唔好意思舊事重提, 有關九巴40轉特快

原帖由 sunnykam 於 2012-6-18 23:32 發表
睇左咁多野, 好似有好多版友只會識搭巴士, 有時仲要係複雜嘅搭法...呢度係巴士討論區JE, 香港地仲有地鐵, 小巴...見到有人話"no bus from Castle Peak Road to Kwun Tong", 即刻諗, 佢似乎將成條街寫住去"官塘"嘅小 ...

即係荃灣可以由$13紅小變成多個選擇$8半特快，
而九龍西就要由平均一程$6.9有位坐的40，變成坐$9一樣車程的紅小，或俾$7.3企25分鐘MTR，
咁樣拉走40叫無可厚非?


仲有，早繁青山道幾難上官塘紅小你又知唔知？  非繁官塘紅小碌車隨時同40差唔多車程你又知唔知？
觀荃需求係好大(睇$13紅小都知)，但咁就可以唔理九龍西客"企"或者"貴碌"嘅情況？
荃灣乘客慳錢慳時間，背後就劏九龍西，點解要由九龍西乘客補貼觀荃？


個人唔反對40提速，但必須有足夠而合理的替補(特別係RDP未提及的九龍西<>觀塘段)。
[1] 跟RDP加密6D至11分鐘一班，並延長至觀塘市中心。
或 [2] 真係唔能夠延長的話，唯有增設
九龍城與1A,11B,11D,13D,14,15,16,17線第二程減$5.2/免費轉乘，望能確保5分鐘內轉乘觀塘路線，
並比原40線便宜，另加密6D至10分鐘一班，彌補一程變轉乘的不便及舒適度降低的壞處。

(p.s. 小弟偏向#1，因為東西九線相對新界線短程，但仲要轉乘的話，其實幾難接受)

[ 本帖最後由 hon_son_wilson 於 2012-6-19 09:53 編輯 ]

原帖由 telford5d 於 2012-6-18 09:35 發表
其實大家有冇諗過，應該要改的路線，係42C而唔係40呢！點解冇人去提議將42C拆線？
以今日42C的車輛數目去一開二，相信都夠車做，
一條主力做青衣島，過北橋後→荃灣路→葵涌道→呈祥/龍翔道........
另一條可以由愉景新城/荃灣西站/如心廣場開出，之後行青山公路→呈祥/龍翔道(原42C路線).....
點計都好過郁40啦！

42C唔行荃灣及青山公路一段，起碼可以快十分鐘，又少了一班華員邨返學的
學生爭位坐，對青衣乘客百利而無一害；
荃灣區及荃灣市中心一帶又可以有一條直接的路線來往東九龍，唔駛受紅頂氣同
迫地鐵，得益更大！

未幫觀塘<->荃葵青新增資源之前，就貿貿然拆42C，我其實有保留。
因為42C而家本身已經係超負荷，但係得30架車行，
如果拆一條青衣直上呈祥道，非繁還可以，
但係以繁忙時間客量，應該都要做到7-8分一班先夠載，
起碼要用15架車，不過同一時間
荃灣巿中心的客量絕對同成個青衣島有得揮，拆剩果條觀荃真特快，
用15架車做，就算有38同40P幫拖，
應該都應付唔到上葵出觀塘的需求。

而家40其實只係用緊荃灣同觀塘的資源去serve流水客，
而唔係真係服務緊觀荃，同時
40P全日的聲音又好大，亦的確有需要全日，
重要性絕對大過青山道<->觀塘呢d仲有其他選擇的需求。
但係如果無法子幫觀塘<->荃葵青新增資源，
的確無辦法令到40P全日。
如果就咁拆42C，結果只會係繼續超負荷之餘，40P可見將來亦無法全日。

當然我認同配套可以做得好少少，
例如拉6D入觀塘巿中心，填補青山道/石硤尾來往觀塘的空缺，
我覺得係可以接受（但係實在無需要拉去麗港城，
而拉去觀塘巿中心，
估計亦會將班次由RDP建議的11分一班拉疏至12分一班）
另外荃灣<->九龍城需求大過青衣<->九龍城好多，
其實可以考慮直接將42搬去荃灣做總站，來回繼續行荔景山路，
西行甚至可以改行太子道天橋而唔行汝州街、長沙灣道，
唔入石硤尾抵銷返行荔景山路增加的時間。
青衣就補返轉乘，同埋拉43M經荔景山路落美孚，
反正佢地要42主要都係為左瑪嘉烈醫院而唔係九龍城。

