[集思廣益]為九巴合法地做數

原帖由 miklcct 於 2012-6-22 12:37 發表


對岸的巴士不是經常入錯路嗎？

有幾經常?
一個司機熟習同總站的其他路線有何不妥?
新城行呢套制度, 行之有效.

原帖由 FBI2 於 22/6/2012 09:47 發表

不過,預左公會有不滿,但還又死,掂又死,短期罷工,總好過長期脫班.

罷工等於俾政府口實取締專營權。

如果係橫又死、掂又死，咪交牌囉，或者政府即刻取締佢專營權囉。
反正都係死，大家一齊死囉，好過咁樣吊頸吊唔死先啦，係咪？

咁o既標題都有人開

究竟依家愛巴士定係愛巴士公司?
係希望佢做好本份，定縱容佢提供更差服務俾市民?

係味有病,而家有人呃我仲要我諗計幫佢繼續呃人?
問題其實有兩邊.
一係吾夠人.
二係D線唔識執,74X個D好明顯可以拆兩條都唔識做,其他班次整個22-25叫人點等,點解要22-25唔全部25?根本就唔識企起客GE立場諗,

九巴執左,
無巴士比我搭無相比我影好大鑊嫁喎
遲點執笠對大家都無益,
而家係左右為難, 又唔想佢執, 但又真係唔達標, 唉
其實而家佢都知道自己衰嫁喇,
比時間去睇吧,
我相信會進步喇

原帖由 FBI2 於 22/6/2012 09:47 發表


其實,九巴重新大執編更,全部行跳飛機制,車唔跟人,同埋一個車長渣3-4條線,咁咪可以善用人手囉.

不過,預左公會有不滿,但還又死,掂又死,短期罷工,總好過長期脫班. ...

新城果套也要為出車率跑數
九巴成也ISO9001,敗也係張爛鬼證書
搞到間公司好似好有規則,全部車長係要有底先可以渣果條線
原來係死路一條
對市民來說,部份港鐵接駁線交由港鐵負責營運可能會有一番新景象
起碼轉鐵路有優惠先

原帖由 2500 於 2012-6-23 00:41 發表

新城果套也要為出車率跑數
九巴成也ISO9001,敗也係張爛鬼證書
搞到間公司好似好有規則,全部車長係要有底先可以渣果條線
原來係死路一條
對市民來說,部份港鐵接駁線交由港鐵負責營運可能會有一番新景象
起碼轉鐵路 ...

冇底都做得 .... 係好靈活
但唔熟路 發生意外既機會都係高左

有底都叫做識條路 , 知道有咩注意既地方
跟線既時候卡佬都可以通知聲 , 留意下
冇底就叫你做 , 盲宗宗咁
行錯路又唔定 搵路搞到撞車又唔定

咁你話啦 , 你要靈活定安全 ?

原帖由 jd2522 於 2012-6-22 08:19 發表
其實一直有一個疑惑
九巴近年一直強調車長不足導致收車
但每逢運輸處Check數好多收車字軌會出返幾日
最近又出現九巴聲稱非篤數但非常特別的短程班次
如果一般人睇落去，九巴一方面強調車長不足，另一方面比運輸處警告後 ...

呢間公司好得意架,同一個字軌係多人唔番工果時就寫欠車長收車,
好啦到雙補水果d日子個個番哂工就寫欠車收車,五六十個司機坐係派更部,
原因係因為根本間廠唔夠車應付全部司機都番工

至於點解check數果時永遠出得齊車交數,咪就係收條冇check數o既線咁咪多左部車同人可以用
除非運輸處全九巴路線一齊check數,如果唔係check幾多次九巴都會交得足數

聽聞黎緊運輸處有個大型o既查數行為,而家九巴用一份所謂o既年終獎金引誘班月薪銼少d假
但班司機認為公司實會有d陰招令到佢地最終拎唔到,所以決定都係放多幾日假好過

講真...九巴執左就真係冇著數
到時就鐵路霸權

最好就管理層認認真真解決問題新鴻基咁多錢...唔係有佢死呀

[ 本帖最後由 busfunfun 於 2012-6-23 02:54 編輯 ]

原帖由 Anpretext 於 2012-6-22 03:22 發表
其實個脫班率係點計?九巴可唔可以係咁將車比D短途路線, 好似282,284咁,
咁咪可以做多D班次出黎囉?

170 已經做緊 (過鐘車調走 284)

原帖由 siupy 於 2012-6-22 11:59 發表

又唔見對岸有問題

我諗係九巴本身司機比較有要求有關
九巴跳飛機都只係限同一條線跳 , 但已經惹起部份師傅不滿