馮檢基建議引入開得窗的冷氣巴士

外國有好多鐵路都冇冷氣啦，由唔見你D垃圾議員建議引入!

如果只係要求 2-3%，咁不如唔好做

議員的叫價一定係 30%

原帖由 053h4 於 2012-6-22 12:07 發表
其實, 冷氣巴士車費貴, 唔應該理解為空調費, 而係新車車價同維修都貴左
如同國內所該綠皮非空調列車, 換紅皮加價, 主因係"25G叫新型車體", 唔係單係空調費

冷氣巴士開到窗, 我做票價最多都係減2~3%, 而運作上又麻煩 ...

原帖由 KC7813_ATS64 於 2012-6-21 17:09 發表
講真我就不同意引入能開窗的空調車, 更不用說分冬季夏季時段營運模式. 現在香港人多車多, 一架巴士多人起來真是不能開玩笑, 就算是冬天也好現在氣溫高於15度的日子非常多, 香港地方潮濕, 人容易出汗, 在乘客多的時候 ...

正解！香港大部份日子都高濕度，得四分一日子（仲要唔係市區路線）適宜無空調開窗，如果真係要引入，建議應引入私家車的鎖窗系統

原帖由 kei_hk 於 2012-6-14 21:45 發表


重鐵除馬鐵外﹐都仲有隧道﹐要開冷氣的。

係要用作例子﹐最好便是輕鐵全程無隧道﹐部部車都已經有通風窗﹐有齊所需的條件。

或者咁樣講, 巴士作為交通工具嘅競爭者, 有地鐵, 火車, 電車, 纜車, 輕鐵, 輪船, 小巴, 的士, 校巴, 褓姆車, 私家車, (人力車?)
除咗個別例子(例如CUHK 校巴), 幾乎全部都已經裝置空調設備, (或者叫冷氣).
既然快又快唔過人, 班次亦做唔得密, 又唔夠特色, 仲要唔開冷氣?
大熱天時冇咩意欲幫襯個噃. 80年代地鐵標榜班次準, 打風都唔怕冇得搭.
理論上係贏哂, 但點解當時仲有得做? 因為一程車費比巴士貴囉.

宜家港鐵合併後票價半賣半送, 兼且覆蓋率高, 新市鎮某條屋邨都有鐵路接駁車提供, 嗰程接駁轉上鐵路都有優惠,
巴士行業喺正嗰區正一冇啖好食. 如果巴士唔係因為有得坐低抖下, 價錢上, 時間上, 方便性都好難鬥.
港鐵最近加咗價, 都唔見得市民會因為貴咗而轉搭其他交通工具.

既然冇生意, 咪惟有減班次囉.   情況就係咁樣喇.

原帖由 king 於 2012-6-24 20:07 發表

或者咁樣講, 巴士作為交通工具嘅競爭者, 有地鐵, 火車, 電車, 纜車, 輕鐵, 輪船, 小巴, 的士, 校巴, 褓姆車, 私家車, (人力車?)
除咗個別例子(例如CUHK 校巴), 幾乎全部都已經裝置空調設備, (或者叫冷氣).
既然快又快唔過人, 班次亦做唔得密, 又唔夠特色, 仲要唔開冷氣?
大熱天時冇咩意欲幫襯個噃. 80年代地鐵標榜班次準, 打風都唔怕冇得搭.
理論上係贏哂, 但點解當時仲有得做? 因為一程車費比巴士貴囉.

其實無人話大熱天時巴士唔開冷氣bor,  講緊係巴士冬天可以開窗唔開冷氣...

用返你的例子, 地鐵, 火車, 電車, 纜車, 輕鐵, 輪船, 小巴, 的士, 校巴, 褓姆車, 私家車,

除左港鐵外, 電車, 纜車本身無冷氣(唔算個別例子吧), 而輪船, 小巴, 的士, 校巴,
褓姆車, 私家車, 唔少冬天都唔會開冷氣, 可以開窗, 如果巴士冷天唔開冷氣可開窗,
相對上好合理, 又唔係競爭唔到jei

[ 本帖最後由 3ASV196 於 2012-6-24 22:09 編輯 ]