當然，唔拉6D入觀塘的話，我亦同意有需要補返
2A/6D<->1A/11B/11D/17的轉乘，而唔係好似而家限死轉13D/14/15/16，
到時就算要轉車都好，起碼九龍城<->觀塘一段都可以有車海班次。

[ 本帖最後由 S3BL100 於 2012-6-19 10:30 編輯 ]

原帖由 DIH 於 2012-6-18 12:51 發表

而家條新40連有人建議過的38落葵涌道出九龍的opportunity都block埋。

其實改40未必封左38行葵涌道出九龍之門，相反係容易左，
因為資源多左，38長遠未必有需要再兼顧東北葵出觀塘的需求。

40改半特快之後，觀塘<->荃葵的可用資源由53架車加到63架，
長遠而言，最理想格局係咁：

38 改經葵涌道、美孚，加經葵涌村並縮短至藍田站（避免加價），
主要做葵盛/葵涌村/葵芳/美孚<->東九

40 改經上葵一段青山公路，進一步縮短荃灣<->東九的車程，
主要做荃灣/大窩口/青公<->東九，預料需求最大係佢，繁忙時間最密可以5分鐘一班

42C 不經荃灣、青公

40P 全日，延長至平田

但係要做到呢個完美格局，唔增加資源落去觀塘<->荃葵個package的確係唔可能。

至於40半特快經美孚，荃灣方向要落到昇悅居調頭的確麻麻地，
但係觀塘方向落一落美孚其實唔會慢好多，我估只係慢5分鐘左右，
兩個方向的行車時間的確同港鐵有得揮，
尤其是荃灣巿中心唔少位置都唔係真係好近港鐵站，40依然有一定吸引力。

40經美孚，除左方便九龍城客轉6D外，
亦係為左順便做美孚<->觀塘、觀塘->昇悅居半特快，
唔使成個深水步強烈反對，除笨有精。

原帖由 nlb_37_38 於 2012-6-17 18:48 發表

而且根據運署的估計, 改路都只能快15分鐘(78>63),  

其實根據呢個版早前有版友親自數客的數據，
九龍灣<->麗港城一段都要17-18分鐘，
扣除呢段，如心廣場至九龍灣大概都係九個字多少少搞掂，
由如心去大窩口，行沙咀道/荃富街，都要10分鐘左右，
因此其實大窩口去九龍灣都係30-35分鐘，同42C差唔多，
40落美孚抵銷返42C入新蒲崗。

仲未計沙咀道/如心廣場果頭行去荃灣港鐵站都要兩個字，
而我搭過好多次港鐵來往荃灣同九龍灣，淨計車程都要七個字，
因為對於如心廣場/沙咀道/楊屋道一帶出發的乘客，40時間上依然有優勢，
當然一定快唔過紅小，但係40-45分鐘出到九龍灣/觀塘係合理，
仲有回程如果係九龍灣出發，搭紅小倒頭車去宜安街根本唔快。

原帖由 hon_son_wilson 於 2012-6-19 01:50 發表


即係荃灣可以由$13紅小變成多個選擇$8半特快，
而九龍西就要由平均一程$6.9有位坐的40，變成坐$9一樣車程的紅小，或俾$7.3企25分鐘MTR，
咁樣拉走40叫無可厚非?


仲有，早繁青山道幾難上官塘紅小你又知唔知？  非繁官塘紅小碌 ...

九龍西出觀塘, 無左40, 行多兩三個街口仲有296C.
出九龍城, 選擇更多, 有平有貴任君選擇.
近界限街的仲有大大條1A.
拉走40 不但無可厚非, 仲係非常合理.

紅小有留位服務,
打個電話已經得, 你仲可以有咩怨言?
再講,
非繁紅小係咪架架都碌車先?
我唔排除會有紅小故意碌車, 但你唔可以期望非繁紅小架架打得爆.

