平日星期五下繁東鐵旺角東北行特車縮短服務範圍

原帖由 mtrpong 於 2012-6-23 17:49 發表


我琴日就係九龍塘上呢班車, 第二卡我都可以有位坐
其實我覺得下繁開車去大埔墟都唔實際, 根本疏導唔到北上客, 有好多北上客都企返係月台無上車 ...

平日星期五北上客已經比平日一至四明顯為多,
昨日仲要係端午節前夕, 北上過境客更多,
但偏偏果班特車揀正星期五先去大埔墟,
昨日仲要唔等直通車就已經急急開出!?!?!?
港鐵係想試行大埔墟做總站都唔好揀星期五啦
星期五果日已經因為乘客太多而導致東鐵明顯誤點,
每班車都誤點至少5-6分鐘,
去到晚上20:25後, 紅磡站PIDS仲係不斷顯示打後4班車相距1-2分鐘,
實際發車時間同原訂時間比, 嚴重濟後

開去大埔墟的目的梗係疏左班大埔客.....
如果係LOW 車, 由九龍塘去到大埔墟, 架車都落左一半客,
所以大埔墟實有位上車北上 ~
只係D 客怕麻煩先等 LOW 車~ 其實去到TAP 再轉下一班, 仲可以舒服 D,  又唔怕迫唔到上車.....

原帖由 mmlcs36 於 2012-6-24 00:54 發表


如果玩到盡D
OCC可以俾架車照打出黎去羅湖
然後到大埔墟就話車務調動要暫停服務

反正東鐵成日都有改終點站，唔差在多一兩班..

掉番轉就試過姐....
咁做仲得罪埋粉嶺上水客, 收投訴實收到手軟....

其實我好耐以前見過下繁有MLR北行,過左大學站,臨入隧道前個司機開咪話壞車,要D客係大埔墟轉車
清哂客之後,架車迅速向南駛走
我連續兩日搭同一班車,兩日都係咁
之後第三日搭返同一班車,再無呢D事發生

[ 本帖最後由 EU5472 於 2012-6-24 20:17 編輯 ]

原帖由 ES464470X 於 2012-6-23 11:17 發表


昨日星期五仲好似直情取消左呢班車.....
(或是提早開出?)
1835果班直通車延遲至1845開出後,
旺角東站1號月台沒有加班車泊係度,
搞到九龍塘站北行月台迫到水泄不通
(昨日仲要多人趁端午節假期北上, 人流已經比 ...

22/6 黃昏有大埔墟特車，亦有羅湖加班車。

根據mtrupdate, 呢班車改大埔墟係減少大埔墟北行嘅擠塞情況, 逢星期五試行, 16/7 回復正常.

今晚應該開左2班大埔墟北行車

一班大約18:20 開, 一班我估都係係返直通車之後開 (我見PIDS 第2 班係2X 分後開, 大埔墟做總站的)
後開果班放左係貨場到

但問題就來, 我坐果班車係紅磡比平時等多左大約3分鐘先開 (我坐倒頭車的), 不斷有廣播話前車未開
原因係要等貨場部車入旺角東1 號月台
去到旺角東開始有人上唔到車, 九龍塘成個月台都係人 , 最後每卡有十多廿人上唔到車

今天晚上亦有旺角東特車
好似由大埔開出