討論: 老九增設特平分段是否可以開源?

原帖由 區麗芝 於 2012-7-29 14:14 發表


原來短途客有咁大影響會得長途客。
睇黎政府應該效法20年前，往屯元區巴士
過屯門公路後不准上客。

各區都有長途線有區內買菜特快車...我個人唔介意有線會做到

但特意去做無必要，因為咁都唔合成本.....

屯門區內大把線都平過輕鐵，但只有少數有吸引力大量人去座.....

如果焗一D線去短途搶客，就失去原來開線意義囉....

1. 最大問題係無個誘因比巴士公司去搞。

舉例：
九巴 30/30X 荃灣 > 荃景圍，基本上現在 30/30X 一到，如果前面無 39M/39A，一定有半條隊以上會比 $4.x - $5.7 上車。如果 30/30X 增設特平分段 $3.2，雖然會多左原本等 39M/39A 既人上 30/30X，但總體人數 (上 30/30X + 齋等 39M/39A) 不變的話，實際上九巴既收入就會減少。

2. 長途綫增加特平分段，行車時間將會因短途客而導致更不穩定，更容易脫班。

3. 短途綫也有機會令因爲長途綫增加特平分段，而導致雙向客量不平衡，尤其係長途綫既班次比短途綫密很多的時候，
會令短途綫某一個方向客量非常少，但另外一個方向就非常多，派車比較麻煩。

原帖由 cong 於 2012-8-3 17:06 發表


特平分段唔駛加車行, 平價流水線除非學新城跳飛機, 否則一定要額外資源, 咁就有成本喇

我提議搵蝕錢線或者唔多客既線做, 幾條蝕錢線串埋一齊做平價流水吸客,

當然大前提係要有客&唔會好似荃景圍個case咁隨時雙輸~

261 無上水分段 ，反而屯門有分段,諗極都吾明

原帖由 chungwh1113 於 2012-8-8 12:00 發表
261 無上水分段 ，反而屯門有分段,諗極都吾明

好多新界西北區外線都係咁，唔止有分段，仲係特平(其實只係合理，不過只係其他太貴)
269D又係咁，yoto town去到天水圍咁遠$3.9，新城市廣場去瀝源o個少少就$5.2。
點解？唸下新界西北有咩其他區冇既交通工具啦

某D地區既居民，成日鬧輕鐵點衰衰衰，吹巴士點好好好，又話最好拆左輕鐵去畀巴士做，
係，輕鐵係麻麻，但如果冇輕鐵做對手競爭，D巴士仲會做到咁好？
冇輕鐵的話，你畀生意巴士公司做，佢(仲有部份所謂巴迷)都嫌你阻佢發達，「區內客用區外線、拖慢行車時間...」

原帖由 mckhgc 於 2012-8-8 13:35 發表

好多新界西北區外線都係咁，唔止有分段，仲係特平(其實只係合理，不過只係其他太貴)
269D又係咁，yoto town去到天水圍咁遠$3.9，新城市廣場去瀝源o個少少就$5.2。
點解？唸下新界西北有咩其他區冇既交通工具啦

某D地區既居民，成 ...

你咁講跟本無道理，姐係你要長途客去貼短途？佢地要出更多時間去俾你賺短途，咁做咩開Point到Point，全部開曬大流水咪仲好賺

亦不理解輕鐵點令巴士服務更好，講得黎句你跟本不明白輕鐵點影響屯元天的過去

而新界西3.9定位係跟當時的老區內線，而沙田你都有大把區內線，咁都同人計？

正正就係因為有輕鐵, 九巴唔可以開區內線, 要做區內客,
唯有用區外線加區內價, 如果無輕鐵, 單單區外線根本唔
夠做區內客, 開得區內線, 區外線的分段必定會大幅加價,
趕番哂區內客用區內線

沙田個 case 其實都幾難搞...

1. 出咗隧道，無論入馬鞍山、定係好似 269D 咁得一兩個站，都係收同樣價錢。
就算唔係入馬鞍山，過河同唔過河可能都已經差好遠。

2. 入沙田幾條路 (隧道) 出口位置唔同，
就算係返同一個地方，獅隧出、城隧出同老隧出肯定唔一樣。

如果真係要公平計費，
我諗部份沙田線返到去要做兩個甚至三個分段
(即係好似 42C / 49X 返青衣咁樣)，
而同一時候，區內線都要計過哂條數。
我仲未計大老山某啲短到連分段都無嘅 X 線。

[ 本帖最後由 238X 於 2012-8-8 17:34 編輯 ]