[認真討論mode]其實九巴可唔可以做八達通雙向分段收費呢?

原帖由 samuelho668 於 2012-6-25 19:17 發表
其實可以每個巴士站整個八仔機 用黎退車資
要用優惠的話上車前嘟一下巴士站的八仔機記錄上車位置, 再上車用八仔比錢記錄路線
落車再嘟一下巴士站八仔機退錢
要退錢就要乘搭指定路線同指定上落車站
不過會好大工程 ...

咁樣就涉及硬件問題
而家好似 3ASV196 兄咁講，
只要九巴更新八達通程式，
咁就已經可行。
並唔需要額外裝新機，
車務調動亦更靈活。

當然，
八達通雙向分段唔可以所有線都實行。
其實現時新城都有八達通雙向分段，
佢地都唔係所有線都實行啦。

所以當九巴有八達通雙向分段，
就可以將現存既現金雙向分段變做八達通。
亦都可以於部分流水線實行，
例如： 73A, 78K, 299 等郊區線

原帖由 SSBT 於 2012-6-25 20:03 發表
所以當九巴有八達通雙向分段，
就可以將現存既現金雙向分段變做八達通。
亦都可以於部分流水線實行，
例如： 73A, 78K, 299 等郊區線

西貢去泥涌/馬市/富安，收全費都唔知幾和味
如果299都要雙向分段收費，睇怕九巴唔加價都唔得

原帖由 3ASV196 於 2012-6-25 09:43 發表


其實都係那一句, 點解要假設一實行所有路線都一定要設雙向分段,
所有路線都變哂流水線?

其實好多野唔係非黑即白, 亦唔係所有野一實行就一定全面推行吧....

好似我之前文章講, 其實實行時都可以將路線分成2類,  ...

要巴士公司為左一個幾毫嘅婆媽數去做咁多野
所謂多左嘅客都唔知要撘幾多次先cover到成本
尖咀去旺角搭1A嘅大有人在 如果做埋雙向分段
最終一定係揾少左 如果局部推行就仲衰
即係推行成本高左 而呢個局部範圍亦都一定有好大争拗點
明知做一樣野會引發咁多野出黎 巴士公司有咩動機同你博
淨係諗短程車揾多左 有冇諗過搭全程果D因為車程長左而放棄巴士呢

對於客少，全程收費貴，但係做中途客為主既線，應該要行按途收費

但客少既定義，我相信依運吉標準，繁時非繁最高都只係有50% 30%個D..近乎拍烏蠅既線
而沿途亦有類似替代品，只不過用按途個條黎加密其他線班次令乘客唔駛等車等太耐

九巴個堆73/73A其實有潛質搞，不過我又覺得一樣野
上十個客收足十個客全費，行完按途收費，如果埋單又係得十個客，又全部按途收費唔駛比全費
埋單計的確有隱憂賺少左

有得揀梗係想你比足全費，架車點樣空載都無所謂，人均消費高已經足夠

仲未計行優惠分段收費會引起其他交通工具如小巴反對

如果行完按途收費，客量計多左，但收入原地踏步，亦唔係按途收費既雙贏既效果

而比較成功既按途收費我覺得係城巴73，多左人搭，但又唔駛話多到要加班，其他線又唔駛開咁密，用埋73個幾部車資源
亦都維持到條73既生計(叫做有好過無，30分鐘1班時段其實載客率都係無30%)....

原帖由 kay 於 2012-6-25 22:19 發表
對於客少，全程收費貴，但係做中途客為主既線，應該要行按途收費

但客少既定義，我相信依運吉標準，繁時非繁最高都只係有50% 30%個D..近乎拍烏蠅既線
而沿途亦有類似替代品，只不過用按途個條黎加密其他線班次令乘客唔駛等車等 ...