事實上，香港大部分新生代物質太豐富，成長過程中，冷氣成為生活必需品，自入學開始(幼稚園、小學、中學…)，家居生活，全天候開冷氣。
由於一般家庭經濟較充裕，他們根本不知道，亦不重視開冷氣所產生的電費有多高、所虛耗的能源等。
由於他們認為這是必需品，要放棄必需品，就如叫地球人放棄電燈一般。
就本人看法而言，我亦認同冷氣是生活必需品，但只限於夏天。秋冬日子，巴士開行冷氣，其實和冬天在家開行冷氣相比，有着很多的共通點，兩者同樣有浪費之嫌。
秋冬氣溫清涼，打開窗戶讓空氣流通，是否難受至不能忍受？這實在值得一衆未來香港新生代所反思…

理性表達，如有冒犯，敬請見諒。

巴士車廂咁多人坐(除非係非繁忙時間的載空氣線啦)，仲有機會客滿時有人要企；點可能同你屋企比話唔開就唔開冷氣啊！？多人搭的線就算到咗冷天如果唔開空調唔熱都够焗暈人啦！點解要逼巴士公司走回頭路變相做返熱狗巴士服務？相對於而家客量第一位的港鐵，無人要求佢地的車廂可以冷天時開窗喎。

原帖由 kj9021 於 2012-6-25 09:55 發表
巴士車廂咁多人坐(除非係非繁忙時間的載空氣線啦)，仲有機會客滿時有人要企；點可能同你屋企比話唔開就唔開冷氣啊！？多人搭的線就算到咗冷天如果唔開空調唔熱都够焗暈人啦！點解要逼巴士公司走回頭路變相做返熱狗巴士服務？相對 ...

我又覺得好奇怪喇, 巴士車廂點多人,都唔夠電車咁迫人, 過往巴士行熱狗, 3+2坐位, 一樣可能企滿人,
呢2樣野又幾時試過冷天都焗暈人?

相反, MTR 就算有冷氣, 繁時朝朝都會有人暈.....因為焗唔焗, 暈唔暈, 唔只關開唔開冷氣事, 因為唔只係溫度問題,
而是人多有無足夠鮮風的問題, 基本上, 冷天空調巴士係可以焗過可開窗的巴士的, 因為冷氣車問題係鮮風唔夠....
D車冷天仲要開埋暖氣....

你講例子都用返d實際情況去睇返會好D吧...多人= 冷天就要開冷氣, 本身概念上技術上都係錯, 多人要做的係要通風..

p.s. 港鐵唔少隧道行車, 亦涉及鐵路保安問題, 如有無人會拗D野落路軌, 本身情況唔同, 雖然輕鐵我覺得可以

[ 本帖最後由 3ASV196 於 2012-6-25 10:35 編輯 ]

原帖由 kj9021 於 2012-6-25 09:55 發表
巴士車廂咁多人坐(除非係非繁忙時間的載空氣線啦)，仲有機會客滿時有人要企；點可能同你屋企比話唔開就唔開冷氣啊！？多人搭的線就算到咗冷天如果唔開空調唔熱都够焗暈人啦！點解要逼巴士公司走回頭路變相做返熱狗巴士服務？相對 ...

又引用另一例子，現時部份學校已經意識到浪費能源問題，已經開始如你所述的「走回頭路」- 即在秋冬季關掉冷氣，打開窗戶使空氣流通。班房四十人擠在一個空間內一整天，秋冬關掉冷氣也不致太難受吧，更何況巴士乘客一般四十五分鐘左右的車程？
我用家中作例子，已預計會有人以家中人數少這理由反駁，但由於讀者未必人人仍在學，用「冬天家中開冷氣」作例子會較易讓大部分人代入例子中。
事實上，本版很多師兄以「要做，港鐵亦應該同樣做到啦」為理由，反對活窗式空調巴士，我想指出，兩者其實沒有衝突。
正如其他師兄意見：巴士能夠做，不代表港鉄不能做（例如輕鉄）；港鉄拒絕做，亦不代表巴士冬天開窗是壞事；如果有人認為港鉄也應該做，亦可以提出要求和討論，兩者其實是兩個獨立議題，不應綑綁在一起，相題並論啊

[ 本帖最後由 wawa0006 於 2012-6-25 10:57 編輯 ]