六四事件23 週年

原帖由 AVD1 於 11/6/2012 12:27 發表

就算佢做得出, 多個外國勢力冇理由會放生中共 ~

如果你話打仗就真係求之不得，
不過有心理準備自己被核彈整到灰飛煙滅。

原帖由 238X 於 2012-6-13 10:10 發表


如果你話打仗就真係求之不得，
不過有心理準備自己被核彈整到灰飛煙滅。

咁未早日離開香港囉   ...

老實講要對付中共, 我諗外國列強唔會癩到用咁傳統, 好似對負中東個種方法 o既,
而家咁多種方法, 包括打經濟戰等等,

中共如果再黎多次六四,
美帝肯定會拎住呢個機會大作文章,
不過中美兩國其實都好依賴對方, 尤其美帝自身難保,
歐洲直情不提也吧, 列強願唔願意咁樣做又係一個問題 ~

始終而家唔再係一百幾十年前 o既時代,
唔係話列強一野打死中共就可以起中共土地上亂咁插旗,
加上冇人知道中共真正實力究竟去到邊個地步,
列強會唔會咁博 ? 為左所謂人權呢兩個字而犧牲自家利益呢 ?

* 美帝同中共根本就不相伯仲,
不過美帝未至於去到話自己人殺自己人, 只不過起人地國土上無窮放肆而已 ~

原帖由 AVD1 於 13/6/2012 12:45 發表

咁未早日離開香港囉

放心啦，嗰頭近過你所諗，肯定大部份人都走唔切！

原帖由 AVD1 於 13/6/2012 12:45 發表

加上冇人知道中共真正實力究竟去到邊個地步,

外強中乾而已，一推就倒，再加上中國人一盤散沙，
列強插旗掠奪即可補回所失的外貿機會。

[ 本帖最後由 238X 於 2012-6-14 01:30 編輯 ]

原帖由 238X 於 2012-6-14 01:26 發表


放心啦，嗰頭近過你所諗，肯定大部份人都走唔切！




外強中乾而已，一推就倒，再加上中國人一盤散沙，
列強插旗掠奪即可補回所失的外貿機會。 ...

看看老鄉袁崇煥的下場，就知道中國人民係幾咁容易擺佈，
一個有宗教操作而無宗教概念的法輪功可以號召一大班人圍中南海，
日日掛在口邊的愛國愛黨，一個銀彈或甚至一句說話已經可以炸走。

六四過後就到七一,
相信睇過今日報紙就知道究竟發生咩事 ~

老實講我真係唔知大陸究竟咩心理,
俗小小講 - 又要威又要帶頭盔 ~

上面無啦啦死左個人, 中共高層咩聲都唔出,
好啦, 七一要黎香港賀十五年回歸兼賀疑似中共黨員做行政長官,
竟然要調動解放軍...

即係有時大陸就話香港人好敏感,
但係遍遍大陸就係要起敏感時候做小動作 ......

原帖由 AVD1 於 2012-6-16 14:42 發表
六四過後就到七一,
相信睇過今日報紙就知道究竟發生咩事 ~

老實講我真係唔知大陸究竟咩心理,
俗小小講 - 又要威又要帶頭盔 ~

上面無啦啦死左個人, 中共高層咩聲都唔出,
好啦, 七一要黎香港賀十五年回歸兼賀疑 ...

簡單講句就係大家唔同level。

香港人覺得無野比人命及公義更重要；
中南海覺得無野比面子及權杖更重要。

真係大家經歷過的事唔同，心態都唔同。
香港戰後經歷最大的波折係六四、金融風暴、沙士襲港，對生命價值有很深的體會；
大陸戰後經歷最大的波折就係毛式政治運動、六四、法輪功，對群眾「被煽動」好有戒心。
中共亦都明知自己欠下血債，這筆債一定要還，
只係遲還定早還、分期定一筆過定係破產清盤。
尚有忠黨愛國之心的人會覺得而家係危急存亡之秋，唔可以再出亂子；
冷眼旁觀的人如我，看到他們如坐針氈、疑神疑鬼草木皆兵、
領導人在自己國內要由軍隊團團圍住，只覺心涼可笑，早知今日何必當初。

香港人好難要求大陸短期內同香港思想接軌，
但中央亦唔應該小人之心，既然開得孔子學院，讀多幾遍論語啦。

[ 本帖最後由 DIH 於 2012-6-16 15:57 編輯 ]

原帖由 DIH 於 2012-6-16 15:44 發表

簡單講句就係大家唔同level。

香港人覺得無野比人命及公義更重要；
中南海覺得無野比面子及權杖更重要。

真係大家經歷過的事唔同，心態都唔同。
香港戰後經歷最大的波折係六四、金融風暴、沙士襲港，對生命價值有很深的 ...