我都認同哩點
站在乘客角度，
如果我由粉嶺去大埔，
俾73A全費我真係寧願唔搭。
所以八達通雙向分段可以方便到哩班乘客。

當然，站在巴士公司角度，
佢可能唔係咁諗。

所以我認為除左九巴之外，
運吉亦應該檢討分段收費既性質，
分段收費唔應該當佢係「優惠」…

原帖由 GF2158 於 2012-6-25 22:16 發表

要巴士公司為左一個幾毫嘅婆媽數去做咁多野
所謂多左嘅客都唔知要撘幾多次先cover到成本
尖咀去旺角搭1A嘅大有人在 如果做埋雙向分段
最終一定係揾少左 如果局部推行就仲衰
即係推行成本高左 而呢個局部範圍亦都一 ...

講真, 實施雙向分段, 如果整體不加價前題下, 本身對於
短途乘客, 的確是涉及減價, 巴士公司未必肯制...

但提出的目的, 我認為首要唔係考慮有關減左的價格, 因為
巴士公司可以因應市場情況及競爭對手價格, 去調整有競爭
力及可以賺錢的不同分段/路程新價格, 其實同現在一樣

(新舊制度本身收費模式唔同, 價格考慮應有分別, 如短加長減定
其他呢? )

但有關制度的重點, 係為巴士服務, 尤其一籃子流水線, 提供
更公平的收費機制, 直接用價錢反映路程..從而為香港巴士
服務未來, 帶來新的模式及機會

直言, 如果制度改左, 乘客乘車方式點改變, 唔試過真係無咩
人可以肯定, 如會唔會再多左人坐1-2個站呢.....又或者好似你
咁講, 多幾多人先可以cover 返? 但事實上, 有關模式是有可
能對巴士服務提升效率的

睇返, 香港不同交通的收費模式, 鐵路一向用路程(雙向分段)計算
(電車除外), 的士亦係用路程...而隨住八達通普及, 唔少小巴,
尤其專線小巴, 亦有用不同路程去收不同價錢, 外國亦有更多巴士
例子, 即有關收費模式

(其實香港巴士有售票員年代, 本身都係雙向分段?)

基本上, 似乎只有巴士大部分只設單向分段, 其實某程度上係限制左
巴士線本身的潛力, 尤其面對其他交通競爭

當然, 針對返會多左人上落車的情況, 巴士公司可以考慮從車輛設計改善,
點樣加快上落, 如之前我都建議過, 如三門巴士, 加快落客, 亦可以考慮
在闊上車門, 設左右2部八達通機, 加快上車 (城巴當年真係考慮過)

而長遠的確可以好多空間, 不過一定要早d規劃, 外國唔少技術/制度
都可以參考..

原帖由 GF2158 於 2012-6-25 22:16 發表

要巴士公司為左一個幾毫嘅婆媽數去做咁多野
所謂多左嘅客都唔知要撘幾多次先cover到成本
尖咀去旺角搭1A嘅大有人在 如果做埋雙向分段
最終一定係揾少左 如果局部推行就仲衰
即係推行成本高左 而呢個局部範圍亦都一 ...

講左好多次
唔係條條有分段既線都要加雙向分段
1A既客你俾雙向分段同冇雙向分段都係咁搭
由頭到尾都冇叫1A lee D本身競爭力已經好足夠既路線走去玩雙向分段

我自己覺得有一批線都有做雙向分段既潛力
而主要既都係希望做左雙向分段之後老九係nothing loss
再舉58M做例
可能良景區>屯市既需求未必咁大
但係由於本身58M一路掃到華都都仲有客上車
所以景區>屯市既區內客最多只會影響到良景區既人上唔到車
但係反而令到尾/尾二站可以上到客既情況下
實際上載客量係不變
老九額外既成本只會係開多一部八仔機
雖然現時可以一收收佢$8.5
但係行雙向分段可能係收到幾個$3.9

原帖由 Snoopy@FB8617 於 2012-6-26 01:15 發表
講左好多次
唔係條條有分段既線都要加雙向分段
1A既客你俾雙向分段同冇雙向分段都係咁搭
由頭到尾都冇叫1A lee D本身競爭力已經好足夠既路線走去玩雙向分段

我自己覺得有一批線都有做雙向分段既潛力
而主要既都係希 ...