你話"劏","補貼", 我唔認同,
至少仲有好多的方法往返觀塘,
只係你當唔當已有的方法當作為替代交通.
無左40, 唔見得無合理替代往返觀塘.
係資源有限下,
更改40 係最實際, 合理的方案.

原帖由 hon_son_wilson 於 2012-6-19 01:50 發表


仲有，早繁青山道幾難上官塘紅小你又知唔知？  非繁官塘紅小碌車隨時同40差唔多車程你又知唔知？
觀荃需求係好大(睇$13紅小都知)，但咁就可以唔理九龍西客"企"或者"貴碌"嘅情況？
荃灣乘客慳錢慳時間，背後就劏九龍西，點解要由九龍西乘客補貼觀荃

終於再有人提出呢個問題
非繁起青山道等巴士
見親堆紅小都係碌車

亦都親身試過
40係快過架紅小既

九龍西出觀塘, 無左40, 行多兩三個街口仲有296C.

are you kidding?
要人比將軍澳價由九龍西去觀塘
行得落去荔枝角道...點解唔搭地鐵仲要幫襯巴士

[ 本帖最後由 hong28828 於 2012-6-19 11:33 編輯 ]

原帖由 張偉沖 於 2012-6-19 10:57 發表


九龍西出觀塘, 無左40, 行多兩三個街口仲有296C.
出九龍城, 選擇更多, 有平有貴任君選擇.
近界限街的仲有大大條1A.
拉走40 不但無可厚非, 仲係非常合理.

紅小有留位服務,
打個電話已經得, 你仲可以有咩怨言?
...

"行多兩三個街口"你都講得出...
你不如親自試下由李鄭屋邨/青山道行出去荔枝角道，無20分鐘都行唔到。
(好唔好cut埋6D，叫人行出坐42,12A??)

小弟試過有次早繁打去留位(東京街)，對方一句「無位」就cut左線，或者係我唔好彩啦。
但係事實上，朝朝都有一班客沿保安道逆行，要行到蘇屋排隊上車，仲要班班打爆即走。

觀荃由$13減至$8，東西九就由$5.7加至$9，變相短加長減，唔係"補貼"係咩?

原帖由 hong28828 於 2012-6-19 11:31 發表

終於再有人提出呢個問題
非繁起青山道等巴士
見親堆紅小都係碌車

亦都親身試過
40係快過架紅小既


are you kidding?
要人比將軍澳價由九龍西去觀塘
行得落去荔枝角道...點解唔搭地鐵仲要幫襯巴士 ...

港鐵都收人$7.3,
296C 收$7.5 根本一d 都唔貴,
而且回程只係$6.5,
兩程加埋除2 都係七蚊,
呢個價算係好合理.

原帖由 hon_son_wilson 於 2012-6-19 11:36 發表

"行多兩三個街口"你都講得出...
你不如親自試下由李鄭屋邨/青山道行出去荔枝角道，無20分鐘都行唔到。
(好唔好cut埋6D，叫人行出坐42,12A??)

小弟試過有次早繁打去留位(東京街)，對方一句「無位」就cut左線，或者係我唔 ...

你拎李鄭屋邨這個extreme case 去證明青山道行出荔枝角道好遠根本唔合理,
如果乘客目的地係西九龍中心, 黃金, 鴨寮街一帶,
行出去荔枝角道根本唔需要二十分鐘咁多.
況且,
青山道上車的乘客的原來目的地未必係青山道沿線.

我從來無講過cut 6D,
我只係話係有合理的替代交通之下, 40 改道係一個合理的方案而已.

原帖由 張偉沖 於 2012-6-19 11:48 發表


你拎李鄭屋邨這個extreme case 去證明青山道行出荔枝角道好遠根本唔合理,
如果乘客目的地係西九龍中心, 黃金, 鴨寮街一帶,
行出去荔枝角道根本唔需要二十分鐘咁多.
況且,
青山道上車的乘客的原來目的地未必係青山 ...

40本身行青山道，李鄭屋邨只係normal case


RDP內有關九龍西<>觀塘的替補方案，唔好話"合理"，係根本無。