市內高速公路見識過未？

以城市來說香港面積係非常大。

你話用葵涌道做例子，噉舊東涌道30km/h添啦？你樓下個停車場10km/h添啦？
而家講最高限速，唔係最低限速。應該 ...

唔知點解你覺得我認為要限死 70政府 set 咗 70 有佢個道理，不過我亦都講過有部份高速公路要 set 高啲
到而家都唔搞，除咗"管理方便"同"風險管理"之外，我諗唔到點解

蘋果篇文，我指出個問題係香港唔應該同咁大個國家比較
香港嚟講，最遠既我諗係市區入機場，國外可能仲長啲都未頂
所以如果揾城市或者同香港差唔性質既國家 (例如新加玻)，咁先比較有說服力

葵涌道嗰度，雙向五線其實唔係為咗塞車流，而係為咗俾車 cut 線
咁樣都可以解釋到"點解唔可以行快啲"
不過其實都唔應該糾纏落去，或者可能我個例子講得唔好，有其他更加應該講既例子可以講

[ 本帖最後由 HF3204@243M 於 2012-6-4 22:18 編輯 ]

不如咁諗

不如將所有入口既大小車輛,不論法拉利,波子,賓士,寶馬,林寶都硬性規定鎖110km/h

咁就公平LA

原帖由 HF3204@243M 於 2012-6-4 22:02 發表

唔知點解你覺得我認為要限死 70政府 set 咗 70 有佢個道理，不過我亦都講過有部份高速公路要 set 高啲
到而家都唔搞，除咗"管理方便"同"風險管理"之外，我諗唔到點解

蘋果篇文，我指出個問題係香港唔應該同咁大個國家比較
...

比上不足，比下有餘，比大不足，比小有餘....香港好多基建水平仲Top過大把國家.....

以香港咁既地段，在外國足夠起一D環狀高速啦....M25雖然大左D，差唔多啦....

set 70係咩道理，咪就係70年代英國公路法的基礎囉.....

香港好多足夠等級的公路，都只係行緊次一級既限速，入機場條路靚過英國A1掛！車又少過，有咩理由仲要行70.....

這不是交通問題，是駕駛者的權利問題，70年代一部重型車踩70急剎是現代車的3倍距離，你像確保一部i7電腦降到行133Mhz因為確保佢連一度增溫都不會發生一樣....無道理的....

如果無合理理由，我睇唔到行90有任何問題....當然，如果政府承認自己驗車制度，水平落後，倒可以話合理既....

但如果香港好既路都行到歐盟標準，又真係無理由仲70姐....大車放到90都無問題.....同時咪要求裝限速器囉.....一舉2得

全歐盟都行緊

原帖由 238X 於 2012-6-4 14:00 發表
座位可以裝安全帶，企位呢？綁自己喺條柱度？

取消企位只係斬腳趾避沙蟲
一陣唔夠應付又要增加班次
唔加，又趕客，盞晒氣

原帖由 sea1986 於 2012-6-5 00:24 發表

取消企位只係斬腳趾避沙蟲
一陣唔夠應付又要增加班次
唔加，又趕客，盞晒氣

點解睇到cut 企位一定係壤事
如果搭長途巴士係一定有位坐的話, 我相信反而吸引到人去搭
班次當然係要加, 票價亦可以輕微加小小

仲有, 如果巴士公司覺得無數為, 咁咪照用返行70km/h 的企位巴士囉,
咁淨係跑狗呀, 村巴呀, 直通車果d 合法提速到90km/h 咪算 (雖然果堆車已經自己提速左)

[ 本帖最後由 JF1261 於 2012-6-5 08:38 編輯 ]

其實香港長途專利巴士線, 有一個問題就係上客車站較多,
當到去較尾的上客為主車站, 好多時繁忙時間都無咩位剩,
結果企位的空間變得重要, 因為係呢D站, 你等多幾多班車
都好, 係繁忙時間都未必有位坐.....

所以如果無企位, 到時較尾車站d客, 唔會諗到一定有位坐,
而只諗到我車都可能上唔到, 同現時部分小巴路線一樣....
(現時有d線有企位都頂閘上唔到)

要解決唔係唔得, 包括加車, 中途起載, 或甚至加大部巴士
客量, 如新車座位數目已等於現時座位+企位, 甚至再極端d
可能要留位, 即每個車站都配額上車, 平衡等車時間...

但必須考慮, 有關措施會令巴士的角色有所改變

而講到行車時速同行車時間的關係, 如果70km/h 同
90km/h 比, 一般香港道路及路線情況, 放寬可以快幾
多時間呢? 10min定15min?

值唔值得可能都係一考慮, 其實現時即使鎖70, 但車站
設計(如埋站要等), 司機駕駛問題(碌唔碌車), 甚至路線
問題(如多唔多燈位, 塞唔塞)影響行車時間的成份分分
鐘比最高限速的影響更大....

(好似A21, 鎖左車比初時無銷車係慢左, 但更大問題係以前
過左少少大角咀就上公路, 依家行晒成條深旺道先上, D燈
又多又耐, 慢左更多)

當然, 我本身係安全前提下, 唔反對提速, 如加到80km/h,
我覺得都ok, 而企位我自己傾向保留的, 不過可以係扶手,
軟毯等設計去增加安全性

[ 本帖最後由 3ASV196 於 2012-6-5 09:40 編輯 ]