有冇辦法可以減少途經觀塘市中心迴旋處的巴士路線數量？

原帖由 XF206 於 2012-6-6 17:25 發表
正如你所講，來自龍翔道嘅車要入觀塘工業區可以行偉業街天橋同埋由觀塘道入開源道兩個選擇。我估咁多d貨車揀後者嘅原因係唔駛沿偉業街去到觀塘碼頭時再要逆時針兜返入開源道。你建議嘅路線同入偉業街天橋冇咩唔同，一樣 ...

同埋老實講,
偉業街同觀塘道比,
一定係觀塘道路闊...
偉業街雖然有D位叫做三線行車,
一來擺死車多,
二來行車線好多時都係岩岩好...
大車而言,
自然係觀塘道好行少少...

原帖由 XF206 於 2012-6-6 17:25 發表
正如你所講，來自龍翔道嘅車要入觀塘工業區可以行偉業街天橋同埋由觀塘道入開源道兩個選擇。我估咁多d貨車揀後者嘅原因係唔駛沿偉業街去到觀塘碼頭時再要逆時針兜返入開源道。你建議嘅路線同入偉業街天橋冇咩唔同，一樣要兜圈，睇怕貨車未必會用。

行偉業街天橋主要係去九龍灣工業區, 德福花園, 啟德發展區, 大業街一帶, 觀塘偉業街, 鴻圖道, 敬業街, 駿業街, 巧明街及創業街一帶,
即使欣業街擴闊左, 前往紫區車輛一樣係經偉業街天橋入, 但前往綠區就可以改用欣業街入, 分流偉業街天橋及觀塘道迴旋處車輛,
觀塘道迴旋處車輛目的地, 就主要得番興業街, 巧明街近開源道一段及開源道, 去成業街就繼續用偉發道入.

兜圈與否要睇司機取態, 有觀塘道迴旋處唔行行偉業街, 之後先行番敬業街, 成業街轉入開源道, 冇人可以阻到.
去綠區可以用欣業街進入偉業街, 可避免車輛依賴觀塘道迴旋處及開源道再轉入巧明街或偉業街前往, 減低車輛倒塞返迴旋處機會.

回應#17
如果鱷魚恤中心外一段開源道開番北行出觀塘道, 成業街車輛以及冇響成業街公園擺站o既巴士, 可以直接經呢度離開工業區,
唔駛再靠巧明街, 創業街及創紀之城3期通道, 而開源道轉入巧明街就主要俾番貨車轉入去上落貨, 減少因為冇路出返觀塘道
造成擠塞o既機會, 如果配合埋欣業街路口擴闊帶來減少o左o既車流, 即使巧明街仍然有車龍頂返出開源道, 亦可以減低擠塞嚴重性.

[ 本帖最後由 EX-TL 於 2012-6-6 23:01 編輯 ]