究竟國民教育應唔應該起香港出現 ?

原帖由 hkth 於 2012-7-22 22:59 發表
教育局局長吳克儉已在他的網誌回應此問題, 不如大家一同看看其內文再回應吧, 另外, 大家要留意這科目是德育及國民教育科, 不只是國民教育而已, 千萬不要被個別傳媒誤導.

兼容不同意見　培養獨立自主學生
(三年開展 ...

德育及國民教育科,
分兩個部分, 一部分係德育科,
另一部分係國民教育

而家政府出錢比人寫有關國民教育方面既教材,
內容極度有問題, 傳媒話係洗腦有乜問題?

唔通你要覺得要全個課程都係洗腦先有問題嗎?
同埋你話同常識科差唔多,
開多科托嗎?

原帖由 Anpretext 於 2012-7-23 00:07 發表
德育及國民教育科,
分兩個部分, 一部分係德育科,
另一部分係國民教育

而家政府出錢比人寫有關國民教育方面既教材,
內容極度有問題, 傳媒話係洗腦有乜問題?

唔通你要覺得要全個課程都係洗腦先有問題嗎?
同埋你話同 ...

政府講得出其實全部都係比較正面 o既消息/官方回應,
俗 D 講真係 講黎講去三篤屁 ~

不過睇下文件其實多次用上 "國家", "愛國心", "愛國情懷", "國民身份認同", "歸屬" 等字眼
講真, 愛國愛港又的確唔係要愛共產黨的...

不如睇下部份家長有咩感覺好過 ~
http://hk.news.yahoo.com/%E5%AE% ... 8%8D-224608908.html

• 要求學生對國家產生感情，窒礙知識傳承，就算講了中國發展的正反兩面，都不代表孩子就能夠產生感情！先不討論愛國是對或錯，為何連選擇不愛的權利也不給孩子
• 國民教育的課程指引看似中立，但當中老師須感動、激勵學生，令課程欠思考性，而只是情緒化
  

事實如此, 既然你要學生有獨立思巧,
點解又要一味灌輸對中國 o既正面比學生 ?

無論以前定係而家, 香港社會上都有唔小人對政府反感的,
進行所謂德育及國民教育科, 係唔係連小小反對聲音都要冇埋 ?

起呢個問題上, 局長完全冇解答過 ~

原帖由 Anpretext 於 2012-7-23 00:07 發表
德育及國民教育科,
分兩個部分, 一部分係德育科,
另一部分係國民教育

而家政府出錢比人寫有關國民教育方面既教材,
內容極度有問題, 傳媒話係洗腦有乜問題?

唔通你要覺得要全個課程都係洗腦先有問題嗎?
同埋你話同常識科差唔多,
開多科托嗎?

-- 本人的立場是國民教育是需要教授, 但不應只推銷國家好的一面而不談壞事, 要多角度思考. 小學常識科的問題是也包括科學, 個人培養就不夠. 德育及國民教育科正正為此作補充.
學校校長及教師其實可以不使用那一本有問題的教材吧, 教育局也沒有硬性規定的. 而且這個指引也列出一批參考資料, 親中共的及不親中共的都有, 怎樣會令學生洗腦呢?

原帖由 hkth 於 2012-7-23 08:04 發表


-- 本人的立場是國民教育是需要教授, 但不應只推銷國家好的一面而不談壞事, 要多角度思考. 小學常識科的問題是也包括科學, 個人培養就不夠. 德育及國民教育科正正為此作補充.
學校校長及教師其實可以不使用那一本 ...

問題而家就會出起於評分標準個度,
究竟一個學生點樣先會合格定唔合格,
要知道每一科科目都會有考核的, 你點樣去評定一個學生合格定係唔合格 ? 點樣叫高分點樣係低分 ?
唔通要求學生讚揚共產黨先比高分 ?

今日的AM730內, 財經CAREFREE的專欄內容正正係我想講的事情, 可參考下列連結.

http://www.am730.com.hk/article.php?article=113549&d=1801

其實如果唔係有人share黃之鋒的訪問片段，
相信坊間無乜人會理國民教育，甚至實行左都唔知。

今日睇報紙話有中學要升國旗唱國歌之類......
我讀間中學九七後無耐已經做緊啦！
爭在未需要大嗌「我愛祖國」之嘛。

當年個校長係外軟內硬的人，好易畀宗教團體、教材公司氹到，
政府撥錢的政治工程佢都好受落，全港中學裝晒旗杆，
但附近四間中學只有我地成日掛住支旗，
同埋每個cycle一次隆而重之的升旗禮。
洗腦？已經洗左十年有多啦。

我自己夠在宗教科寫過功課反法輪功，
而家諗起先覺奇，一直都冇功課，
一間基督教學校無啦啦會講法輪功，
更要交功課聲明自己立場。
我當年係中三，資訊無而家咁發達，
而家諗返，資訊不足之下好容易會偏頗，
點解我沒有選擇不表態的權利？
我的那份「功課」，到頭來會落在甚麼人的手上、作甚麼用途？
而家諗起先識驚，因為我試過有作文被加落校方刊物上，
雖然刊文前有得我同意，但作文時係無講到會出街的。
大家知啦，這個政團有乜野做唔出？

而我自己係在一次恐怖得如同邪教踢人入會的「周會」中完全醒覺，
不再相信校方的安排和立場，離校之後更在當年老師口中知得更多。

至少在中共滅亡前不應該出現。之後個政權都要觀其行 50 年先講。

嚴格而言，香港根本係一個國際城市，國族？行埋一二邊啦唔該。

原帖由 AVD1 於 2012-7-23 08:09 發表

問題而家就會出起於評分標準個度,
究竟一個學生點樣先會合格定唔合格,
要知道每一科科目都會有考核的, 你點樣去評定一個學生合格定係唔合格 ? 點樣叫高分點樣係低分 ?
唔通要求學生讚揚共產黨先比高分 ?

本人認為教育局會作出這樣的評核指引:
小學的是回答普通問題再加一些文章寫作.
初中會是小學以上, 再加一些思考題習作.
高中的或許會使用類似現時的通識科的準則.

[ 本帖最後由 hkth 於 2012-7-23 13:27 編輯 ]

好簡單
因為對像係中國同中共
你試下當年行洗腦既對像係英國佬?
除非成個國民教育只係插中共
否則一句讚既都會照插

不過我諗
當好多學生對中共真係接近0認識既時候
推下國民教育都好既
當然內容唔應該太過一面倒

原帖由 hkth 於 2012-7-23 13:26 發表


本人認為教育局會作出這樣的評核指引:
小學的是回答普通問題再加一些文章寫作.
初中會是小學以上, 再加一些思考題習作.
高中的或許會使用類似現時的通識科的準則. ...

你認為? 請問你認為自己係邊位呢?