『我地對依D嘢好敏感』

原帖由 stan19 於 2012-7-30 02:00 發表


咁你又唔好咁激動, 唔好簡單複雜化, 我自問唔識咩新加坡, 咩法律, 咩"創作自由", 你鐘意點講都好啦, 你又法律又權利咁複雜, 費事我自己講錯左捉蟲, 我唔係覺得影車唔合法, 我只係我覺得點解一個唔願意上鏡既司機同 ...

老實講, 我唔知樓主講左D咩搞到雙方對立到咁強硬
我唔會阻止巴士佬同佢講唔想比樓主影, 只不過同時我唔會退後半步

只不過, 我作為過來人可以講一句
你就得一個, 你都就唔到第二個, 如果唔係你就交唔到差
呢個係我中學果陣做左咁耐攝記既總結
當然, 你可以話我唔係一個專業既攝影師
呢個我認

好, 講返為興趣而影, 咁呢次個巴士佬又有冇尊重過人地既興趣?
我唔知對話內容
但見佢既語氣, 同樣係冇
無論樓主語氣如何,
作為一個人黎講,巴士佬 咁講法已經輸左一局
小學都有教, 己所不欲, 勿施於人

就用打風果陣黎講, 難免會有係街上面既直播畫面
呢個巴士佬咁岩又上左鏡
你估佢又可唔可以可唔可以好似某君咁荒謬到話搵正義既朋友落電視台charge?

好認真一句, 街上面咁多攝影都係到影相,
咩目的都有(當然色情照片又受到第D法例管制)
由出門口果步, 你就有機會比人影入鏡
你係條街到, 影相果個理得你返工返學定shopping都可以影相, 係咪?

我前文都講左, 你有本事就避,
反正車長普遍都唔係呢到要既主角

講開又講, 咁巴士公司請司機果陣, 又冇話公作內容不會被拍攝
巴士係馬路都行, 大多數都係公眾地方黎, 我影相有咩問題?
唔好再用呢D搵食論黎做藉口

下下都要魚蛋論咁, 我唔想上鏡, 就要搞到你相都冇得影咁
到時只會搞到大家關係更差
唔係話樓主岩晒, 而係巴士佬都有錯

[ 本帖最後由 NEO_962 於 2012-7-30 02:34 編輯 ]

原帖由 NEO_962 於 2012-7-30 02:28 發表
老實講, 我唔知樓主講左D咩搞到雙方對立到咁強硬
我唔會阻止巴士佬同佢講唔想比樓主影, 只不過同時我唔會退後半步

只不過, 我作為過來人可以講一句
你就得一個, 你都就唔到第二個, 如果唔係你就交唔到差
呢個係我中 ...

我想知個位司機錯係邊?
錯係唔應該反映自己唔太想上鏡, 而應該無任歡迎你地影佢?
佢既用詞語氣無錯係有改善既地方, 但唔代表佢無權反映自己唔太想上鏡喎
仲有, 如果你影呢張相係為交差既, 好聲好氣同司機解釋, 我諗司機會明白
但睇樓主引述司機既反應, 同樓主係文章話司機既態度 (其實我想話樓主寸司機, 但又怕佢唔鐘意)
我有d 懷疑佢係咪真係好聲好氣同司機講
而且我相信樓主影巴士都唔係為交差, 咁樣影少一張係咪真係咁緊要?
再講, 如果作為巴士司機, 唔想上鏡都唔比反映
咁係個d 私家地方影巴士, 明明影唔到d 保安員, 佢地都黎話唔比影相趕你扯, 甚至話你唔走就報警, 佢地咪罪大惡極?

簡單講一句
你影巴士就一定會影到司機
如果佢出聲, 你都可以無奈接受, 或者用適當理由解釋, 而唔係即刻係背後或直接鬧返佢轉頭囉

睇到以上D覆, 真係有部份巴士迷係認為影既只係巴士, 唔係司機, 司機唔應該出聲
大佬...巴士係街行, 唔通自己會識郁咩,  司機因為我地既興趣而俾人影, 點解無權出聲呀...?

[ 本帖最後由 happykeroro 於 2012-7-30 12:06 編輯 ]

原帖由 teddybus 於 2012-7-30 09:56 發表
咁係個d 私家地方影巴士, 明明影唔到d 保安員, 佢地都黎話唔比影相趕你扯, 甚至話你唔走就報警, 佢地咪罪大惡極? .

私人地方有權定立禁止拍攝只不過, 果到係咩?

咁講, 我冇話話巴士佬唔應該出聲
只不過我睇佢語氣黎講, 都唔係d咩好聲好氣既人
換轉係我, 我又駛乜比面佢?

[ 本帖最後由 NEO_962 於 2012-7-30 12:52 編輯 ]

原帖由 NEO_962 於 2012-7-30 12:44 發表

私人地方有權定立禁止拍攝只不過, 果到係咩?