問題係都過左咁多年, 難道一點兒進步都冇 ?

老實講, 如果而家胡溫要平反六四,
根本冇人會怪佢, 反之佢地會明留千史,
到最後要怪都係怪 1989 年個班人 ~

當然中共政權複雜, 普通人係難以理解,
共產黨入面根本自己都有多個黨派, 關係到不小利益,
要怕清算者就係呢一班人 ~

不過, 就算你話佢遲早要還呢批血債,
係 o既, 呢條數點都要清,
至在唔係清起佢自己身上而係清起佢家族後代之上,
如果其後代又上到共產黨高位之處, 根本到最後都係唔會有得算 ~

到最後, 你話呢條債想中共會還 ?
我就覺得唔好話分期還, 係根本就唔會還 ~

又或者咁講, 大陸貪污呢個問題上根本係死症,
我就真係唔知大陸有幾多個清官, 尤其係高官;
想搞政治呢家野, 自己有把柄比人渣住,
又點會做丫 ...

[ 本帖最後由 AVD1 於 2012-6-17 12:36 編輯 ]

原帖由 AVD1 於 2012-6-17 12:33 發表

問題係都過左咁多年, 難道一點兒進步都冇 ?

老實講, 如果而家胡溫要平反六四,
根本冇人會怪佢, 反之佢地會明留千史,
到最後要怪都係怪 1989 年個班人 ~

我話level唔同就在此處。

假設要平反六四，體制內有冇足夠有料人材，或甚至係有冇這種制度，
可以客觀釐清所有責任、客觀定下賠償及官員賞罰標準？
對於靠錢同摘烏紗解決不到的事，佢地有冇膽有冇胸襟鞠躬道歉？
佢地究竟明唔明白，君子坦蕩蕩小人長戚戚的道理？

而家係面對又死唔面對又死，
一個大毒瘡，唔理佢就越來越大，終將藥石無靈；
想解決問題，就要引刀成一快放膿刮肉，唔經過陣痛，就以後都跑不起來。

某人可以同日本學生講佢係由中國人民選出來的，只有兩個解釋：
一佢係以其人之道還治其人之身，篡改自己登位史以報復日本篡改教科書；
二係對佢而言中國人民只在中南海之內。
假如另一人真有興趣重提六四的話，可以撳到佢的只有一人。

好早我已經覺得最高權力代表的兩位人物，不能相提並論，
先輩揀佢兩個係兩條腿走路互相牽制，維穩醜聞越來越多，兩人更顯貌合神離。
1989年，一個在拉薩清場，一個在紫陽身後，佢地可以有幾合拍？

所以，目前最高權力仍然在路線鬥爭之中，自己都未傾掂數，幾時先輪得到同人民講數？
至於將會上任的習李配，睇落以前應該冇乜角色衝突，
任內亦無大得大失，面目模糊，尚待觀察。

[ 本帖最後由 DIH 於 2012-6-17 14:42 編輯 ]

仲要對共產黨甚至中國人存任何幻想嗎？
香港當年因為有英國佬調教、
台灣國小加上有美方做大，先至民主自由開放，
你話陣痛，我覺得以中國規模同複雜程度，
如果唔好似五代十國咁樣分裂一次，
甚至被外國瓜分，從而各自修行兼互相制衡，好難有任何進步。

總而言之，大一統思想先至係最大障礙。

原帖由 238X 於 2012-6-17 15:29 發表
仲要對共產黨甚至中國人存任何幻想嗎？
香港當年因為有英國佬調教、
台灣國小加上有美方做大，先至民主自由開放，
你話陣痛，我覺得以中國規模同複雜程度，
如果唔好似五代十國咁樣分裂一次，
甚至被外國瓜分，從而各自修行兼互相 ...

大一統思想根本就唔係大陸獨有,
連台灣自己都想 ...

想中國大一統,
一日冇真正民主, 一日冇多黨執政,
呢個話題已經可以免談 ~

不過如果而家要大陸五代十國咁分裂,
到最後最終得益者只會係美帝 ~

與其比美帝騎劫,
我就寧願玩焦土政策一把火燒哂佢都唔想比美帝從中抽到任何水, 甚至起當中漁人得利搵著數 ~