平心而論, 究竟係而家收8.5一位定係收多幾個3.9一位既總收入多D無人估計到
假設而家收8.5一位, 只係需要用20架車, 但如果載多幾個3.9一位既流水客
可能會令到條線要加車, 亦有可能好似你咁講, 唔增加資源情況下多左一個double以上既3.9客搭車
但好明顆好似58M呢D線繁時本身已經好爆, 再多一批3.9客會唔會令到一班俾8.5既客上唔到車而流失左呢
非繁時就當然係無問題, 收入仲肯定多左, 但如果淨係非繁時做雙向又會有人嘈

係香港好多人鍾意想一得二, 如果你話有競爭力既線唔做雙向分段,
不論巴士公司點樣將佢D線定位, 決定邊條線做邊條線唔做都好,
最終一定有人嘈點解某條線無份, 點解唔係全面推行

講到車既問題, 你話巴士公司只係需要加一部八仔機落去
咁假設係50/50咁推行, 到時D車係全部裝哂兩部機
定係有份玩雙向既車隊先有份裝兩部機呢,
如果係前者, 即係有一半車隊浪費左部機
如果係後者, 即係巴士公司資源調配上又難左
同埋你肯唔肯定到, 現時既車隊資源可以應付到多出黎既客呢
做一個雙向分段唔係淨係裝多一部八仔機咁簡單, 如果無一個肯定既數據支持到,
無一間巴士公司願意冒呢個險去試呢一個唔知會係賺定係蝕既計劃

原帖由 GF2158 於 2012-6-26 02:16 發表

平心而論, 究竟係而家收8.5一位定係收多幾個3.9一位既總收入多D無人估計到
假設而家收8.5一位, 只係需要用20架車, 但如果載多幾個3.9一位既流水客
可能會令到條線要加車, 亦有可能好似你咁講, 唔增加資源情況下多左 ...

神奇之處係只要你搵到適合既線
由頭到尾都係唔駛加車
繼續用58M做例
條線由良景區一直上客到華都
當區內客係屯仁街落左既
自然果位就俾該站同華都既人有得上
即係冇浪費到最後既運載力
當然良景區可能有人上唔到車
但其實冇需要加車
因為去到最後架車係華都頂閘的話都係上到同樣數目上既咁多客

除非一個情況係
新增左雙向分段之後出現左一大批既乘客
而令到尾站冇咁多客去填補返D空位
但如果係既,證明其實中間一段路程有潛力分開做

想一得二又點?
巴士公司唔做咪唔做
根本就唔駛俾面你
雙向分段係一個額外既優惠
冇咩必要話唔俾會唔得

裝左兩部機會唔會等於浪費呢?
唔開佢放係到算唔算叫浪費呢?
反倒而言善用有多既載客空間亦有助於環境

當然事實就係
成件事係唔係包老九一定賺呢?
未必一定係
只不過會唔會連小範圍搵一條線試下都唔得呢?

原帖由 Snoopy@FB8617 於 2012-6-26 02:50 發表
神奇之處係只要你搵到適合既線
由頭到尾都係唔駛加車
繼續用58M做例
條線由良景區一直上客到華都
當區內客係屯仁街落左既
自然果位就俾該站同華都既人有得上
即係冇浪費到最後既運載力
當然良景區可能有人上唔到車
...

調番轉頭諗, 如果58M多左良景-華都流水客
即係話有全程客有機會因為上唔到第一班58M而改搭其他車
亦有人會因為車上無坐位而唔坐第一架車, 最終班客去左邊無人知
除非搵到一條線係咁...全程由A點去C點, 全程客唔多
但同時會有好多人由A點去B點, 同埋B點去C點,
58M似乎都唔算係達標 所以要搵一條咁完美既路線出黎都唔易
反而我諗九龍段既59A/66有機會做到呢個效果(深水埗-荃葵-屯門)

八仔機裝左唔用, 其實一樣會有保養成本
原本4千部機變8千部機都會係一個幾沈重既開支
正如巴士公司買一架巴士番黎都想用盡佢為止