咁講, 我冇話話巴士佬唔應該出聲
只不過我睇佢語氣黎講, 都唔係d咩好聲好氣既人
換轉係我, 我又駛乜比面佢? ...

o拿, 我就曾經試過係apm巴士站入口影車被保安趕, 咁你話呢個位又係咪私人地方?
有時比人趕比人話, 識趣既咪走人算數囉
好似上面話齋, 比人話完唔抵得唔忿氣, 擺上黎鬧司機, 比其他人插返轉頭其實都無得怨....
仲有, 我都話左唔知樓主當時同司機對話既語氣係點
假設佢係好似寫呢篇文章咁既態度, 比我係司機, 咪又係同你諗法一樣, 我使乜比面樓主
結果咪大家不歡而散, 樓主有樓主開文怒插, 個司機又可能係其他地方呻比樓主無禮對待, 咁又何必哩?

個司機同我講翻時
我只係「好」一個字嚟打發佢走
態度只係一般

原帖由 teddybus 於 2012-7-30 13:14 發表


o拿, 我就曾經試過係apm巴士站入口影車被保安趕, 咁你話呢個位又係咪私人地方?
有時比人趕比人話, 識趣既咪走人算數囉
好似上面話齋, 比人話完唔抵得唔忿氣, 擺上黎鬧司機, 比其他人插返轉頭其實都無得怨....
仲 ...

APM果度當喺私人地方好奇咩，以前在新機場巴總都試過啦....

回正題，當在巴士總站果幕車長有道理，咁行緊呢?

當然任何人有權唔鍾意俾人影，但喺你揸緊車，人哋喺車外安全地方影到你架車 (當然包括你)，唔通停車話佢呀....

講真，興趣唔喺大晒，但喺影果個喺法理情方面都冇影響你工作及安全，就算你唔鍾意都唔喺大晒...

OT一個個人經歷:
我試過在輕鐵站影輕鐵，當時我在月台前的地面位置，忽然俾個路人話我影都佢 ，仲屈我話影人裙底，又話要報警...
果陣支鏡對住架輕鐵呀...我覺得冇理虧咪同報警囉...最尾我冇輸仲同警察傾咗兩句計添呀...

[ 本帖最後由 AA48@43A 於 2012-7-30 15:34 編輯 ]

原帖由 DA15 於 2012-7-30 15:28 發表
個司機同我講翻時
我只係「好」一個字嚟打發佢走
態度只係一般

你話你既態度好一般? 可能啦...
同埋我覺得個司機無乜可能一輪咀講晒你係#1打個五句, 中間應該有你既回應
我就係想知你有無講過或者做過d 乜野令個司機回你 "你食緊早餐我兜口兜面影你又得唔得呀"
我唔認為佢會無端端爆呢句出黎...

同埋態度呢家野係好主觀, 你話個司機寸寸貢, 我一樣覺得你highlight "我地" 係寸緊個司機啦...

原帖由 AA48@43A 於 2012-7-30 15:32 發表


APM果度當喺私人地方好奇咩，以前在新機場巴總都試過啦....

回正題，當在巴士總站果幕車長有道理，咁行緊呢?

當然任何人有權唔鍾意俾人影，但喺你揸緊車，人哋喺車外安全地方影到你架車 (當然包括你)，唔通停車話佢呀....

...

我當時係o係apm 11x個站尾度影相, 個度係私人地方? 咁我真係唔知喇....
我認同咁樣去表達自己唔想上鏡係無咩必要, 但咁同佢有無權表達佢唔想比樓主影係兩回事
我睇#1 就覺得樓主好似寸緊個司機大驚小怪唔應該表達佢唔想比樓主影...

當然, 如果個司機好似你講個位女士咁, 屈你影佢裙底, 或者同樓主講唔走唔del相就報警, 咁就另一回事
不過我諗個司機態度點差都好, 都唔會夠膽去迫樓主刪相
佢講個幾句野, 係我角度黎講真係no big deal, 起碼唔係去到要開文炮轟既地步...

[ 本帖最後由 teddybus 於 2012-7-30 15:48 編輯 ]

原帖由 teddybus 於 2012-7-30 15:38 發表


你話你既態度好一般? 可能啦...
同埋我覺得個司機無乜可能一輪咀講晒你係#1打個五句, 中間應該有你既回應
我就係想知你有無講過或者做過d 乜野令個司機回你 "你食緊早餐我兜口兜面影你又得唔得呀"
我唔認為佢會無 ...

我就係話態度好一般
你可以唔信
個五句之中我係用咗「影車」「唔」「係」「好」嚟搭佢
畀着你好嬲
會唔會一路話人話到人冇聲出
我望往佢唔出聲
佢咪自已揾D例子嚟寸我