主人寵物郊遊樂 「狗巴士」試行 千人響應

得果千幾人同上百萬人流的公共交通系統比九牛一毛

我呢d對狗毛敏感ge人第一個反對.

千祈唔好投過修例比佢地上車.開左呢個大門,下一步就比話柄話要全部巴士都比狗上
你知啦,家下d狗主,對隻狗仲緊張過d家長錫個仔.直頭緊張過仔.
假日線好似96R呢d本身逼到死.
如果全面批准,一陣一人拉隻狗上1A...車已本身逼.
拉隻大狗唔在講. 你伶多個狗袋上車, 撞到你又唔係.... 淨係本身齋載人都你撞我我撞你.
其他國家幾大,香港幾逼? 英國架巴士頭軸上面可以放行李,香港都唔得啦
咁點解其他國家可以載狗香港就要比.

總之我諗到如果要我坐車都聞住成陣狗味, 落車比d狗毛攪到我隻眼腫晒.
我呢d連7.1都唔去游行ge人,我一定走出來游行

養寵物果班人應該唔係唔知要出街係咁麻煩架啦
咁我認為佢地應該食得咸魚抵得渴囉

用熱狗巴士行車......
總覺得假如真的設立寵物巴士線，仲用熱狗行車，相信好多寵物主人，都唔會全程咁放住隻寵物入袋
否則，寵物真係熱到變熱狗都似
但又唔放入袋內的話，貓狗手腳一旦申出車外，甚至塞車附近有響鞍嚇到跳出車外，引起意外，又是一件麻煩事

原帖由 superay 於 2012-6-11 22:11 發表
用熱狗巴士行車......
總覺得假如真的設立寵物巴士線，仲用熱狗行車，相信好多寵物主人，都唔會全程咁放住隻寵物入袋
否則，寵物真係熱到變熱狗都似
但又唔放入袋內的話，貓狗手腳一旦申出車外，甚至塞車附近有響鞍嚇到跳出車外， ...

我諗起有單七人車跌左隻狗出車既youtube片

原帖由 kei_hk 於 2012-6-11 11:41 發表


其實﹐何謂小型寵物?

只有一個較客觀的標準﹐便是可以用寵物袋孭上身。
上車後﹐以不打擾到其他人為必須的要求。

不過一旦修例﹐又會比一班寵物主人組成的團體話﹐點解唔比乜﹐又點解只限細少寵物。


所以﹐我係唔贊成修例的 ...

唔一定要寵物袋既, 你唔會攞個袋去裝隻龜嘛...
學港鐵整個尺寸限制已經得, 定義個缸/袋喺某某SIZE以下而又裝得落隻寵物既, 就可以當係小型寵物.
修例可以修就修啦, 畢竟永遠隻眼開隻眼閉去對待D行完金魚街既人唔係幾好, 有少少豁免都算係好事.
至於公平既野, 永遠都冇絕對公平架啦...

我有少少好奇有狗毛敏感果位版友, 其實你生活會唔會好唔方便?
皆因出街好難見唔到狗... 你話室外都好D, 有時搭公家LIFT, 都總有一兩次同D狗一齊搭掛.
其實駛唔駛話即刻走返出LIFT, 還是幾十秒可以忍到? 同埋狗毛敏感發作會係點既呢?

原帖由 4437 於 2012-6-12 07:00 AM 發表
唔一定要寵物袋既, 你唔會攞個袋去裝隻龜嘛...
學港鐵整個尺寸限制已經得, 定義個缸/袋喺某某SIZE以下而又裝得落隻寵物既, 就可以當係小型寵物.
修例可以修就修啦, 畢竟永遠隻眼開隻眼閉去對待D行完金魚街既人唔係幾 ...

老實講﹐你會唔會手持一隻金魚﹐龜出街?
買完金魚﹐龜﹐你又會唔會唔妥善去安置魚﹐龜這一些小動物?

有條例是唔希望這些小動物在車上打擾到其他乘客﹐甚至影響司機操控巴士。

雖然係可以修例話xx, xx 類別可上車﹐但試問動物有幾多種? 係唔係真係可以詳列
早幾年﹐有報導講連豬都有人做寵物﹐有時d野真係大家估唔到的。


倒不如不修例﹐不容許動物/寵物上車﹐司機見到便拒絕。
乘客真係帶上車﹐司機看不到﹐又無人發現投訴﹐這便乘客的成功。這即係有如行人在紅公仔過馬路﹐過完馬路無警察捉到便無事的道理一樣。


還有一點一旦修例﹐也要為前線員工著想。定出一個size去決定是否上車﹐很多時爭執便由此起。而且不是每一乘客都願意與寵物相伴的﹐如果法例係容許的﹐其他乘客/巴士司機又點去處理此問題?
要寵物主人換位/落車﹐定係其他乘客換位?
一律唔容許的﹐司機便可趕寵物主人下車﹐不合作便交警察處理﹐大條道理。但條例有容許寵物上車﹐一旦有爭議﹐便會連警察都唔知點去處理。

不知部份小巴線比不不比帶狗上車

原帖由 KG1428 於 2012-6-12 10:13 AM 發表
不知部份小巴線比不不比帶狗上車

根據法例﹐小巴都係唔容許狗隻上車的。

不過司機會唔會按不同環境而作出 "通容"﹐便是司機的事。

原帖由 4437 於 2012-6-12 07:00 發表
唔一定要寵物袋既, 你唔會攞個袋去裝隻龜嘛...
學港鐵整個尺寸限制已經得, 定義個缸/袋喺某某SIZE以下而又裝得落隻寵物既, 就可以當係小型寵物.
修例可以修就修啦, 畢竟永遠隻眼開隻眼閉去對待D行完金魚街既人唔係幾 ...

回答如下：

1）大廈公契不容養狗。電梯內不會有狗出現
2）狗毛敏感和一般HAY FEVER相近，輕鬆會周身痕，重少少會隻眼腫眼痕流眼水鼻水，令外亦可以有鼻敏感症狀例如狂打乞癡，亦可能全身出紅疹。 個別重症會誘發哮喘。

小弟雖然無義務向閣下公開病歷不過為滿足閣下求知慾和挑戰精神，我就話你知我除左無哮喘，其他症狀都發生過。一般都係眼腫同鼻腫。我有有關藥物洗唔洗POST埋以堵非議？

出街的問題，空氣流通有狗行過的反應最多去到打乞黐。但有朋友養狗，我坐過佢架私家車一陣已眼腫同起疹。

希望已解你疑問。