8月5日起長者$2搭巴士

政府唔係帶頭興建更多醫護設施或安老設施等長遠政策措施去應付老年人口問題
而係用錢,醫療卷依類直接金錢措施去解決問題

我成日都覺得依D用錢解決的短淺措施,只係想將個問題不斷拖延
並非有心解決問題

就正如政府狂開自資學位/副學士去解決青年就業問題
而非從源頭-工種及低學歷工種數目入手
問題短期看似解決了,但過多五至十年
問題仍然出現,仲會嚴重左即管睇下十年後會出現乜事

原帖由 superbus 於 2012-7-24 00:18 發表
你搞錯喇, 真係好多老野見到下層大把位, 都硬係要鐘意走上上層
你見到呢類不自量力既老人家, 教吓佢地坐下層啦

最弊仆親時又入司機數呢，特別係 九巴.........

冇人倒垃圾係咪你揸架Benz 去堆田區倒垃圾？冇建築工人何來新機場，ICC？

香港社會兩極化是事實。富家子女參加兩三萬遊學團濕濕碎。低下階層連三千都未必有。富家子女又Ipad又tab，低下階層連寬頻月費都冇錢交，其中一個原因就係政府過往幾年興建公營房屋進度極慢。導致呢班人要住劏房，以每呎計可能仲貴過閣下住緊嘅豪宅。

呢班人

呢班人已將大部分收入貢獻給地產霸主，節衣縮食，但講到搭車，港島仲有電車同多條$3.4巴士坐。唔坐82坐85，唔坐27坐529。九龍新界由某巴，在個别路綫收足41%空調附加費，仲有咩選擇？行路？踩單車？

今日報紙話市區買400呎樓唔食唔用都要11年至買到。唔買樓咪捱貴租咯。就算買得起仲要供，去到65歲用兩蚊坐巴士都算過分？

原帖由 914 於 2012-7-24 00:42 發表
請問邊幾條線有此情况，等小弟去見識吓。

應該問有邊條線無咁嘅情況
十個長者之中, 會明明樓下大把位都上層者,
依我所見一定唔止一個, 粗略估計應該都有四份一

長者當年搭巴士俾全費,
咁佢地有無付出錢俾佢地的長輩同後輩搭車半價/$2 ?
當年唔負出, 今日又要有回報, 邊有咁著數的事?
巴士公司買車的錢可以係借返來的, 至少九十年代好多都係

有部份長者生活有困難, 咁小童/年輕人生活就唔會有困難?
佢地有 $2200 生活津貼同好多其他福利, 後生的有無?
點解要一刀切, 令窮的青年人津貼埋有錢的長者?

[ 本帖最後由 Quanta 於 2012-7-24 14:57 編輯 ]

咁而家嘅長者以前沒有比全票嗎？

究竟邊四分一巴士線有長者明知樓下有位都要上樓上？請例出。唔好得個講字。

巴士公司買車的確可以分期。但冇乘客的話，巴士公司靠甚麽還錢？

小童生活困難靠邊個？除了孤兒他們有父母養。但並不是所有長者都有子女供養的。

呢期港鐵小童weekend 坐港鐵，甚至機鐵，都唔使錢，長者坐港鐵仲要兩蚊，機鐵仲要比正價。

咁鐘意計着數，一個小童從香港站去機埸比者慳嘅數肯定多過N368長者優惠。

原帖由 頭文字TRIDENT 於 2012-7-24 09:15 發表
政府唔係帶頭興建更多醫護設施或安老設施等長遠政策措施去應付老年人口問題
而係用錢,醫療卷依類直接金錢措施去解決問題

我成日都覺得依D用錢解決的短淺措施,只係想將個問題不斷拖延
並非有心解決問題

就正如政府 ...

認同, 你見好似歐債危機等好多國家的財政問題,
都係因為老人福利太好,
政府為咗收買民意支持, 花了大量公帑去資助老人福利同退休金,
而出生率下降下年青一代負擔不起日益高昂的長者福利開支,
要取消又取消唔到

而且單以現金補貼, 而唔係改善服務, 根本幫唔到最有需要的一群

[ 本帖最後由 Quanta 於 2012-7-24 21:57 編輯 ]