1997年八佰伴全線結業+與吉之島嘅比較?

原帖由 jpoon 於 2012-6-17 23:51 發表

悅來係先變成熊貓百貨，然後先間細舖，最近先由吉之島承租，唔係直接由吉之島接手既

就算係而家吉之島, 以我所知佢地都唔係租哂整個悅來坊 ~

Timeline 應該係
八百伴 > 熊猫百貨 > 細鋪 (下層全封) > 悅來坊 > 悅來坊翻新順開吉之島 ~

有錯請指 ~

原帖由 sam745522 於 2012-6-15 12:41 發表
如題,聽聞當年八佰伴全線結業搞到滿城風雨,仲曾經有大平賣
各板友可否分享下當時嘅情況?
有冇有關當年八佰伴結業嘅新聞報道或剪報,其結果造成嘅影響有幾大?
以前八佰伴嘅舖位而家係咩用途?

另外我都想問,八佰伴同而家嘅吉之島有咩分別?
而家嘅黃埔同太古城吉之島都人來人住,同當年嘅八佰伴有冇得比?
聽講八佰伴仲可以玩機動遊戲? 唔知係點嘅樣?

thx!

相信你講緊太古城個間 Jusco 即係指康怡個間,
不過康怡廣場個間吉之島早起 1987 年開, 一開始已經係 Jusco, 並唔係八伯伴來的 ~

PS. 我只係搵到呢份有開八伯伴 o既報導,
http://the-sun.on.cc/channels/news/20020829/
2002 年太陽報 ~

[ 本帖最後由 AVD1 於 2012-6-18 10:10 編輯 ]

屯門八佰伴也不是一結業就是吉之島，好像係用番八佰伴的形式，並改名好似叫做「生活天地」做左一段時間，之後先再改裝為吉之島。

原帖由 butterfly 於 2012-6-18 10:11 發表
屯門八佰伴也不是一結業就是吉之島，好像係用番八佰伴的形式，並改名好似叫做「生活天地」做左一段時間，之後先再改裝為吉之島。

當年屯門八佰伴突然結業, 屯門市廣場人流大減, 業主信和就叫晒以前在八佰伴的專櫃經營者繼續交租, 並在原位繼續營業, 當然交租梗係交給信和啦, 亦都唔係所有專櫃都接受此安排, 直至舖位租予吉之島才交由吉之島收舖裝修, 而呢堆專櫃入面, 唯獨是香港最好電器在原位經營至2011年才賣給蘇寧.

原帖由 KZ1103 於 2012-6-16 23:57 發表
歡樂天地、聖安娜同大滿貫都曾經係八佰伴旗下

八佰伴執左15年, 藍田匯景間聖安娜同大滿貫仍然健在

多謝咁多位師兄嘅解答,另想問當時嘅歡樂天地同冒險樂園係遊戲同獎品上有咩分別?
歡樂天地點解為人所詬病?冒險樂園點解咁好生意? 第一間冒險樂園位於邊度?
thx!

原帖由 sam745522 於 2012-6-18 23:18 發表
多謝咁多位師兄嘅解答,另想問當時嘅歡樂天地同冒險樂園係遊戲同獎品上有咩分別?
歡樂天地點解為人所詬病?冒險樂園點解咁好生意? 第一間冒險樂園位於邊度?
thx! ...

以前歡樂天地換嘅都係小禮物or文具
實際用途唔太大

但係當年冒險樂園係換電器
(no matter大細電器都有)
即使冇list到,你都可以抄低model再搵佢報價
所以感覺上冒險樂園換嘅禮物實際好多

可能呢個係冒險樂園極速彈起嘅原因之一

原帖由 JX9097 於 2012-6-19 05:24 發表


以前歡樂天地換嘅都係小禮物or文具
實際用途唔太大

但係當年冒險樂園係換電器
(no matter大細電器都有)
即使冇list到,你都可以抄低model再搵佢報價
所以感覺上冒險樂園換嘅禮物實際好多

可能呢個係冒險樂園極速 ...

其實歡樂天地唔係冇電器換, 曾有段時間有流行CD, Swatch之類的東西換的, 但需要的獎票比冒險樂園多很多, 而歡樂天地可供換取的公仔都是一些不知名的平價貨, 或者一些劣等玩具文具, 都是歡樂天地的致命傷, 尤其是冒險樂園愈做愈大時, 歡樂天地死得更快.
記得當時同一部推銀機, 每推跌一個金幣, 冒險樂園出九張獎票, 歡樂天地卻只出三張獎票......

[ 本帖最後由 gordon 於 2012-6-19 08:19 編輯 ]

原帖由 gordon 於 2012-6-19 08:10 發表
其實歡樂天地唔係冇電器換, 曾有段時間有流行CD, Swatch之類的東西換的, 但需要的獎票比冒險樂園多很多, 而歡樂天地可供換取的公仔都是一些不知名的平價貨, 或者一些劣等玩具文具, 都是歡樂天地的致命傷, 尤其是冒險 ...

咁我又有興趣想知究竟當年歡樂天地及冒險樂園究竟要幾錢一個代幣 ?
如果前者比後者平, 禮物質數較為劣等都係正常 ~

年代久遠, 我自己都唔係好記得究竟要幾錢,
只係記得我屋企到最後有一大堆歡樂天地票冇換到 ~

原帖由 AVD1 於 2012-6-19 08:31 發表

咁我又有興趣想知究竟當年歡樂天地及冒險樂園究竟要幾錢一個代幣 ?
如果前者比後者平, 禮物質數較為劣等都係正常 ~

年代久遠, 我自己都唔係好記得究竟要幾錢,
只係記得我屋企到最後有一大堆歡樂天地票冇換到 ~ ...

臨結業前, 歡樂天地代幣好似係$4一個, 記得太古城間歡樂天地初開幕時都要$3一個代幣, 都比起現在冒險樂園貴得多.